சட்டமன்றத் தேர்தலில் போட்டியிடும் வயதை 18 ஆகக் குறைக்க நாடாளுமன்றக் குழு பரிந்துரை

சட்டமன்றத் தேர்தலில் போட்டியிடுவதற்கான குறைந்தபட்ச வயதை 25-லிருந்து 18-ஆகக் குறைக்க நாடாளுமன்றக் குழு வெள்ளிக்கிழமை பரிந்துரைத்தது, இது கொள்கை விவாதங்களில் கண்ணோட்டத்தை விரிவுபடுத்தும், அதன் மூலம் அரசியல் செயல்முறையின் நம்பகத்தன்மையை மேம்படுத்தும் என்று குழு கூறியது.

பணியாளர்கள், பொதுக் குறைகள், சட்டம் மற்றும் நீதிக்கான நாடாளுமன்ற நிலைக்குழு, "தேர்தல் செயல்முறையின் அம்சங்கள் மற்றும் அவற்றின் சீர்திருத்தங்கள்" குறித்த தனது அறிக்கையை மாநிலங்களவையில் சமர்ப்பித்தது.

பாஜக எம்பி சுஷில் குமார் மோடி தலைமையிலான குழு, நாடாளுமன்றம், சட்டமன்றம் மற்றும் உள்ளாட்சித் தேர்தல்களுக்கு பொது வாக்காளர் பட்டியல் தொடர்பான அவர்களின் முன்மொழிவு  குறித்து அரசாங்கம் மற்றும் தேர்தல் ஆணையத்தை எச்சரித்தது, கூட்டாட்சி கொள்கைகளை கடைபிடிக்க வேண்டும் என்று கூறியது.

தவறான பிரமாணப் பத்திரத்தை தாக்கல் செய்யும் வேட்பாளரின் தண்டனையை ஆறு மாதங்களிலிருந்து இரண்டு வருடங்களாக அதிகரிக்கவும், குற்றத்தின் தீவிரத்தைப் பொறுத்து அபராதம் விதிக்கவும் குழு பரிந்துரைத்தது.

தேர்தலில் போட்டியிடுவதற்கான குறைந்தபட்ச வயதைக் குறைப்பது இளைஞர்களுக்கு ஜனநாயகத்தில் ஈடுபடுவதற்கான சம வாய்ப்புகளை வழங்கும் என்று குழு கவனித்தது.

உலகளாவிய நடைமுறைகள், இளைஞர்களிடையே அதிகரித்து வரும் அரசியல் உணர்வு மற்றும் இளைஞர் பிரதிநிதித்துவத்தின் நன்மைகள் போன்ற பரந்த அளவிலான சான்றுகளால் இந்தக் கண்ணோட்டம் வலுப்படுத்தப்பட்டுள்ளது,  என்று அறிக்கை கூறுகிறது.

அரசியல் கட்சிகள் கடந்த காலங்களில் அனுபவம் வாய்ந்த வேட்பாளர்களை பொது அலுவலகத்திற்கு விரும்புவதாகவும், அதே நேரத்தில் இளைய வேட்பாளர்களை அனுபவம் இல்லாதவர்கள் என்று நிராகரித்ததாகவும் அறிக்கை கூறுகிறது.

இந்த நம்பிக்கை அரசியல் தகுதி வயதுக்கு ஏற்ப வருகிறது என்று கூறுகிறது, இது இரண்டாயிரம் ஆண்டுகளுக்கு முன்பு பிளேட்டோ வாதிட்ட கருத்து. இருப்பினும், 21 ஆம் நூற்றாண்டில், இந்த நம்பிக்கை காலாவதியானதாகக் கருதப்படுகிறது.

அதிகரித்த கல்வி, உலகமயமாக்கல் மற்றும் டிஜிட்டல் மயமாக்கல் காரணமாக, இளைஞர்கள் இப்போது அனைத்து நாடுகளிலும் பதவிக்கு போட்டியிடும் திறனைக் காட்டிலும் அதிகமாக உள்ளனர், என்று குழு தெரிவித்துள்ளது.

