கனடா மக்களுக்கு இந்திய விசா மீண்டும் தொடக்கம்: சுற்றுலா விசா எப்போது?

India resumes e-visa services for Canadians | கனடாவை தளமாகக் கொண்ட காலிஸ்தான் பிரிவினைவாதி ஹர்தீப் சிங் நிஜ்ஜார் கொல்லப்பட்டத்தில் இந்தியத் தொடர்பு இருப்பதாக அந்நாட்டின் பிரதமர் ஜஸ்டின் ட்ரூடோவின் குற்றச்சாட்டினார்.

இதையடுத்து, கனடாவில் (canada) விசா சேவைகளை நிறுத்தி கிட்டத்தட்ட இரண்டு மாதங்களுக்குப் பிறகு, கனடா நாட்டினருக்கான இ-விசா சேவைகளை இந்தியா புதன்கிழமை (நவ.22) மீண்டும் தொடங்கியது.

இது குறித்து தூதரகம் ட்விட்டரில், “தகுதியுள்ள அனைத்து கனடிய குடிமக்களுக்கும் 22 நவம்பர் 2023 முதல் இந்திய eVisa வசதி மீட்டமைக்கப்பட்டுள்ளது" என்று தெரிவிக்கப்பட்டுள்ளது.

கடந்த மாதம், நுழைவு விசா, வணிக விசா, மருத்துவ விசா மற்றும் மாநாட்டு விசா உள்ளிட்ட சில வகைகளில் விசா சேவைகளை இந்தியா மீட்டெடுத்தது.

ஆனால் கனடா குடிமக்களுக்கு சுற்றுலா விசாக்கள் இன்னும் மீட்டெடுக்கப்படவில்லை. இது குறித்து, "விசா சேவைகள் ஓரளவு திறக்கப்பட்டுள்ளன, ஆனால் அது இயல்பாக்கப்படவில்லை" என்று இந்திய அரசாங்க வட்டாரம் தெரிவிக்கப்பட்டுள்ளது.

ட்ரூடோவும் அவரது அரசாங்கமும் அவரது குற்றச்சாட்டை வாபஸ் பெறவில்லை என்றாலும், இது இந்தியாவின் ஒரு பெரிய விரிவாக்க நடவடிக்கையாக இன்னும் கருதப்படுகிறது.

இந்தியாவிற்கு வரும் வெளிநாட்டவர்களின் நான்காவது பெரிய ஆதாரமாக கனடா உள்ளது. 2021 ஆம் ஆண்டில், இது வெளிநாட்டு சுற்றுலாப் பயணிகளின் வருகையில் (FTAs) 5.3 சதவீதமாக (80,437) இருந்தது.

இவர்களில், 72.6 சதவீதம் பேர் இந்திய வம்சாவளியைச் சேர்ந்தவர்கள், 2.5 சதவீதம் பேர் சுற்றுலாப் பயணிகள், 1.1 சதவீதம் பேர் வணிகம்/தொழில் சார்ந்த பணிகளுக்காகவும், 0.3 சதவீதம் பேர் மருத்துவ காரணங்களுக்காகவும் வந்திருந்தனர்.

மேலும், 0.1 சதவீத மாணவர்களும், 23.4 சதவீதம் பேர் பிற காரணங்களுக்காகவும் இந்தியா வந்துள்ளனர்.

ஆங்கிலத்தில் வாசிக்க : Diplomatic thaw: India resumes e-visa services for Canadians

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“