![Prime Minister Narendra Modi](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/OBiXRMT3k3IxAjOsOGBA.jpg)
Prime Minister Narendra Modi
தேர்தல் பத்திரத் திட்டத்தை ரத்து செய்தது, "கறுப்புப் பணத்தை நோக்கி நாட்டைத் தள்ளியுள்ளது" என்றும், அதற்காக அனைவரும் வருந்துவார்கள் என்றும் பிரதமர் நரேந்திர மோடி தெரிவித்துள்ளார்.
திங்களன்று ஏஎன்ஐ செய்தி நிறுவனத்துக்கு அளித்த பேட்டியில், தேர்தலில் போட்டியிடுவதற்கு தங்களுக்கு சம நிலை இல்லை என்ற எதிர்க்கட்சிகளின் குற்றச்சாட்டையும் மோடி நிராகரித்தார்.
லோக்சபா தேர்தலில் அதன் வரவிருக்கும் தோல்விக்கான காரணத்தை அமைக்க, எதிர்கட்சிகள் சாக்குகளை தேட முயல்கின்றன, என்றார்.
2018 இல் மோடி அரசாங்கத்தால் அறிவிக்கப்பட்ட தேர்தல் பத்திரத் திட்டம், இந்த ஆண்டு பிப்ரவரியில் உச்ச நீதிமன்றத்தால் அரசியலமைப்பிற்கு விரோதமானது எனத் தடை செய்யப்பட்டது – குறித்து பிரதமர் மோடி, முடிவெடுப்பதில், நாங்கள் கற்றுக்கொள்கிறோம், மேம்படுத்துகிறோம். இதிலும் மேம்படுத்துவது மிகவும் சாத்தியம். ஆனால், இன்று நாட்டை முற்றிலும் கறுப்புப் பணத்தை நோக்கித் தள்ளிவிட்டோம். அதனால்தான் எல்லோரும் வருந்துவார்கள் என்று நான் சொல்கிறேன். அவர்கள் நேர்மையாக சிந்திக்கும்போது, அனைவரும் வருத்தப்படுவார்கள், என்று கூறினார்.
தேர்தல் பத்திரத் திட்டத்தின் மூலம் ஆளும் பாஜக மிகப்பெரிய பயனாளியாக இருப்பதாக தரவுகள் காட்டுகின்றன, இதனால் பாஜக தனது செல்வாக்கைப் பயன்படுத்தி கட்டாய நிதியுதவியை வற்புறுத்தியதாக எதிர்க்கட்சிகள் குற்றம் சாட்டத் தூண்டியது.
இந்த திட்டத்தை ரத்து செய்யும் முடிவு குறித்து மோடி கூறுகையில், ’நமது நாட்டில் நீண்ட காலமாக ஒரு விவாதம் உள்ளது… கறுப்புப் பணம் தேர்தல்களின் போது ஆபத்தான விளையாட்டுகளை விளையாட அனுமதிக்கிறது. தேர்தலில் பணம் செலவழிக்கப்படுகிறது என்பதை யாரும் மறுக்கவில்லை... எனது கட்சியும் செலவு செய்கிறது... அனைத்து கட்சிகளும் அனைத்து வேட்பாளர்களும் செலவு செய்கிறார்கள், இந்த பணம் மக்களிடம் இருந்து எடுக்கப்படுகிறது. நான் ஏதாவது முயற்சி செய்ய விரும்பினேன்... இந்த கருப்புப் பணத்திலிருந்து நமது தேர்தல்களை எப்படி விடுவிக்க முடியும்? மக்கள் நன்கொடை வழங்குவதில் எப்படி வெளிப்படைத்தன்மை இருக்க முடியும்? இது என் மனதில் ஒரு தூய எண்ணமாக இருந்தது.
நாங்கள் ஒரு வழியைத் தேடிக்கொண்டிருந்தோம். நாங்கள் ஒரு சிறிய வழியைக் கண்டுபிடித்தோம்… இது முழுமையானது என்று ஒருபோதும் கூறவில்லை.
