3-வது முறையும் ஆட்சியை பிடிக்கும் முயற்சி; பா.ஜ.க.,வில் நான்கில் ஒரு பகுதி சிட்டிங் எம்.பி.,க்களுக்கு சீட் மறுப்பு

Vikas Pathak

லோக்சபா தேர்தலுக்கான 400 இடங்களுக்கு மேல் உள்ள வேட்பாளர்களின் ஆறு பட்டியல்களில், பா.ஜ.க நான்கில் ஒரு பகுதி அல்லது சுமார் 100 எம்.பி.,க்களுக்கு டிக்கெட் மறுத்துள்ளது.

ஆங்கிலத்தில் படிக்க: For its third bid for power, BJP drops a fourth of its sitting MPs, more may follow

இது 2019 போக்கின் தொடர்ச்சியாகும், பா.ஜ.க அதன் தற்போதைய எம்.பி.க்களில் 99 பேருக்கு இந்த முறை சீட் வழங்கவில்லை. 2019 ஆம் ஆண்டில், பா.ஜ.க 437 மக்களவைத் தொகுதிகளில் வேட்பாளர்களை நிறுத்தியது, மீதமுள்ளவற்றை அதன் கூட்டணிக் கட்சிகளுக்கு அளித்தது.

இம்முறை பா.ஜ.க 405 இடங்களுக்கு வேட்பாளர்களை அறிவித்துள்ளது. திரும்பப் பெறுதல் மற்றும் மாற்றுதல் ஆகியவற்றுக்காகச் சரிசெய்யப்பட்டு, களமிறக்கப்பட்ட வேட்பாளர்கள் எண்ணிக்கை பா.ஜ.க ஏற்கனவே 400-ஐத் தாண்டியுள்ளது, இதனால் இன்னும் சில டஜன் வேட்பாளர்கள் களமிறங்க உள்ளனர். அதாவது, அதிக சிட்டிங் எம்.பி.க்களுக்கு டிக்கெட் கிடைக்காமல் போகலாம் என்பதால், களமிறக்கப்படாத சிட்டிங் எம்.பி.க்களின் எண்ணிக்கை கடந்த முறை இருந்ததை விட அதிகமாக இருக்கும்.

உள்ளூர் முகங்களை மாற்றுவதன் மூலம் ஆட்சிக்கு எதிரான மனநிலையை முறியடிக்கும் பிரதமர் நரேந்திர மோடியின் முயற்சிக்கு ஏற்ப இந்த உத்தி உள்ளது. கட்சியின் சின்னமான ‘தாமரை’தான் கட்சியின் அனைத்துத் தொண்டர்களுக்கும் ஒரே வேட்பாளராக இருக்க வேண்டும் என்று பிரதமர் கடந்த சில மாதங்களாகப் பல பேரணிகளில் வலியுறுத்தி வருகிறார், இதனால் எந்தவொரு வேட்பாளரையும் மாற்ற முடியும், மேலும் யாருக்கும் டிக்கெட் கோரும் தகுதி இல்லை. பிரச்சாரத்தின் கவனம் பிரதமர், சமூகத்தின் பல்வேறு பிரிவினருக்கான அவரது நலத்திட்டங்கள் மற்றும் பா.ஜ.க பெருமிதம் கொள்ளும் அவரது வெளியுறவு மற்றும் பொருளாதாரக் கொள்கை சாதனைகள் ஆகியவையே ஆகும்.

மேற்குறிப்பிட்ட மூலோபாயத்தின் அடிநாதம் என்னவென்றால், வெற்றி ஒரு பிரதான காரணியாக உள்ளது. தர்மேந்திர பிரதான், பூபேந்தர் யாதவ் மற்றும் ராஜீவ் சந்திரசேகர் உட்பட ராஜ்யசபா வழியாக அமைச்சர்களாக இருந்தவர்கள் இந்த முறை நேரடி தேர்தல் களத்தில் இறங்குமாறு கேட்டுக் கொள்ளப்பட்டுள்ளனர். 2014 ஆம் ஆண்டிலேயே பா.ஜ.க.,வின் தேர்தல் வியூகத்தில் மோடி கொண்டு வந்த மாற்றம் இது, அப்போது நீண்டகால ராஜ்யசபா எம்.பி.யாக இருந்த அருண் ஜெட்லியை கூட தேர்தலில் போட்டியிடச் செய்தப்போது, அவர் காங்கிரஸின் முன்னாள் பஞ்சாப் முதல்வர் அமரீந்தர் சிங்கிடம் தோல்வியடைந்தார்.

