அடங்காத 'நமோ டேப்லெட்' சர்ச்சை: லேப்டாப் திட்டமாக மாற்றும் முயற்சியில் குஜராத் அரசு

குஜராத்தில் பூபேந்திரபாய் படேல் தலைமையிலான பா.ஜ.க ஆட்சி நடைபெற்று வருகிறது. மாநிலத்தில் நமோ (நவீன கல்வியின் புதிய வழிகள்) (NAMO - New Avenues of Modern Education) டேப்லெட் யோஜனாவை பிரமாண்டமாக அறிமுகப்படுத்தி 6 ஆண்டுகள் முடிவடைந்துள்ள நிலையில், அதனை அரசு மடிக்கணினி (லேப்டாப்) திட்டத்துடன் மாற்றும் முயற்சியில் ஈடுபட்டுள்ளதாக இந்தியன் எக்ஸ்பிரஸ் அறிந்துள்ளது. மாணவர்களுக்கு டேப்லெட்டை வழங்குவதில் தாமதம் காரணமாக சர்ச்சை எழுந்தது. அதைத் தொடர்ந்து டேப்லெட் வழங்கப்படுவதை அரசு தற்காலிகமாக நிறுத்தியது. இதனை எதிர்க்கட்சிகள் கடுமையாக விமர்சித்தன.

மற்ற மாநிலங்களிலும் இதுபோன்ற லேப்டாப் திட்டங்கள் ஆய்வு செய்யப்பட்டு வருவதாக அம்மாநில கல்வித் துறை வட்டாரங்கள் தெரிவித்துள்ளன. இதுகுறித்து மூத்த அதிகாரி ஒருவர் பேசுகையில், "மற்ற மாநிலங்கள் இதுபோன்ற திட்டங்களை எவ்வாறு செயல்படுத்துகின்றன மற்றும் அதன் சாத்தியக்கூறுகள் குறித்த அறிக்கை தற்போது உருவாக்கப்பட்டு வருகிறது.

சர்ச்சைகள் ஒருபுறமிருந்தாலும் 'பயன்பாட்டு' காரணி காரணமாக மடிக்கணினிகள் பரிசீலிக்கப்படுகின்றன. டேப்லெட்டுகளை விட மடிக்கணினிகள் கல்லூரி மாணவர்களுக்கு மிகவும் பயனுள்ளதாக இருப்பதால், அவர்களுக்கு உகந்த நன்மைகளை வழங்கும்" என்றும் அவர் கூறியுள்ளார்.

இதற்கிடையில், கல்வித் துறையால் அமைக்கப்பட்ட தொழில்நுட்பக் குழு நமோ இ-டேப்லெட்டுகளுக்கான பட்டியலிடப்பட்ட விவரக்குறிப்புகளை சம்பந்தப்பட்ட நிறுவனம் பூர்த்தி செய்யத் தவறியதை அடுத்து, இந்த வாரம் அந்த நிறுவனத்தை சந்திக்க திட்டமிடப்பட்டுள்ளது.

தொழில்நுட்ப கல்வி ஆணையர் பாஞ்சா நிதி பானி தி இந்தியன் எக்ஸ்பிரஸிடம் பேசுகையில், "தேவையான விவரக்குறிப்பை தொழில்நுட்ப ரீதியாக பூர்த்தி செய்யாத ஏஜென்சியின் பிரச்சினைக்கு குழு அழைப்பு விடுக்கப் போகிறது. கூட்டத்திற்கு பிறகு முடிவு எடுக்கப்படும் என எதிர்பார்க்கப்படுகிறது." என்று கூறினார்.

ஆயிரக்கணக்கான மாணவர்கள் நமோ இ-டேப்லெட்டுகளுக்காக பல ஆண்டுகளாக காத்திருக்கின்றனர். இந்த தாமதம் கிட்டத்தட்ட மூன்று ஆண்டுகளாக திட்டங்கள் இடைநிறுத்தப்பட்டதுடன் இணைக்கப்பட்டுள்ளது.

"கொள்முதல் தாமதத்திற்கு மத்தியில், நிலுவை தொடர்ந்து 9,75,000 ஆக உயர்ந்துள்ளது. 2020-21 மற்றும் 2021-22 ஆம் ஆண்டுகளில் தலா 3 லட்சம் மாணவர்கள் பட்டம் அல்லது டிப்ளமோவில் சேர்க்கை பெற்றனர். மேலும் 2019-20 முதல் 75,000 பேர் பின்தங்கினர். அதே நேரத்தில் 2022-23 கல்வியாண்டில் 3,00,000 மாணவர்கள் சேர்க்கப்பட்டனர்." என்று அதிகாரி ஒருவர் தெரிவித்துள்ளார்.

கிடைக்கும் விவரங்களின்படி, தகுதியுள்ள 10 சதவீதத்திற்கும் குறைவான மாணவர்களுக்கு டேப்லெட்களை மாநில அரசால் வழங்க முடியவில்லை.

நமோ டேப்லெட் யோஜனா 2017-18 கல்வியாண்டில் அப்போதைய முதல்வர் விஜய் ரூபானி தொடங்கி வைத்தார். ஆகஸ்ட் 2017ல் நடந்த மாபெரும் நிகழ்வில் இந்த டேப்லெட்களை வழங்கிய முன்னாள் முதல்வர் விஜய் ரூபானி, கிருஷ்ணரின் சுதர்சன சக்கரம் (சுழலும் சக்கரம்) என்றும், பாஜக அரசு இளைஞர்களை வாக்கு வங்கியாக பார்க்கவில்லை. ஆனால் புதிய யுக சக்தி என்றும் கூறியிருந்தார்.