பணமோசடி வழக்குகளை எதிர்கொண்டு தேர்தல் பத்திரங்களை வாங்கிய 16 நிறுவனங்கள் இருந்தன, ஆனால் அதில் 63 சதவிகிதம் பாஜகவைத் தவிர மற்ற கட்சிகளுக்கு சென்றது.
பாஜகவுக்கு 37% பேர்தான் வந்தனர்... 63% பேர் அவர்களிடம் போனார்கள்... நீங்கள் எங்களுக்கு எதிராகக் குற்றச்சாட்டு வைக்கிறீர்களா?.
இந்த முறையால்தான் தேர்தல் பத்திரங்களில் பணப் புழக்கம் வெளிவருகிறது.
இது தேர்தல் பத்திரங்களின் வெற்றிக் கதை. தேர்தல் பத்திரங்கள் இருந்தன... அதனால் எந்த நிறுவனம், எவ்வளவு, எங்கு கொடுத்தது என்பதற்கான தகவலை பெறுகிறீர்கள். தேர்தல் பத்திரங்கள் இல்லை என்றால், அவர்கள் எப்படி விவரங்களை கண்டுபிடித்திருப்பார்கள்? இது நடந்தது நல்லதா கெட்டதா என்பது விவாதத்திற்குரிய விஷயமாக இருக்கலாம்’, என்றார்.
அமலாக்க இயக்குநரகம் போன்ற மத்திய அமைப்புகளை பாஜக அரசு தவறாகப் பயன்படுத்துகிறது என்ற குற்றச்சாட்டை நிராகரித்த பிரதமர், அரசியல் பிரமுகர்களுக்கு எதிரான வழக்குகளில் 3 சதவீத வழக்குகள் மட்டுமே உள்ளன என்றும், கடந்த 10 ஆண்டுகளில் முன்பு இருந்ததை விட 5000 கோடி ரூபாய் முதல் 1 லட்சம் கோடி ரூபாய் வரை அதிக அளவு ரொக்கம் ஏஜென்சியால் பறிமுதல் செய்யப்பட்டுள்ளதாகவும் கூறினார்.
அமலாக்க இயக்குநரகம் பதிவு செய்த அனைத்து வழக்குகளிலும், 3 சதவீதம் பேர் மட்டுமே அரசியலுக்கு எதிராக உள்ளனர், 97% பேர் அரசியலுடன் எந்த தொடர்பும் இல்லாதவர்கள்.
போதைப்பொருள் மாஃபியா அல்லது ஊழலில் ஈடுபட்ட அதிகாரிகள், பினாமி சொத்துக்களை உருவாக்கிய சில அதிகாரிகளுக்கு எதிராக... 97% வழக்குகள் அவர்கள் மீது உள்ளன, மேலும் அவர்கள் சிறைக்கு அனுப்பப்பட்டுள்ளனர், என்றார்.
பாஜக ஆட்சியில் மத்திய புலனாய்வு அமைப்புகள் தொடர்பான சட்டங்கள் இயற்றப்படவில்லை என்று சுட்டிக்காட்டிய மோடி, மூன்று தேர்தல் ஆணையர்களைத் தேர்ந்தெடுக்கும் மூன்று உறுப்பினர் குழுவில் எதிர்க்கட்சித் தலைவரை வைத்திருக்கும் மசோதாவை தனது அரசு நிறைவேற்றியதாகவும் கூறினார்.
முன்னதாக, பிரதமர் கோப்பில் கையெழுத்திட்டு தேர்தல் ஆணையத்தை உருவாக்குவது வழக்கம். குடும்பத்துடன் நெருக்கமாக இருந்தவர்கள், தேர்தல் கமிஷனர்களாக ஆனார்கள்... பின்னர் அவர்களுக்கு ராஜ்யசபா சீட்டுகளும், அமைச்சகங்களும் வழங்கப்பட்டன, என்று அவர் காந்தி குடும்பத்தையும் காங்கிரஸ் தலைமையையும் குறிப்பிட்டுச் சொன்னார்.
