ஜம்மு காஷ்மீர் புல்வாமா என்கவுண்டர்: 2 தீவிரவாதிகள் சுட்டுக்கொலை

Bashaarat Masood

தெற்கு காஷ்மீரின் புல்வாமாவில் தீவிரவாதிகளுக்கும் பாதுகாப்புப் படைகளின் கூட்டுக் குழுவுக்கும் இடையேயான துப்பாக்கிச் சண்டையில், நீண்ட காலமாக பாதுகாப்புப் படையினரின் ரேடாரில் இருந்த ஒருவர் உட்பட, இரண்டு லஷ்கர்-இ-தொய்பா (LeT) தீவிரவாதிகள், திங்கள்கிழமை சுட்டுக்கொல்லப்பட்டனர்.

ஆங்கிலத்தில் படிக்க: 

திங்கட்கிழமை காலை, ஜம்மு காஷ்மீர் காவல்துறை, ராணுவம் மற்றும் துணை ராணுவப் படையினர் அடங்கிய கூட்டுக் குழு, புல்வாமாவின் நெஹாமா கிராமத்தில் தீவிரவாதிகள் பதுங்கியிருப்பதாக கிடைத்த தகவலின் பேரில் அந்த கிராமத்தை சுற்றி வளைத்தது.

கூட்டுக் குழு அதன் இலக்கை நோக்கிச் சென்றதால், மறைந்திருந்த தீவிரவாதிகள் துப்பாக்கிச் சூடு நடத்தி பாதுகாப்பு வளையத்தை உடைக்க முயன்றனர், பின்னர் கூட்டுக் குழு திருப்பிச் சுட்டதாக அதிகாரிகள் தெரிவித்தனர், இது துப்பாக்கிச் சண்டைக்கு வழிவகுத்தது.

இருதரப்புக்கும் இடையிலான துப்பாக்கிச் சண்டை சிறிது நேரம் நீடித்ததால், தீவிரவாதிகளின் மறைவிடத்தை குறிவைத்து பாதுகாப்புப் படையினர் கனரக ஆயுதங்களைப் பயன்படுத்தியதால் இரு வீடுகள் தீப்பிடித்து எரிந்தன.

இந்த துப்பாக்கிச் சண்டையில் இரண்டு தீவிரவாதிகள் கொல்லப்பட்டனர், அவர்கள் புல்வாமாவில் உள்ள காகபோரா கிராமத்தில் வசிக்கும் ரியாஸ் அகமது தார் மற்றும் ரயீஸ் என அடையாளம் காணப்பட்டதாகவும் வட்டாரங்கள் தெரிவித்தன.

ரியாஸ் அகமது தார் 2015 செப்டம்பரில் தீவிரவாதிகளின் குழுவில் சேர்ந்தார் மற்றும் கடந்த காலங்களில் பல முறை பாதுகாப்பு வளையங்களில் இருந்து தப்பித்துள்ளார். ரயீஸ் 2021ல் தீவிரவாதிகளுடன் சேர்ந்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“