குஜராத் மாநில அரசு அதன் 2017-18 பட்ஜெட்டில், 2016-17 ஆம் ஆண்டில் 12 ஆம் வகுப்பில் தேர்ச்சி பெற்ற அல்லது ஏதேனும் ஒரு கல்லூரி அல்லது பல்கலைக்கழகத்தில் பட்டம் அல்லது டிப்ளமோ படிப்புகளை மேற்கொள்ளும் அனைத்து மாணவர்களுக்கும் ரூ. 7,000-ரூ. 8,000 என்ற சந்தை விலைக்கு எதிராக ரூ.1,000 விலையில் டேப்லெட்கள் வழங்கும் திட்டத்தை அறிவித்தது.

கடந்த ஆண்டு, ஏப்ரலில், தி இந்தியன் எக்ஸ்பிரஸ் 2018-19 மற்றும் 2019-20 ஆம் ஆண்டின் தொடக்கத்தில் செலுத்திய டேப்லெட்டுகளைப் பெறாமல் மூன்று மற்றும் நான்கு ஆண்டு பட்டப்படிப்பு மற்றும் டிப்ளமோ படிப்புகளை முடிக்கும் தருவாயில் இருந்த மாணவர்களிடம் பேசியது. அப்போது அவர்கள் தங்கள் பணத்தை திரும்பக் கேட்டனர்.

முதல்வர் அலுவலகம் (CMO) உட்பட மாநில அரசுக்கு பலமுறை கோரிக்கைகள், புகார்கள் மற்றும் நினைவூட்டல்களை அனுப்பியதாக மாணவர்கள் கூறினர். மாணவர்களின் பணத்தைத் திரும்பப் பெறக் கோரி பல்கலைக்கழகங்களும் மாநில அரசிடம் பிரச்சினையை எடுத்துக்கொண்டன. புகார்கள் மற்றும் பணத்தைத் திரும்பப் பெறுவதற்கான கோரிக்கைகள் திட்டத்திற்கான நோடல் ஏஜென்சிக்கு அனுப்பப்பட்டன.

2021 நவம்பரில், கிட்டத்தட்ட 50,000 டேப்லெட்டுகள் தர சோதனையில் தோல்வியடைந்த பிறகு, 72,000 க்கும் மேற்பட்ட முதல் ஆண்டு இளங்கலை மாணவர்களுக்கு (இப்போது மூன்றாம் ஆண்டில் உள்ளவர்கள்) விநியோகத்தை மாநில அரசால் முன்னெடுக்க முடியவில்லை என்று ஒரு அதிகாரி கூறினார்.

முன்னதாக குஜராத் அரசின் ‘மேக் இன் இந்தியா’ காரணமாக விநியோகம் தாமதமானது. பின்னர் தர சோதனைகள் தோல்வியடைந்தது பெரும் சவாலாக இருந்தது. பலமுறை ஒப்பந்தப்புள்ளிகள் வழங்கப்பட்டன. ஆனால் எதிர்பார்த்த பதிலை உருவாக்க முடியவில்லை. மேலும் தொழில்நுட்ப விவரக்குறிப்புகளைப் பூர்த்தி செய்யவில்லை. ஆகஸ்ட் மாதத்தில், லாவா இன்டர்நேஷனல் நிறுவனத்திற்கு டெண்டர் வழங்கப்பட்டது.

"விற்பனையாளர் தொழில்நுட்பத் தரத் தரங்களைத் தவறவிட்டதால், முதல் லாட் காரணமாக தாமதம் ஏற்பட்டதாக உறுதிப்படுத்தியது. வேகம், நினைவகம், பேட்டரி பேக்-அப், ஸ்கிரீன் மற்றும் பாகங்கள் சரிபார்ப்பு உள்ளிட்ட தொழில்நுட்ப விவரக்குறிப்புகளில், இரண்டு முதல் மூன்று முக்கிய விவரக்குறிப்புகளில் லாட் தோல்வியடைந்துள்ளது" என்று மூத்த அதிகாரி ஒருவர் உறுதிப்படுத்தி இருந்தார்.

கல்வித் துறையிடம் இருந்து இந்தியன் எக்ஸ்பிரஸ் அதிகாரப்பூர்வ பதிலைக் கோரியது, அது இன்னும் கிடைக்கவில்லை. தாமதம் குறித்து ஏற்கனவே எதிர்க்கட்சிகளின் அரசியல் அழுத்தத்தின் கீழ், மாநில அரசு ஆகஸ்ட் 2021ல் ஒரு மாதத்திற்குள் (விஜய் ரூபானி அரசாங்கத்தின் ஐந்தாண்டு கொண்டாட்டங்களை ஒட்டி) நிலுவைத் தொகையை அகற்றுவதாக உறுதியளித்தது.

கொரோனா தொற்றுநோய்களின் போது ஆன்லைன் கல்வி முறைகளை சார்ந்து இருந்ததன் மத்தியில் தொடர்ச்சியான தாமதம் சவால்களை மோசமாக்கியது என்றும் மாணவர்கள் தெரிவித்தனர்.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil