பெண் மருத்துவர் கற்பழிப்பு-கொலை வழக்கு: தீவிரடையும் போராட்டம்; போலீசாருக்கு கெடு விதித்த மம்தா பானர்ஜி

கொல்கத்தாவில் உள்ள அரசு மருத்துவக் கல்லூரியில் ஜூனியர் மருத்துவர், பெண் மருத்துவர் பாலியல் பலாத்காரம் செய்யப்பட்டு கொலை செய்யப்பட்ட வழக்கில் மருத்துவர்களின் போராட்டம் திங்கள்கிழமை மாலை தீவிரமடைந்தது. முந்தைய நாள் ராஜினாமா செய்த மருத்துவக் கல்லூரி முதல்வர் உடனடியாக நகரத்தில் உள்ள மற்றொரு நிறுவனத்திற்கு மாற்றப்பட்டார்.

முன்னதாக நேற்று பேசிய மம்தா பானர்ஜி, ஞாயிற்றுக்கிழமைக்குள் காவல்துறை வழக்கை தீர்க்க முடியாவிட்டால், வழக்கு சி.பி.ஐயிடம் ஒப்படைக்கப்படும் என்றார். 

கொல்கத்தாவில் உள்ள ஆர்.ஜி கர் மருத்துவக் கல்லூரி மற்றும் மருத்துவமனையில் வெள்ளிக்கிழமை 31 வயதான ஜூனியர் மருத்துவர் ஒருவர் கருத்தரங்கு அறையில் இறந்து கிடந்தார். இது மாநிலம் முழுவதும் பெரும் அதிர்வலைகளை எழுப்பியது. மேலும் மருத்துவமனை மருத்துவர்கள் போராட்டத்தில் ஈடுபட்டு வருகின்றனர். இந்த வழக்கு தொடர்பாக சஞ்சய் ராய் என்ற  சிவிக் தன்னார்வலரை போலீஸார் கைது செய்தனர்.

மருத்துவரின் குடும்பத்தினரை திங்கள்கிழமை சந்தித்துப் பேசிய முதல்வர் மம்தா, பின்னர் செய்தியாளர்களிடம் கூறியதாவது: வழக்கைத் தீர்க்க எங்களால் முடிந்தவரை முயற்சி செய்து வருகிறோம். ஒரு மருத்துவமனையில் எப்படி இதுபோன்ற சம்பவம் நடந்தது என்று தெரியவில்லை. போலீசார் விசாரணைக்கு முக்கியத்துவம் அளித்து வருகின்றனர். 

குற்றஞ்சாட்டப்பட்டவர்கள் அதிகமாக இருந்தால், அனைவரும் ஞாயிற்றுக்கிழமைக்குள் கைது செய்யப்பட வேண்டும்.  அவ்வாறு செய்ய முடியாவிட்டால், வழக்கை சிபிஐயிடம் ஒப்படைப்போம் என்றார். 

அதே நாளில், ஆர்ஜி கர் மருத்துவக் கல்லூரியின் முதல்வர் சந்தீப் கோஷ் தனது பதவியை ராஜினாமா செய்தார். “சமூக வலைதளங்களில் என்னை அவமதிக்கிறார்கள். என் மீது சிலர் பொய்யான குற்றச்சாட்டுகளை பரப்பி வருகின்றனர். என்னை நீக்கக் கோரி மாணவர்கள் தூண்டிவிடப்படுகின்றனர். இறந்த மருத்துவர் என் மகளைப் போன்றவர், குற்றவாளிகள் தண்டிக்கப்பட வேண்டும் என்று நான் விரும்புகிறேன். ஒரு பெற்றோர் என்ற முறையில் நான் ராஜினாமா செய்கிறேன்,'' என்றார். பின்னர் அவர் கொல்கத்தா தேசிய மருத்துவக் கல்லூரியின் (CNMC) முதல்வராக நியமிக்கப்பட்டார்.

மருத்துவக் கல்லூரியின் முதல்வர் மற்றும் பிற உயர் அதிகாரிகளும் ராஜினாமா செய்ய வேண்டும் என்பது உள்ளிட்ட கோரிக்கைகளை முன்வைத்த எதிர்ப்பு தெரிவித்த மருத்துவர்கள், அவரை வேறொரு நிறுவனத்திற்கு அனுப்பும் முடிவால் கோபமடைந்தனர். கோஷ் சி.என்.எம்.சி டீன்  ஆன பொறுப்பேற்க அனுமதிக்க மாட்டோம் என்றும் அவர்கள் கூறினர்.

திங்கள்கிழமை மாலை 6 மணியளவில், ஆயிரக்கணக்கான மருத்துவர்கள், செவிலியர்கள், துணை மருத்துவப் பணியாளர்கள் மற்றும் பலர் கொலை செய்யப்பட்ட பெண் மருத்துவருக்கு நீதி கோரி பதாகைகளை ஏந்தியபடி ஆர்ஜி கார் மருத்துவக் கல்லூரியை முற்றுகையிட்டனர். 

குற்றவாளிகள் யாராக இருந்தாலும் அவர்களை அடையாளம் காண காவல்துறைக்கு உத்தரவிடப்பட்டுள்ளதாக முதல்வர் கூறினார். "அவர்கள் விரைவு நீதிமன்றத்தில் விசாரிக்கப்படுவார்கள், மேலும் அவர்களுக்கு மரண தண்டனையை நாங்கள் கோருவோம். குடும்பத்தினருடன் போலீசார் தொடர்ந்து தொடர்பில் இருப்பார்கள்,'' என்றார்.

பானர்ஜி ஏற்கனவே அரசாங்கம் எடுத்த நடவடிக்கையையும் குறிப்பிட்டார், இது ஞாயிற்றுக்கிழமை மருத்துவமனை கண்காணிப்பாளர் சஞ்சய் வஷிஸ்த்தை நீக்கியது. கொல்கத்தா காவல்துறை சம்பந்தப்பட்ட பகுதிக்கு பொறுப்பாக இருந்த ஏசிபி அந்தஸ்து அதிகாரியையும் சஸ்பெண்ட் செய்துள்ளது. 

ஆங்கிலத்தில் படிக்க:   Doctor’s rape-murder: Protests swell, Mamata Banerjee sets cops a deadline

கொலை செய்யப்பட்ட பெண் மருத்துவரின் குடும்பத்தை முதல்வர் மம்தா பானர்ஜி நேரில் சந்தித்து ஆறுதல் கூறினார். அப்போது அவருடன கொல்கத்தா போலீஸ் கமிஷனர் வினீத் கோயல் உடன் இருந்தார்.

இதன் பின் கோயல் கூறுகையில், “பி.ஓ (குற்றம் நடந்த இடம்) அருகில் இருந்தவர்கள் மற்றும் தொடர்பு உள்ளவர்கள் அனைவருக்கும் சம்மன் அனுப்பபட்டுள்ளது. நாங்கள் ஏற்கனவே ஹெல்ப்லைன் எண்ணைத் அறிவித்துள்ளோம். போராட்டம் நடத்தும் டாக்டர்களுக்கு யார் மீதாவது  சந்தேகம் ஏற்பட்டால் அவர்கள் இந்த எண்ணை தொடர்பு கொண்டு தெரிவிக்கலாம் என்றார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“