மோடியின் வியூகத்தின் மற்றொரு அம்சம், கடந்த கால முதல்வர்களை, அதாவது ஏற்கனவே ஓரளவு அந்தஸ்தைக் கொண்டுள்ளவர்களை மக்களவைத் தேர்தலில் நிறுத்துவது. கடந்த ஆண்டு நடைபெற்ற மத்தியப் பிரதேச சட்டப்பேரவைத் தேர்தலில் அமோக வெற்றி பெற்ற போதிலும் சிவராஜ் சிங் சவுகானுக்கு முதல்வர் பதவி வழங்காமல், அவர் தற்போது அம்மாநிலத்தின் விதிஷா தொகுதியில் களமிறக்கப்பட்டுள்ளார். ஹரியானா முதல்வர் பதவியில் இருந்து மனோகர் லால் கட்டார் இந்த மாதம் விலகும்படி கேட்டுக் கொள்ளப்பட்டு கர்னால் தொகுதியில் களமிறக்கப்பட்டுள்ளார்.

இந்த உத்தியின் மூன்றாவது அம்சம் காங்கிரஸிலிருந்து பா.ஜ.க.,வுக்கு மாறியவர்களை களமிறக்குவது. இதில் நவீன் ஜிண்டால் போன்றவர்களும் அடங்குவர், ஞாயிற்றுக்கிழமை மாலை பா.ஜ.க.,வில் இணைந்த சில நிமிடங்களில் குருக்ஷேத்ரா தொகுதியின் வேட்பாளராக அவரது பெயர் அறிவிக்கப்பட்டது. அடுத்ததாக அசோக் தன்வார் பா.ஜ.க.,வில் சேர்ந்த உடனேயே சிர்சாவில் இருந்து நிறுத்தப்பட்டார். இத்தகைய பெயர்களில் கடந்த சில ஆண்டுகளில் கடந்து வந்தவர்களும் அடங்குவர், குணாவிலிருந்து ஜோதிராதித்ய சிந்தியா மற்றும் பிலிபிட்டைச் சேர்ந்த ஜிதின் பிரசாதா போன்றவர்கள், பா.ஜ.க.,வை விமர்சிக்கும் அறிக்கைகளை வெளியிட்ட வருண் காந்திக்கு பதிலாக ஜிதின் பிரசாதா களமிறக்கப்பட்டுள்ளார்.

இவை தவிர, கட்சித் தலைமைக்கு தர்மசங்கடத்தை ஏற்படுத்தும் வகையில் அறிக்கைகளை வெளியிட்டவர்களும், கட்சித் தொண்டர்களிடம் செல்வாக்குப் பெறாதவர்களாகவும், தொடர்பை இழந்தவர்களாகவும் உள்ள வேட்பாளர்களுக்கும் வாய்ப்பு வழங்கப்படவில்லை என்று கட்சி வட்டாரங்கள் தெரிவிக்கின்றன. அத்தகைய வேட்பாளர்கள் தங்கள் பதவிகளை இழக்க நேரிடலாம் மற்றும் அவர்களின் அந்தஸ்து அல்லது பணி மூப்பு எதுவாக இருந்தாலும் மாற்றப்படலாம். மீனாட்சி லேகி, ரமேஷ் பிதுரி, சதானந்த கவுடா, வருண் காந்தி மற்றும் பிரக்யா தாக்கூர் ஆகியோர் இதுவரை இந்த பிரிவில் உள்ளனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“