Advertisment

இயல்பை விட 60% குறைவான மழை- 123 ஆண்டுகளில் ஆறாவது வறண்ட அக்டோபர் மாதத்தை சந்தித்த தென்னிந்தியா

மெதுவாக துவங்கிய போதிலும், கடந்த இரண்டு நாட்களாக வடகிழக்கு பருவமழை தீவிரமடைந்துள்ளது. அடுத்த வாரத்தில் கேரளா மற்றும் தமிழ்நாடு முழுவதும் பரவலாக நல்ல மழை பெய்யும்.

author-image
WebDesk
New Update
IMD

Southern peninsular India sees sixth driest October in 123 years, gets 60% less rainfall

தென்னிந்தியா இந்த ஆண்டு 123 ஆண்டுகளில் ஆறாவது வறண்ட அக்டோபர் மாதத்தை சந்தித்தது என்று இந்திய வானிலை ஆய்வு மையம் (IMD) செவ்வாய்கிழமை கூறியது

Advertisment

கேரளா, புதுச்சேரி மாஹே, தென் கர்நாடகத்தின் உட்பகுதிகள், தமிழ்நாடு, காரைக்கால், புதுச்சேரி, கடலோர ஆந்திரப் பிரதேசம், புதுச்சேரி ஏனாம் மற்றும் ராயலசீமாவை உள்ளடக்கிய இந்தப் பகுதியில் அக்டோபர் மாதத்தில் 74.9 மிமீ மழை மட்டுமே பெய்துள்ளது, இது இயல்பை விட 60 சதவீதம் குறைவாகும்.

தென்னிந்திய தீபகற்பத்தில் அக்டோபர் மாதத்தில் பின்வாங்கும் தென்மேற்கு பருவமழை மற்றும் உள்வரும் வடகிழக்கு பருவமழை ஆகிய இரண்டிலும் மழைப்பொழிவு காணப்படுகிறது.

ஆனால் இந்த ஆண்டு, அக்டோபரில் கிட்டத்தட்ட 25 நாட்களுக்கு இப்பகுதி வறண்டதாக இருந்தது. கடந்த சில ஆண்டுகளைப் போலல்லாமல், இந்த ஆண்டு 134 நாள் சீசனுக்குப் பிறகு தென்மேற்கு பருவமழை கிட்டத்தட்ட சரியான நேரத்தில் முடிவடைந்தது.

இந்த மோசமான மழைக்கு முக்கிய பங்களிப்பில் ஒன்று, வடகிழக்கு பருவமழை பிற கடல் காரணிகளுடன் ஒத்துப்போகும் நேரமாகும். வடகிழக்கு பருவமழை தொடங்கும் தேதி அக்டோபர் 21 அன்று உணரப்பட்ட நிலையில், அதே நேரத்தில் வங்காள விரிகுடா மற்றும் சூறாவளிகள் பருவமழையின் தொடக்கத்தில் தாக்கத்தை ஏற்படுத்தியது.

இந்த ஆண்டு, வடகிழக்கு பருவமழையின் தொடக்கமானது வங்காளதேச கடற்கரையை கடந்த ஹமூன் சூறாவளியின் தோற்றத்துடன் ஒத்துப்போகிறது.

இதில் பெரும்பாலான ஈரப்பதம் தென்னிந்திய தீபகற்பத்துக்கு இழுத்துச் செல்லப்பட்டது. அது காற்றின் ஓட்ட முறையை கூட மாற்றியமைத்தது. இதனால், வடகிழக்கு பருவமழை பலவீனமாக இருந்தது, என்று இந்திய வானிலை ஆய்வு மைய இயக்குநர் மிருத்யுஞ்சய் மொஹபத்ரா விளக்கினார்.

இந்திய வானிலை ஆய்வு மையத்தின் படி, அக்டோபர் 31 ஆம் தேதி நிலவரப்படி அக்டோபர் மழைப்பொழிவு பின்வருமாறு: கடலோர ஆந்திரா மற்றும் ஏனாம் (18 மிமீ, -90 சதவீதம்), ராயலசீமா (12.7 மிமீ, -90 சதவீதம்), தமிழ்நாடு, காரைக்கால் மற்றும் புதுச்சேரி (98.5 மிமீ, -43 சதவீதம்) தெற்கு உள் கர்நாடகா (64.5 மிமீ, -53 சதவீதம்) மற்றும் கேரளா (311 மிமீ, 1 சதவீதம்).

2023 எல் நினோ ஆண்டாக இருப்பதால், அக்டோபர் மாதத்தில் இத்தகைய மழைப்பற்றாக்குறைகள் பொதுவாகக் காணப்படுகின்றன. இதற்கு முன்பும் இதுபோன்ற பதிவுகள் உள்ளன என்று மொஹபத்ரா மேலும் கூறினார்.

குறிப்பாக, 2023, 2016 மற்றும் 1988, தென்னிந்திய தீபகற்பத்தின் ஆறு வறண்ட அக்டோபர் மாதங்களும், எல் நினோ ஆண்டுகள் ஆகும்.

எல் நினோ ஆண்டுகள் போது, ​​வட தமிழ்நாடு மற்றும் அதை ஒட்டிய பகுதிகளில் குறைவான மழைப்பொழிவு உள்ளது. அதேசமயம், தமிழகம் மற்றும் கேரளாவின் தென்பகுதிகளில் அக்டோபர் மாதத்தில் நல்ல மழை பெய்யும்.

மெதுவாக துவங்கிய போதிலும், கடந்த இரண்டு நாட்களாக வடகிழக்கு பருவமழை தீவிரமடைந்துள்ளது. இந்த சுறுசுறுப்பான கட்டத்தில், அடுத்த வாரத்தில் கேரளா மற்றும் தமிழ்நாடு முழுவதும் பரவலாக நல்ல மழை பெய்யும்.

நவம்பர் 3-5 தேதிகளில் இந்த மாநிலங்களில் அதிக மழைப்பொழிவு இருக்கும் என்று இந்திய வானிலை ஆய்வு மையம் கணித்துள்ளது.

நவம்பர் மாதத்திற்கான மழைப்பொழிவு முன்னறிவிப்பு, இப்பகுதிக்கு நம்பிக்கையளிக்கிறது. நவம்பரில் (1971 முதல் 2020 வரை) தென் இந்தியாவின் நீண்ட கால சராசரி மழைப்பொழிவு சுமார் 118.69 மிமீ ஆகும்.

தென் இந்தியாவில் மோசமான மழை ஆண்டுகள்

ஆண்டு - மழைப்பொழிவு (மிமீ)

2016 - 50.7

1988 –54.4

1918 - 61.2

1927 - 67.1

1965 - 74.1

2023 - 74.9

ஆதாரம்: இந்திய வானிலை மையம் (IMD)

Read in English: Southern peninsular India sees sixth driest October in 123 years, gets 60% less rainfall

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Kerala Tamil Nadu
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment