ஹைதராபாத் விடுதியில் இளம் பெண் தற்கொலை: வேலை வாய்ப்பின்மை காரணமா?; காங்கிரஸ் கடும் தாக்கு

தெலங்கானா மாநிலம் நவம்பர் 30-ம் தேதி சட்டமன்றத் தேர்தலுக்கான கவுன்ட் டவுன் தொடங்கி உள்ள நிலையில்,  ஹைதராபாத்தில் கடந்த வெள்ளிக்கிழமை இளம் பெண் ஒருவர் விடுதியில் தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது. மாநிலத்தில் வேலைவாய்ப்பின்மை காரணமாக பெண் தற்கொலை கொண்டதாக கூறி 100க்கும் மேற்பட்டவர்கள் சாலையில் போரட்டத்தில் ஈடுபட்டனர். 

தற்கொலை செய்து கொண்ட பெண் தனிப்பட்ட காரணங்களுக்காக அவ்வாறு செய்ததாக ஹைதராபாத் காவல்துறை கூறியுள்ள நிலையில், போராட்டத்தில் ஈடுபட்டவர்கள் அவர் 2 ஆண்டுகளுக்கும் மேலாக அரசு ஆட்சேர்ப்புத் தேர்வுகளுக்கு தயாராகி வந்த நிலையில் அந்த தேர்வு ரத்து செய்யப்பட்டால் அவர் மனமுடைந்து போனதாக கூறினர். 

காங்கிரஸ் மாநிலத் தலைவர் ஏ. ரேவந்த் ரெட்டி அவரது மரணத்திற்கு அரசாங்கத்தைக் குற்றம் சாட்டியவர்களில் முதன்மையானவர். காங்கிரஸ் தலைவர் மல்லிகார்ஜுன் கார்கே மற்றும் முன்னாள் தலைவர் ராகுல் காந்தி ஆகியோர் பாரத ராஷ்டிர சமிதி (BRS) அரசாங்கத்தை குறிவைத்தனர்.

தெலங்கானா மாநில அரசுப் பணியாளர் தேர்வாணையம் (டி.பி.எஸ்.சி) நடத்திய தேர்வுகளில் தொடர்ந்து வினாத்தாள் கசிவுகள், அதைத் தொடர்ந்து தேர்வுகள் ஒத்திவைக்கப்பட்டது மற்றும் ரத்து செய்யப்பட்டது போன்றவற்றின் மீதான கோபத்திற்கும் இந்த சம்பவம் ஊட்டமளிக்கிறது. எதிர்க்கட்சிகள் இதில் வாய்ப்பை உணர்ந்து கேள்வி எழுப்பி வருகின்றன மற்றும் அரசு வேலைகளில் நிரப்பப்படாத காலி பணியிடங்கள் குறித்தும் கேட்டு வருகின்றனர். 

ஆளும் பி.ஆர்.எஸ், தெலங்கானாவில் மட்டும் அல்லாமல், அதிகரித்து வரும் வேலையில்லாத் திண்டாட்டத்தை உலகளாவிய பிரச்சனையாக அழைக்கிறது. தேர்தலுக்கு அறிவிப்புக்கு முன்னதாகவே அதன் வேட்பாளர் பட்டியலையும், தேர்தல் அறிக்கையையும் வெளியிட்டுவிட்ட நிலையில், காங்கிரஸ் மற்றும் பாஜக இரண்டும் இன்னும் ஒரே மாதிரியாக செயல்படும் நிலையில், ஆளுங்கட்சி உறுதியான நிலையில் இருப்பதாக நம்புகிறது.

பிஆர்எஸ் தலைவரும், ஹைதராபாத் பொறுப்பாளருமான தசோஜு ஸ்ரவன் கூறுகையில், காங்கிரஸ் மற்றும் பாஜக ஆட்சி செய்யும் மாநிலங்களும் வேலையில்லாத் திண்டாட்டத்தில் சிக்கித் தவிப்பதாகக் கூறினார். 
மேலும் பெண் தற்கொலை விவகாரத்தைப் பற்றி பேசிய அவர், "சிறு குழந்தைகளின் மரணத்தில் அழுக்கு அரசியல் செய்கிறார்கள்"  என காங்கிரஸைத் தாக்கினார். தனிப்பட்ட காரணங்களால் பெண் தற்கொலை செய்து கொண்டதாக போலீஸ் விசாரணையில் கூறப்பட்டுள்ளது என ஸ்ரவன் குறிப்பிட்டார். 

"குறைந்தபட்சம் இங்கு தெலங்கானாவில், இவ்வளவு தொழில் வளர்ச்சி ஏற்பட்டுள்ளது. இந்த காலகட்டத்தில் நிறுவப்பட்ட நிறுவனங்களில் சுமார் 20-25 லட்சம் வேலையற்ற இளைஞர்களுக்கு வேலை கிடைத்தது. மேலும், 2.20 லட்சம் பணியிடங்களுக்கான ஆட்சேர்ப்பு பணியை மாநில அரசு தொடங்கியுள்ளது. 

வினாத்தாள் கசிவு துரதிர்ஷ்டவசமானது. இவையெல்லாம் நடக்க வேண்டும், மாணவர்களின் வாழ்க்கையை அழிப்பதை எந்த அரசும் விரும்பவில்லை. இதுபோன்ற படுதோல்விகளைக் குறைக்க அனைத்து நடவடிக்கைகளும் எடுக்கப்படுகின்றன, ”என்று ஸ்ரவன் கூறினார்.

