தடைசெய்யப்பட்ட இஸ்லாமிய அமைப்பான பாப்புலர் ஃப்ரண்ட் ஆஃப் இந்தியாவின் (பிஎஃப்ஐ) அரசியல் பிரிவான சோஷியல் டெமாக்ரடிக் பார்ட்டி ஆஃப் இந்தியா (எஸ்டிபிஐ) சமீபத்திய கர்நாடகா சட்டமன்றத் தேர்தலில் ஒரு இடத்தில் கூட வெற்றி பெற தவறிவிட்டது.
அக்கட்சியின் வேட்பாளர்கள் போட்டியிட்ட 16 இடங்களில் 15ல் டெபாசிட்டை இழந்தனர். இந்தக் கட்சி கடலோர கர்நாடகாவில் 7 இடங்கள், மத்திய கர்நாடகாவில் 2, பெங்களூருவில் இரண்டு, மும்பை கர்நாடகாவில் இரண்டு, தெற்கு கர்நாடகாவில் இரண்டு மற்றும் ஹைதராபாத் கர்நாடகாவில் ஒரு இடத்தில் போட்டியிட்டது.
மொத்தமுள்ள 16 இடங்களில், முடிகெரே (0.38%), ராய்ச்சூர் (0.44%), மடிகேரி (0.81%), தாவணகெரே தெற்கு (0.9%), ஹுப்ளி-தர்வாட் கிழக்கு (0.91%) ஆகிய ஐந்து தொகுதிகளில் SDPI 1%க்கும் குறைவான வாக்குகளைப் பெற்றது.
தொடர்ந்து, காபு (1.07%), சித்ரதுர்கா (1.25%), பெல்தங்கடி (1.33%), சர்வஞானநகர் (1.54%), புத்தூர் (1.61%), மற்றும் தேர்தல் (1.96%) ஆகிய ஆறு இடங்களில் கட்சி 1-2% வாக்குகளைப் பெற்றது.
மூடபித்ரி (2.28%), பண்ட்வால் (2.93%), மற்றும் புலகேசிநகர் (3.13%) ஆகிய இடங்களில் SDPI யின் வாக்கு சதவீதம் 2-5% ஆக இருந்தது. மங்களூரில் பதிவான வாக்குகளில் SDPI 9.41% வாக்குகளைப் பெற்றது.
மொத்தம், 16 இடங்களில் 169 தபால் வாக்குகள் உட்பட 90,482 வாக்குகளை SDPI பெற்றது. அதன் வாக்குப் பங்கு 0.23% ஆக இருந்தது, இது ஐந்து ஆண்டுகளுக்கு முன்பு 0.12% ஆக இருந்தது.
மக்கள் பிரதிநிதித்துவச் சட்டம், 1951 இன் பிரிவு 158(4) இன் படி அனைத்து வேட்பாளர்களும் பெற்ற செல்லுபடியாகும் வாக்குகளில் ஆறில் ஒரு பங்கை அதன் வேட்பாளர்கள் பெறத் தவறியதால், SDPI இந்தத் தொகுதிகளில் டெபாசிட் இழந்தது.
-
எஸ்.டி.பி.ஐ வாக்கு சதவீதம்
மைசூரு மாவட்டத்தில் 22.19% வாக்குகளை பெற்ற நரசிம்மராஜா தொகுதியில் மட்டுமே SDPI தனது டெபாசிட்டை தக்க வைக்க முடிந்தது. இந்த இடத்தில் SDPI கட்சியின் மாநில தலைவர் அப்துல் மஜீத் போட்டியிட்டார். இங்கு, அக்கட்சி பெற்ற வாக்குகள் 41,037 ஆகும். இது காங்கிரஸின் வெற்றி வாக்குகளை (31,120) விட அதிகமாகும்.
2018 தேர்தலில் SDPI போட்டியிட்ட மூன்று தொகுதிகளில் நரசிம்மராஜாவும் ஒன்று. மஜீத் 20.56% வாக்குகளைப் பெற்றதன் மூலம் அதன் டெபாசிட்டையும் காப்பாற்ற முடிந்தது. ஆனால் குல்பர்கா உத்தர் (0.54% வாக்குகள்) மற்றும் சிக்பேட் (9.08%) ஆகிய மற்ற இரண்டு தொகுதிகளில் அக்கட்சி டெபாசிட் இழந்தது. 2013 இல், நஹீத் தொகுதியில் இரண்டாவது இடத்தைப் பிடித்தார்.
இம்முறை SDPI களமிறங்கிய 16 இடங்களில் காங்கிரஸ் 10 இடங்களையும், பாஜக 6 இடங்களையும் கைப்பற்றியது. இந்தத் தொகுதிகளின் முடிவுகளில் அக்கட்சிக்கு எந்தப் பாதிப்பும் இல்லை.
கடந்த செப்டம்பரில் அரசு PFI ஐ தடை செய்தது. அரசின் அறிக்கையில், “பாப்புலர் ஃப்ரண்ட் ஆஃப் இந்தியா (PFI) மற்றும் அதன் கூட்டாளிகள் அல்லது துணை நிறுவனங்கள் அல்லது முன்னணிகள் பயங்கரவாதம் மற்றும் அதற்கு நிதியளித்தல், இலக்கு வைக்கப்பட்ட கொடூரமான கொலைகள், நாட்டின் அரசியலமைப்பு அமைப்பைப் புறக்கணித்தல், பொது ஒழுங்கை சீர்குலைத்தல் போன்ற கடுமையான குற்றங்களில் ஈடுபட்டிருப்பது கண்டறியப்பட்டுள்ளது. இவை, நாட்டின் ஒருமைப்பாடு, பாதுகாப்பு மற்றும் இறையாண்மைக்கு பாதகமானவை” எனக் கூறப்பட்டிருந்தது.
SDPI 2009 இல் PFI இல் இருந்து உருவானது மற்றும் முஸ்லீம்கள், தலித்துகள் மற்றும் பிற விளிம்புநிலை சமூகங்களின் அரசியல் பிரச்சினைகளை ஆதரிப்பதற்காக உருவாக்கப்பட்டது. SDPI இன் குறிக்கோளானது, “முஸ்லிம்கள், தலித்துகள், பிற்படுத்தப்பட்ட வகுப்பினர் மற்றும் ஆதிவாசிகள் உட்பட அனைத்து குடிமக்களின் முன்னேற்றமும் சீரான மேம்பாடும்” மற்றும் “அனைத்து குடிமக்களிடையேயும் நியாயமாக அதிகாரத்தைப் பகிர்வது” ஆகும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
