தேர்தல் பத்திரங்கள் மூலம் பெறப்பட்ட நன்கொடை விவரங்களை நாளை மாலை 5 மணிக்குள் சமர்ப்பிக்குமாறு அனைத்து அரசியல் கட்சிகளுக்கும் தேர்தல் ஆணையம் செவ்வாய்க்கிழமை நினைவூட்டல் அனுப்பியுள்ளது.
செப்டம்பர் 30, 2023 வரை தேர்தல் பத்திரங்கள் மூலம் கட்சிகள் பெற்ற பங்களிப்புகள் குறித்த புதுப்பிக்கப்பட்ட தரவுகளை சமர்ப்பிக்கவும், சீல் வைக்கப்பட்ட கவரில் விவரங்களை சமர்ப்பிக்கவும் தேர்தல் ஆணையத்திற்கு உச்ச நீதிமன்றம் உத்தரவிட்டதை அடுத்து இந்த உத்தரவு வந்துள்ளது.
உச்சநீதிமன்றத்தின் ஐந்து நீதிபதிகள் கொண்ட அரசியலமைப்பு பெஞ்ச், நவம்பர் 3 அன்று இடைக்கால உத்தரவில், தேர்தல் பத்திரத் திட்டத்திற்கான அரசியலமைப்பு சவாலை விசாரிக்கும் போது, புதுப்பிக்கப்பட்ட தரவுகளைத் தயாரிக்க தேர்தல் ஆணையத்திற்கு இரண்டு வாரங்கள் அவகாசம் அளித்தது.
மூன்று நாள் விசாரணைக்குப் பிறகு உச்ச நீதிமன்றத் தலைமை நீதிபதி டி ஒய் சந்திரசூட் தலைமையிலான அமர்வு தீர்ப்பை ஒத்திவைத்தது.
ஏப்ரல் 2019 இல், உச்ச நீதிமன்றம் இதேபோன்ற உத்தரவை பிறப்பித்தது. ஆனால் 2019 லோக்சபா தேர்தல் தொடர்பான தரவுகளை மட்டுமே தேர்தல் ஆணையம் சமர்ப்பித்துள்ளது என்று பெஞ்சில் சுட்டிக்காட்டப்பட்டபோது, தேர்தல் ஆணையம் புதுப்பிக்கப்பட்ட தரவுகளை பராமரிக்கவில்லை என உச்சநீதிமன்றம் அதிருப்தி தெரிவித்தது குறிப்பிடத்தக்கது.
ஆங்கிலத்தில் வாசிக்க : EC reminds parties to furnish poll bond details by Nov 15 in sealed cover
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“