அத்தகைய தேர்தல் ஆணையர்களாக தேர்வு செய்யப்பட்டவர்கள், காங்கிரஸ் வேட்பாளர்களாக ஆனார்கள். அதனால் தான் அந்த அளவில் எங்களால் விளையாட முடியவில்லை, என்று கூறிய மோடி, பாஜக தவறான பாதையில் செல்ல விரும்பவில்லை என்றும் கூறினார்.
அவரைப் பொறுத்தவரை, எதிர்க்கட்சிகள் சாக்குகளை உருவாக்கி, தங்கள் வரவிருக்கும் தோல்விக்கு ஒரு காரணத்தை அமைக்கின்றன. ஒரு மோசமான தொழிலாளி தனது கருவிகளைக் குறை கூறுவார், என்று ஒரு பழமொழி உள்ளது, என்று அவர் கூறினார்.
நாட்டில் வடக்கு-தெற்கு பிரிவினை என்ற கூற்றையும் மோடி நிராகரித்தார். பிளவுகளை உருவாக்க எதிர்க்கட்சிகள் முயற்சிப்பதாக அவர் குற்றம் சாட்டினார்.
இந்தியாவை வெவ்வேறு பிரிவுகளாக பார்ப்பது "இந்தியாவைப் பற்றிய சிந்தனையின்மையின் விளைவாகும்" என்று அவர் கூறினார்.
“பாரத் ஏக் பஹுரத்னா வசுந்தரா ஹை. இந்தியா பன்முகத்தன்மை கொண்ட நாடு... இந்தியாவை வெவ்வேறு பிரிவுகளாக பார்ப்பது, இந்தியாவைப் பற்றிய சிந்தனையின்மையின் விளைவாகும். இந்தியாவின் எந்தப் பகுதியில் ராமரின் பெயருடன் அதிக கிராமங்கள் உள்ளன? தமிழ்நாடு... அதை எப்படி தனி (அலகு) என்று சொல்லலாம்?... பன்முகத்தன்மை உள்ளது. நாகாலாந்தைச் சேர்ந்த ஒரு நபர் பஞ்சாபைச் சேர்ந்தவரைப் போல் இருக்க மாட்டார். காஷ்மீரைச் சேர்ந்தவர் குஜராத்தியைப் போல் இருக்க மாட்டார். பன்முகத்தன்மை நமது பலம், அதை நாம் கொண்டாட வேண்டும். இந்தியா ஒரு பூங்கொத்து, அங்கு எல்லோரும் தங்கள் பூவைப் பார்க்க முடியும். அந்த உணர்வுதான் கடைப்பிடிக்கப்பட வேண்டும், என்றார்.
மக்களவையில் பாஜக 400 இடங்களில் வெற்றி பெற்றால், இந்தியாவில் ஒரே மொழி, ஒரே மதம் என்ற காங்கிரஸ் குற்றச்சாட்டு குறித்து கேட்டதற்கு மோடி, “ஐ.நா.வுக்குச் சென்று, முதன்முறையாக உலகின் பழமையான மொழியான தமிழைப் புகழ்ந்த ஒருவர், அந்த நபரை எந்த அடிப்படையில் குற்றம் சாட்டுகிறீர்கள் என்பது எனக்குப் புரியவில்லை. நான் பல்வேறு மாநிலங்களைச் சேர்ந்த ஆடைகளை அணியும் போது, அவர்களுக்கு (காங்கிரஸ்) தான் பிரச்னை ஏற்படுகிறது. அவர்கள் நாட்டை ஒரு ஒற்றை கட்டமைப்பில் வைக்க விரும்புகிறார்கள்.
நாம் பன்முகத்தன்மையை வணங்குகிறோம், பன்முகத்தன்மையைக் கொண்டாடுகிறோம்... என் தாய்மொழியில் நான் மருத்துவர் அல்லது பொறியாளர் ஆக வேண்டும் என்று பேசும்போது, அதன் அர்த்தம் என்ன? நான் தாய்மொழியைக் கொண்டாடி வருகிறேன், அதன் முக்கியத்துவத்தை அதிகரித்து வருகிறேன், என்று மோடி கூறினார்.
Read in English: Ending poll bonds pushes country to black money, all will regret, says PM Modi
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.