வேலை வழங்குவது உட்பட கடந்த 10 ஆண்டுகளில் மக்களுக்கு பிஆர்எஸ் எதுவும் செய்யவில்லை என்ற செய்தியை பாஜக வாக்காளர்களிடம் கொண்டு செல்கிறது என முன்னாள் எம்எல்ஏவும், பாஜக மாநில துணைத் தலைவருமான என்விஎஸ்எஸ் பிரபாகர் கூறினார்.‘

அவர் கூறுகையில் “காவல்துறை அதிகாரிகளும் ஆளும் கட்சியின் பிரதிநிதிகளும் வேலையில்லாத இளைஞர்களை மீண்டும் மீண்டும் ஏமாற்ற முயற்சிக்கின்றனர். இங்கு ஹைதராபாத்தில் அனைத்து பயிற்சி மையங்களும் உள்ளன, அதனால் வேலையில்லாத இளைஞர்களும் உள்ளனர். வேலையில்லா திண்டாட்டம் எப்படி பிரச்சினையாக இருக்க முடியாது?  என்று பிரபாகர் கூறினார்.

வேலையில்லாத் திண்டாட்டம், சட்டம் ஒழுங்கு, பெண்களுக்கு எதிரான குற்றங்கள், போதைப் பொருட்கள், நீர்நிலைகள் அத்துமீறல், குடிமை உள்கட்டமைப்பு போன்ற ஹைதராபாத்தில் உள்ள பிரச்சனைகளை பாஜக சுட்டிக்காட்டுகிறது.

 “ஒன்பதரை ஆண்டுகால ஆட்சியில், பிஆர்எஸ் அரசு செய்ததெல்லாம் மேம்பாலங்களைக் கட்டுவதுதான். கள யதார்த்தம் வேறு. பிஆர்எஸ் பறக்கிறது, நகரம் அழுகிறது. இது 'மேன்ஹோல் மரணங்கள்', வெள்ளத்தில் மூழ்கிய வீடுகள், நிரம்பி வழியும் நுல்லாக்கள், பெண்களுக்கு எதிரான குற்றங்கள் மற்றும் போதைப்பொருள் பாவனைகள் ...  மாநிலம் பா.ஜ.க வர வேண்டும் என்று கூறுகிறது என  பிரபாகர் கூறினார்.

தொடர்ந்து ஸ்ரவன் கூறுகையில், இந்த குற்றச்சாட்டுகளை எதிர்கொள்ள பிஆர்எஸ் தயாராக இருப்பதாகவும், அதன் தலைவர்கள் ஏற்கனவே 54 தொகுதிகளில் பொறுப்பேற்றுள்ளனர் என்றும் மேலும் பல தொகுதிகளில் விரைவில் பொறுப்பேற்க உள்ளதாகவும் கூறினார். வாக்காளர்களை இணைக்க ஒவ்வொரு தொகுதியிலும் கட்சி வார்ரூம் அமைத்து வருகிறது, என்றார். 

ஆங்கிலத்தில் படிக்க: https://indianexpress.com/article/political-pulse/protests-sparked-by-hostel-inmates-suicide-in-hyderabad-underline-unemployment-concerns-8986219/

அக்கட்சியின் முதல் வேட்பாளர் பட்டியலைத் தொடர்ந்து காங்கிரஸ் கட்சியில் சலசலப்பு ஏற்பட்டுள்ளது. ஹைதராபாத் மாவட்ட காங்கிரஸ் கமிட்டி (டிசிசி) கட்சியினர் ஞாயிற்றுக்கிழமை காலை முதல் தர்ணாவில் ஈடுபட்டுள்ளனர். கட்சி வலுவான வேட்பாளர்களை நிறுத்தவில்லை என்று குற்றம் சாட்டினர். “பழைய நகரத்தில் உள்ள இடங்களுக்கான வேட்பாளர்கள் மதிப்பற்றவர்கள். எதிர்பார்த்த நபர்கள் யாருக்கும் வாய்ப்பு வழங்கப்படவில்லை. வலுவான வேட்பாளர்கள் இல்லை. உதாரணமாக, மலக்பேட்டையின் வேட்பாளர் யார் என்பது கூட எங்களுக்குத் தெரியாது, ”என்று ஒரு தலைவர் கூறினார்.

டிசிசி தலைவர் சமீர் வல்லியுல்லா, வேட்பாளர் பட்டியல் குறித்து ஏமாற்றம் தெரிவித்தார், இது பழைய நகரத்தில் AIMIM க்கு எதிரான கட்சியின் போராட்டத்தை "பாதிக்கும்", கல்வி, மருத்துவ சுகாதாரம், வேலையின்மை, குடிமை வசதிகள், சாலைகள், சட்டம் மற்றும் ஒழுங்கு போன்றவற்றைப் பட்டியலிடுகிறது. இங்குள்ள ஏழு தொகுதிகளிலும் பல ஆண்டுகளாக AIMIM வெற்றி பெற்று வருகிறது. தொண்டர்கள் ஆதரிக்கவில்லை என்றால் காங்கிரஸ் எப்படி செயல்படும்? என வல்லிஉல்லா கூறினார்.

தெலங்கானாவில் மொத்தமுள்ள 119 சட்டமன்றத் தொகுதிகளில் 15 ஐதராபாத் மாவட்டத்தில் உள்ளன. இன்னும் சில நகர்ப்புற மற்றும் சப்-அர்பன் பகுதிகளுடன், கிரேட்டர் ஹைதராபாத் பகுதியில் 24 முக்கிய சட்டமன்ற தொகுதிகள் உள்ளன, அவை பிஆர்எஸ், பிஜேபி மற்றும் காங்கிரஸுக்கு இடையே மும்முனை போட்டியைக் காண வாய்ப்புள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“