PRS சட்ட ஆராய்ச்சியின்படி, 2019 ஆம் ஆண்டில் 47% எம்.பி.க்கள் 55 வயதுக்கு மேற்பட்டவர்கள், அதே சமயம் இந்தியாவின் சராசரி வயது 27.9 ஆண்டுகள் என்பது அதிருப்தி அளிக்கிறது என்று குழு கூறியது.

ஆனால், குறைந்தபட்ச வயதை மாற்ற வேண்டும் என்ற கோரிக்கையை தேர்தல் ஆணையம் ஏற்கவில்லை. கமிட்டிக்கு, தேர்தல் குழு அனுப்பிய கடிதத்தில் ’பிரச்சினையைப் பரிசீலித்ததாகவும், 18 வயதுக்குட்பட்டவர்கள் "இந்தப் பொறுப்புகளுக்குத் தேவையான அனுபவத்தையும் முதிர்ச்சியையும் பெற்றிருப்பார்கள்" என்று எதிர்பார்ப்பது நம்பத்தகாததாகக் கண்டறிந்தது’.

உலகளாவிய ரீதியில் இளைஞர்கள் குறிப்பிடத்தக்க அரசியல் விழிப்புணர்வையும் அறிவையும் கொண்டுள்ளனர் என்பதை ஆய்வுகள் சுட்டிக்காட்டுகின்றன என்பதையும் குழு கவனிக்கிறது.

Fridays for Future மற்றும் March for Our Lives போன்ற இளைஞர்கள் தலைமையிலான இயக்கங்கள் மூலம் இது தெளிவாகத் தெரிகிறது, இது சமூக மற்றும் அரசியல் அக்கறைகளை அணிவகுத்து வெற்றிபெறுவதற்கான அவர்களின் திறனை எடுத்துக்காட்டுகிறது, என்று அறிக்கை கூறியது.

1999 ஆம் ஆண்டு தேர்தல் ஆணையத்தால் முதன்முதலில் அரசாங்கத்திடம் முன்மொழியப்பட்ட பொது வாக்காளர் பட்டியல் விவகாரத்தில், நாடாளுமன்ற மற்றும் சட்டமன்றத் தேர்தல்களுக்கான வாக்காளர் பட்டியலை தேர்தல் ஆணையத்திடமும், உள்ளாட்சித் தேர்தலுக்கான வாக்காளர் பட்டியலை அந்தந்த மாநில தேர்தல் ஆணையத்திடமும் உருவாக்கும் பொறுப்பை அரசியல் சாசனம் ஒப்படைப்பதாக அந்தக் குழு கூறியது.

அரசியலமைப்புச் சட்டத்தில் கூறப்பட்டுள்ள கூட்டாட்சிக் கொள்கைகளைக் கடைப்பிடிக்கவும், எந்த நடவடிக்கையும் எடுப்பதற்கு முன், அதனால் ஏற்படக்கூடிய விளைவுகளை கவனமாக மதிப்பிடவும், எச்சரிக்கையுடன் செயல்படுமாறு அரசுக்கு இந்தக் குழு அறிவுறுத்துகிறது.

தேர்தல் ஆணையம் கவனமாக இருக்க வேண்டும் என்றும், மாநிலத்தின் எல்லைக்குள் அதன் எல்லைகளை மீறுவதைத் தவிர்க்க வேண்டும் என்றும் குழு பரிந்துரைக்கிறது. அதற்கு பதிலாக, சம்பந்தப்பட்ட அனைத்து தரப்பினருக்கும் பயனளிக்கும் வகையில் ஒரு தீர்வை முன்மொழிவதை ஆணையம் குறிக்கோளாகக் கொள்ள வேண்டும், என்று அந்த அறிக்கை கூறுகிறது.

30 மாநிலங்கள் மற்றும் யூனியன் பிரதேசங்கள் இந்திய தேர்தல் ஆணையத்தின் வாக்காளர் பட்டியலை, வரைவாகப் பயன்படுத்தியதாகவும், பின்னர் உள்ளாட்சித் தேர்தலுக்கான தங்கள் பட்டியலை இறுதி செய்வதற்கு முன் பொதுமக்கள் கோரிக்கைகள் மற்றும் ஆட்சேபனைகளை அழைத்ததாகவும் அறிக்கை குறிப்பிட்டது.

