டெல்லி கலவரம் எதிரொலி: துணை ராணுவத்துக்கு புதிய பாதுகாப்பு சீருடை வழங்க முடிவு

டெல்லியின் வடகிழக்கு பகுதியான ஜாஃப்ராபாத்தில் குடியுரிமை திருத்த சட்ட எதிர்ப்பாளர்களுக்கும், ஆதரவாளர்களுக்கும் இடையே கடந்த பிப்ரவரி 23, 2020 அன்று ஏற்பட்ட மோதல் பெரும் கலவரமாக மாறி கல்வீச்சு, தீவைப்பு போன்ற வன்முறை சம்பவங்கள் நடைபெற்றன. 4 நாட்கள் நடைபெற்ற இந்த கலவரத்தில் 48 பேர் உயிரிழந்தனர். 200-க்கும் மேற்பட்டோர் காயம் அடைந்தனர்.

இந்த வன்முறை மோதல்களைத் தொடர்ந்து, பாதுகாப்பு பணியில் ஈடுபட்டிருந்த துணை ராணுவத்தினர் (மத்திய ரிசர்வ் போலீஸ் படை - CRPF) இந்திய ராணுவத்தின் சீருடையை அணிந்து இருப்பதைப் போன்ற புகைப்படங்கள் வெளிவந்தன. இந்த புகைப்படங்கள் மற்றும் வீடியோக்கள் சமூக ஊடகங்களில் வைரலான நிலையில், அந்த பகுதியில் இந்திய இராணுவம் வரவழைக்கப்பட்டதாக செய்திகள் பரவி பெரும் பரபரப்பை ஏற்படுத்தியது.

இதனையடுத்து, பாதுகாப்பு பணியில் ஈடுபட்டிருக்கும் துணை ராணுவத்தினர் இந்திய ராணுவம் போன்ற சீருடையை அணியாமல் இருப்பதை உறுதி செய்ய வேண்டும் என்றும், அதற்கான வழிகாட்டுதல்களை வெளியிடுமாறும் பாதுகாப்பு மற்றும் உள்துறை அமைச்சகங்களை இந்திய இராணுவம் கேட்டுக் கொண்டது.

இந்நிலையில், மத்திய உள்துறை அமைச்சகம் (Ministry of Home Affairs -MHA) துணை ராணுவத்தினருக்கு (Central Reserve Police Force -CRPF) புதிய பாதுகாப்பு சீருடையை வாங்கும்படி கேட்டுக் கொண்டுள்ளது. இது அவர்களுக்கு அதிக "ஆறுதல் மற்றும் நிலைத்தன்மையை" வழங்க தகுதியான அதிகாரியால் அங்கீகரிக்கப்பட்டுள்ளது.

ஜம்மு மற்றும் காஷ்மீர், சத்தீஸ்கர் மற்றும் வடகிழக்கு பிராந்தியங்களில் பணியமர்த்தப்பட்ட கள அதிகாரிகள் தங்கள் போர் சீருடையில் சிக்கல் இருப்பதாக மூத்த அதிகாரிகளுக்கு கருத்து தெரிவித்ததை அடுத்து இந்த முடிவு எடுக்கப்பட்டதாக ஒரு மூத்த துணைராணுவ அதிகாரி இந்தியன் எக்ஸ்பிரஸிடம் தெரிவித்துள்ளார்.

“இந்த விஷயம் உள்துறை அமைச்சகத்தில் உள்ள ஒரு அதிகாரியிடம் தெரிவிக்கப்பட்டது. அதன் பிறகு துணை ராணுவ சீருடை மாற்ற முடிவு செய்துள்ளது, இப்போது மற்ற படைகளும் மாற்றத் திட்டமிடுமாறு கேட்டுக் கொள்ளப்பட்டுள்ளன." என்று அந்த அதிகாரி கூறியுள்ளார்.

"வட இந்திய ஜவுளி ஆராய்ச்சி சங்கம் மற்றும் பிற நிபுணர்களுடன் ஒருங்கிணைத்த பிறகு, கிட்டத்தட்ட 10 ஆண்டுகளுக்குப் பிறகு அவர்களின் பாதுகாப்பு சீருடையை மாற்ற சிஆர்பிஎஃப் முடிவு செய்துள்ளனர். சிஆர்பிஎஃப்-ன் கமாண்டோ பட்டாலியன் ஃபார் ரெசல்யூட் ஆக்ஷன் (கோப்ரா) ஏற்கனவே டிஜிட்டல் பிரிண்ட்டைக் கொண்டுள்ளது. எனவே அவை மாறவில்லை. மேலும் ரேபிட் ஆக்ஷன் ஃபோர்ஸ்-க்கும் சீருடை மாற்றப்படவில்லை (RAF) (மாறவில்லை). 80% பருத்தி மற்றும் 20% பாலியஸ்டர் கொண்ட புதிய 'துணி சீர்குலைக்கும் பாலியஸ்டர் மற்றும் டிஜிட்டல் பிரிண்ட் வடிவமைப்பு கொண்ட பருத்தி' ஆகியவற்றை வாங்குமாறு மற்ற அனைத்து அலகுகளையும் நாங்கள் கேட்டுக் கொண்டுள்ளோம்," என்று மற்றொரு அதிகாரி கூறியுள்ளார்.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil