எஃப்.டி. முதல் பி.எஃப். வரை நீதிபதிகள் சொத்து விவரம்: உச்சநீதிமன்ற வலைதளத்தில் பதிவேற்றம்

உச்சநீதிமன்ற தலைமை நீதிபதி சஞ்சீவ் கண்ணாவுக்கு நிலையான வைப்பு மற்றும் வங்கிக் கணக்குகளில் ரூ.55.75 லட்சமும், பொது வருங்கால வைப்பு நிதியில் (பி.பி.எஃப்.) ரூ.1.06 கோடியும், மே 14-ம் தேதி தலைமை நீதிபதியாக பொறுப்பேற்கும் நீதிபதி பி.ஆர்.கவாய் வங்கிக் கணக்குகளில் ரூ.19.63 லட்சமும், பி.பி.எஃப். கணக்கில் ரூ.6.59 லட்சமும் வைத்துள்ளார். திங்கள்கிழமை இரவு உச்சநீதிமன்றத்தின் அதிகாரப்பூர்வ இணையதளத்தில் பதிவேற்றப்பட்ட சொத்துகளின் பட்டியலில் தெரியவந்துள்ளது.

33 நீதிபதிகளில் 21 நீதிபதிகளின் சொத்துக்கள் திங்கள்கிழமை இரவு உச்சநீதிமன்ற இணையதளத்தில் வெளியிடப்பட்டன. அறிவிக்கப்பட்ட விவரங்கள், தனிப்பட்ட உடைமைகளின் விவரங்களைத் தவிர, மனைவி மற்றும் சார்ந்திருப்பவர்களின் விவரங்களும் அடங்கும்.

மே 24-ம் தேதி ஓய்வு பெறவுள்ள நீதிபதி ஏ.எஸ்.ஓகா தனது சொத்துக்களில் பி.பி.எஃ.ப் ரூ.92.35 லட்சம், எஃப்.டி.யில் ரூ.21.76 லட்சம், 2022 மாடல் மாருதி பலேனோ கார் மற்றும் ரூ.5.1 லட்சம் கார் கடன் வைத்துள்ளார்.

நீதிபதி விக்ரம் நாத் நொய்டாவில் 2 பி.எச்.கே அடுக்குமாடி குடியிருப்பு, அலகாபாத்தில் ஒரு பங்களா மற்றும் உத்தரப் பிரதேசத்தில் விவசாய நிலத்தை பரம்பரை நிலமாக அறிவித்தார். ரூ.1.5 கோடி முதலீடும் செய்துள்ளார்.

நீதிபதி சூர்ய காந்த், சண்டிகர், குருகிராம் மற்றும் டெல்லியில் தனது மனைவியுடன் கூட்டாக குடியிருப்பு சொத்துக்களை வைத்திருக்கிறார். அவரது முதலீடுகளில் வட்டி உட்பட 31 எஃப்.டி ரசீதுகள் மொத்தம் ரூ.6.03 கோடி அடங்கும்.

நீதிபதி பேலா எம்.திரிவேதிக்கு அகமதாபாத் குல்பாய் டெக்ராவில் உள்ள தீப்தி பாங்க் ஆப் இந்தியா சொசைட்டியில் ஒரு வீடு உள்ளது. மேலும் அகமதாபாத்தில் உள்ள நீதிபாக் நீதிபதிகள் கூட்டுறவு சங்கத்தில் ஒரு வீடு கட்டப்பட்டு வருகிறது. மியூச்சுவல் ஃபண்டுகளில் ரூ.60 லட்சம், பி.பி.எஃப். ரூ.20 லட்சம் மற்றும் ரூ.50 லட்சம் மதிப்புள்ள நகைகள் மற்றும் 2015 மாருதி ஸ்விப்ட் கார் ஆகியவை உள்ளன.