உத்தரபிரதேசம், உத்தரகாண்ட் மற்றும் கேரளா போன்ற சில மாநிலங்கள் தேர்தல் ஆணையத்தின் (EC) தரவைப் பயன்படுத்துவதில்லை. பொதுவான வாக்காளர் பட்டியலைப் பயன்படுத்துவது செயல்திறனை மேம்படுத்தும் மற்றும் செலவுகளைக் குறைக்கும் என்று தேர்தல் குழு கூறியுள்ளது.

குடிமக்கள் அல்லாதவர்களின் ஆதார் மற்றும் வாக்காளர் அடையாள அட்டைகளை இணைப்பது குறித்து குழு உறுப்பினர்கள் சிலர் சந்தேகம் தெரிவித்தனர். தேர்தல் ஆணையம் கடந்த ஆண்டு தன்னார்வ அடிப்படையில் ஆதார் விவரங்களை சேகரிக்கத் தொடங்கியது.

ஆதார் வைத்திருக்கும் குடிமக்கள் அல்லாதவர்கள் வாக்காளர் பட்டியலில் சேர்க்கப்படவில்லை என்பதை உறுதிப்படுத்துவதற்கு ஒரு சட்ட ஏற்பாடு அல்லது மாற்று வழியை தேர்தல் ஆணையம் ஏற்படுத்த வேண்டும் என்று குழு பரிந்துரைத்தது.

கூடுதலாக, இதுவரை ஆதாரை இணைக்காத குடிமக்கள் வாக்களிக்கும் உரிமையைப் பயன்படுத்த முடியும் என்பதை உறுதிப்படுத்த வேண்டும், என்று அறிக்கை கூறுகிறது.

உள்நாட்டில் புலம்பெயர்ந்தோருக்கான தொலைதூர வாக்களிப்புக்கான தேர்தல் ஆணையத்தின் முன்மொழிவு உட்பட, அதன் முன் பல்வேறு பிரச்சினைகள் குறித்து தேசிய அரசியல் கட்சிகளிடமிருந்து, கருத்துகளை குழு கேட்டது.

ஆம் ஆத்மி கட்சி, இந்திய கம்யூனிஸ்ட் கட்சி (மார்க்சிஸ்ட்) (சிபிஐ-எம்) மட்டுமே பதில்களை அனுப்பின.

ஆம் ஆத்மி தனது பதிலில், பொது வாக்காளர் பட்டியல் முயற்சியையும் பணத்தையும் மிச்சப்படுத்தும், ஆனால் தேர்தல் ஆணையத்தின் பட்டியலை ஏற்றுக்கொள்வதற்கு மாநில தேர்தல் ஆணையங்கள் மீது "பொதுவான பொறுப்பு, இருக்கக்கூடாது என்று கூறியது.

தேர்தல் குழுவின் ரிமோட் வாக்களிப்பு திட்டத்தில், நாட்டில் புலம்பெயர்ந்த மக்கள் தொகை குறித்து எந்த ஆய்வும் செய்யப்படவில்லை என்றும், இந்த திட்டத்தில் பல குறைபாடுகள் இருப்பதாகவும் ஆம் ஆத்மி கூறியது.

லோக்சபாவிற்கு 21 அல்லது 18 ஆகவும், ராஜ்யசபாவிற்கு 25 ஆகவும் பரிந்துரைக்கும் வேட்பாளர்களுக்கான குறைந்தபட்ச வயதைக் குறைக்க கட்சி ஆதரவளித்தது.

சிபிஐ(எம்), பொது வாக்காளர் பட்டியல் முன்மொழிவு, முழு தேர்தல் செயல்முறையையும் மையப்படுத்துவதை நோக்கிய நகர்வாக இருக்கலாம் மற்றும் ஆபத்துகள் நிறைந்தது, என்று கூறியது. கட்சி, குழுவிடம் சமர்ப்பித்ததில், வேட்பாளர்களுக்கான குறைந்தபட்ச வயதைக் குறைக்க ஆதரவளித்தது. மேலும் தேர்தல் பத்திரங்களை ரத்து செய்ய பரிந்துரை செய்யுமாறு குழுவை கேட்டுக் கொண்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“