மனைவி பா.ஜ.க, அப்பாவும் சகோதரியும் காங்கிரஸ் - ஜடேஜா என்ன செய்தார் தெரியுமா?

இந்திய கிரிக்கெட் வீரர் ரவீந்திர ஜடேஜாவின் மனைவி ரிவபா கடந்த மாதம் பா.ஜ.க-வில் இணைந்தார்.

இதைத் தொடர்ந்து கடந்த 14-ம் தேதி, ரவிந்திர ஜடேஜாவின் தந்தை அனிருதுசிங், சகோதரி நைனாபா ஆகியோர் காங்கிரஸ் கட்சியில் சேர்ந்தனர்.

குஜராத்தில் உள்ள 26 மக்களவைத் தொகுதிகளுக்கும் 3-வது கட்டமாக வரும் 23-ம் தேதி தேர்தல் நடக்கிறது.

மனைவி ஒரு கட்சி, அப்பா - சகோதரி வேறொரு கட்சி என்ற நிலையில், ஜடேஜா எந்தக் கட்சியை ஆதரிப்பார் என்ற எதிர்பார்ப்பு ரசிகர்களுக்கும், அரசியல் ஆர்வலர்களுக்கும் அதிகரித்தது.

I support BJP.@narendramodi#rivabajadeja jai hind ???????? pic.twitter.com/GXNz5o07yy

— Ravindrasinh jadeja (@imjadeja) April 15, 2019

இந்நிலையில், ‘ஐ சப்போர்ட் நரேந்திரமோடி’ #ரிவபாஜடேஜா ஜெய் ஹிந்த்” என நேற்று ட்விட்டரில் பதிவிட்டிருக்கிறார் ஜடேஜா.

இதற்கிடையே உலகக்கோப்பை கிரிக்கெட்டில் விளையாட ஜடேஜா தேர்ந்தெடுக்கப்பட்டு, நேற்று அறிவிக்கப்பட்டது குறிப்பிடத்தக்கது.