டெல்லி, புனே ஆகிய நகரங்களில் ஏழைகளிடம் இருந்து குழந்தைகளை வாங்கி, ஆந்திரா, தெலுங்கானாவில் விற்ற கும்பலை கைது செய்த ரச்சகொண்டா போலீஸ், அவர்களிடம் இருந்த 16 குழந்தைகளை மீட்டுள்ளது.
3 பேர் கைது செய்யப்பட்டுள்ள நிலையில், மேலும் 8 பேரை பிடிக்க தேடுதல் வேட்டை நடைபெற்று வருகிறது.
இதுகுறித்து ரச்சகொண்டா போலீஸ் கமிஷனர் டாக்டர் தருண் ஜோஷி கூறுகையில், ”ஹைதராபாத் புறநகரில் உள்ள மெடிபள்ளி காவல் நிலைய எல்லைக்கு உட்பட்ட பெண் குழந்தையை ‘விற்பனை’ செய்வது தொடர்பாக மே 22 அன்று ஒரு புகார் வந்தது.
உடனே போலீசார் சம்பவ இடத்துக்கு விரைந்து சென்று ஷோபா ராணி மற்றும் எம் ஸ்வப்னா என்ற இரண்டு பெண்களையும், குழந்தையை விற்க ஒப்பந்தம் செய்ய முயன்ற ஷேக் சலீம் என்ற நபரையும் கைது செய்தனர்.
இவர்களிடம் நடத்திய விசாரணையில், புதுடெல்லி மற்றும் புனேவில் இருந்து கொண்டு வரப்பட்ட குழந்தைகளை ‘விற்பனை’ செய்யும் வலையமைப்பை நடத்தியதாக ஒப்புக்கொண்டனர்.
ஐதராபாத் புறநகரில் உள்ள காட்கேசரில் பாதுகாவலராக பணிபுரியும் பண்டாரி ஹரி ஹர சேத்தன் (34) இதில் மூளையாக செயல்பட்டுள்ளான்.
இந்தக் கும்பல் புதுதில்லியைச் சேர்ந்த கிரண் மற்றும் ப்ரீத்தி மற்றும் புனேவைச் சேர்ந்த கண்ணய்யா என்ற இருவரிடமிருந்தும் குழந்தைகளைப் பெற்றுள்ளது. இந்த இரண்டு நகரங்களிலிருந்தும் கிட்டத்தட்ட 50 குழந்தைகளை அவர்கள் கும்பலுக்குக் கொடுத்துள்ளனர் என்று நாங்கள் அறிந்தோம், அது அவர்களை ஏஜெண்டுகளுக்கும், இறுதியில் தெலுங்கானா மற்றும் ஆந்திரப் பிரதேசத்தில் உள்ள குழந்தை இல்லாத தம்பதிகளுக்கும் அனுப்பும்.
ஒரு குழந்தைக்கு ரூ.1.8 லட்சம் முதல் ரூ.5.5 லட்சம் வரை விலை நிர்ணயிக்கப்பட்டது. ஏஜென்ட்கள் மற்றும் இடைத்தரகர்களிடம் பணம் செலுத்திய பிறகு கும்பலை சேர்ந்தவர்கள் ரூ.50,000 முதல் ரூ.1 லட்சம் வரை லாபம் பெற்று வந்தனர். நாங்கள் 11 குழந்தைகளை மீட்டு குழந்தைகள் நல இல்லங்களுக்கு அனுப்பியுள்ளோம்”, என்று ஜோஷி கூறினார்.
முதல் புகார் அளிக்கப்பட்ட மெடிப்பள்ளி காவல் நிலையத்தைச் சேர்ந்த இன்ஸ்பெக்டர் ஆர்.கோவிந்த் ரெட்டி கூறுகையில், ”ஒரு மாதம் முதல் இரண்டு வயது வரை உள்ள குழந்தைகளை ஏழை, வீடற்ற மக்களிடம் இருந்து வாங்கி, தெலுங்கானா மற்றும் ஆந்திராவிற்கு இந்தக் கும்பல் கொண்டு வந்தது முதல் கட்ட விசாரணையில் தெரிய வந்தது.
இரண்டு-மூன்று நபர்களின் சிறிய குழு மூலம் இந்த கும்பல் செயல்பட்டது, மேலும் சம்பந்தப்பட்ட மற்றவர்களின் அடையாளங்கள் அவர்களுக்குத் தெரியவில்லை. அழைப்பு பதிவுகளைப் பயன்படுத்தி, மீதமுள்ள எட்டு பேர் கும்பலை நாங்கள் அடையாளம் கண்டோம். முதலில் விற்கப்படவிருந்த இரண்டு குழந்தைகளை மீட்டோம், பின்னர் அவற்றை வாங்கிய தம்பதிகளிடமிருந்து மேலும் ஒன்பது குழந்தைகளை மீட்டோம்.
இரண்டாவது ஆபரேஷனில், தெலுங்கானா, ஆந்திராவின் பல்வேறு பகுதிகளில் இருந்து குடும்பங்களில் இருந்து ஆறு குழந்தைகளை மீட்டோம். இந்த குழந்தைகளை சட்டவிரோதமாக வாங்கிய நபர்கள் மீது வழக்குகள் பதிவு செய்யப்படுகின்றன. மேலும் கடந்த காலத்தில் குழந்தையை வாங்கிய பல குடும்பங்களை அடையாளம் காணும் பணியில் ஈடுபட்டுள்ளோம்,” என்று ரெட்டி கூறினார்.
Read in English: Hyderabad gang ‘bought’ babies from the poor in Delhi, Pune, ‘sold’ them for Rs 1.8-5.5 lakh in Telangana, Andhra
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/mLr8RgQXKoDYWcO2Y10u.jpg)