கமல்நாத் விவகாரம்; காங்கிரஸின் இதயத்திலும் கோட்டையிலும் ஆழமாக தாக்க முயற்சிக்கும் பா.ஜ.க

Vikas Pathak

மத்தியப் பிரதேசத்தின் முன்னாள் முதல்வரும், முன்னாள் மத்திய அமைச்சரும், நீண்டகால காங்கிரஸ் தலைவருமான கமல்நாத் பா.ஜ.க.,வில் நுழைய வாய்ப்புள்ளதாக கூறப்படும் நிலையில், சமீபத்திய மாநில சட்டமன்றத் தேர்தலில் காங்கிரஸை முழுமையாக தோற்கடித்த பா.ஜ.க.,வுக்கு, கமல்நாத்தின் எதிர்பார்க்கப்படும் நுழைவு என்ன லாபம் ஈட்டும் என்ற கேள்வியை எழுப்புகிறது.

ஆங்கிலத்தில் படிக்க: In Kamal Nath, BJP sees a chance to strike deep at Congress heart, and pocket

பா.ஜ.க.,வின் தேசிய தலைவர் ஒருவரின் கூற்றுப்படி, பா.ஜ.க.,வுக்கு இரண்டு முக்கியமான விஷயங்கள் இருந்தன. ஒன்று, மகாராஷ்டிர முன்னாள் முதல்வர் அசோக் சவான் பா.ஜ.க.,வில் இணைந்துள்ள நேரத்தில், கமல்நாத்தின் நுழைவு, காங்கிரஸ் தனது முன்னாள் முதல்வர்களை தக்கவைத்துக் கொள்ள முடியாத அளவுக்கு மோசமாக சரிந்துவிட்டது என்ற செய்தியை மக்களுக்கு அனுப்பும். இது எதிர்கட்சிகளிடம், நாட்டின் மிகப்பெரிய அரசியல் சக்தியாக பா.ஜ.க.,வை அடிக்கோடிட்டுக் காட்டும்.

சுருங்கி வரும் அரசியல் தடயத்திற்குப் பிறகு ஏற்கனவே பணவசதி இல்லாத காங்கிரஸ், கமல்நாத்தின் நிதி திரட்டும் திறனையும் இழக்க நேரிடும் என்று இரண்டு பா.ஜ.க உள்விவகாரர்கள் தெரிவித்தனர்.

தற்போது நடைபெற்று வரும் பா.ஜ.க தேசிய கவுன்சில் கூட்டத்திற்குப் பிறகு கமல்நாத்தின் வருகை குறித்த அறிவிப்பு விரைவில் வெளியாகும் என பா.ஜ.க தலைவர்கள் எதிர்பார்க்கின்றனர்.

குறிப்பாக மத்தியப் பிரதேசத்தைப் பற்றிக் குறிப்பிடுகையில், பா.ஜ.க மாநிலத் தலைவர் ஒருவர், கமல்நாத் தனது செல்வாக்கால் சிந்த்வாராவிலிருந்தும், ஜபல்பூர் மற்றும் வேறு சில இடங்களைச் சேர்ந்த விசுவாசிகளையும் அழைத்து வருவார் என்று எதிர்பார்க்கப்படுகிறது என்று கூறினார். குறிப்பாக ஜோதிராதித்ய சிந்தியாவுக்கு நெருக்கமான தலைவர்கள் சம்பல் பிரிவில் பா.ஜ.க.,வுக்கு வந்தப் பிறகு, கட்சி வலுவாக இருந்த மற்றொரு மாநிலத்தில் காங்கிரஸ் வலுவிழக்கும் என்ற தோற்றத்தை இது வலுப்படுத்தும்.

ம.பி.யில், காங்கிரஸ் எப்போதும் மூன்று அல்லது நான்கு லாபிகளின் கலவையாக இருப்பதாக மாநில பா.ஜ.க உள்விவகாரம் ஒருவர் சுட்டிக்காட்டினார். இப்போது மறைந்த அர்ஜுன் சிங்கின் பாரம்பரியம் மங்கிவிட்டது, திக்விஜய சிங் தனது இந்துத்துவா கருத்துகளால் "சாதாரண இந்துக்கள் மத்தியில் மதிப்பு" இழந்துள்ளார், ஜோதிராதித்யா சிந்தியா ஏற்கனவே பா.ஜ.க.,வில் இருக்கிறார், என்று அந்த தலைவர் கூறினார், மேலும், கமல்நாத்தும் இப்போது வெளியேறினால், காங்கிரஸூக்கு ம.பி.யில் எந்த பிராந்திய நங்கூரமும் மிச்சமிருக்காது, பா.ஜ.க.,வுக்கு மேலும் களத்தைத் திறக்கும் என்றும் அந்த தலைவர் கூறினார்.

கமல்நாத் தனது சொந்த அரசியல் முன்னேற்றத்தைக் கவனிக்காத ஒரு பழைய போர்க் குதிரை என்று பெயர் வெளியிட விரும்பாத பா.ஜ.க மூத்த நிர்வாகி ஒருவர் கூறினார். “சமீபத்திய தேர்தல் தோல்விக்குப் பிறகும், சுமார் 80 வயதில் அவர் தனது அரசியல் பாரம்பரியத்தைத் தக்கவைக்க ஒரே வழி, அரசியல் நீரோட்டத்துடன் பயணிப்பதுதான். பா.ஜ.க.,வில், கமல்நாத் தனது மகன் அல்லது மருமகள் தனது பாரம்பரியத்தைத் தொடர்வதை உறுதிசெய்ய அதிக வாய்ப்பு உள்ளது,” என்று தலைவர் கூறினார்.

மேலும், பல பா.ஜ.க தலைவர்கள் சுட்டிக்காட்டுவது போல், சஞ்சய் காந்தியுடனான நட்பின் மரியாதையால் காங்கிரஸில் எழுச்சி பெற்ற கமல்நாத் உண்மையில் எந்த கருத்தியல் கொள்கைகளையும் சுமக்கவில்லை. உண்மையில், பா.ஜ.க.,வை எதிர்கொள்ளும் முயற்சியில் மென்மையான இந்துத்துவாவை முயற்சிக்கும் காங்கிரஸ் தலைவர்களிடையே கமல்நாத் முன்னிலை வகிக்கிறார்.

சட்டமன்றத் தேர்தலின் போது, ​​இந்தியன் எக்ஸ்பிரஸ் நாளிதழுக்கு அளித்த பேட்டியில், அயோத்தியில் அப்போது கட்டப்பட்ட ராமர் கோயிலுக்கு காங்கிரஸுக்கும் பெருமை சேர்க்க வேண்டும் என்று கமல்நாத் கருத்து தெரிவித்திருந்தார். ராஜீவ் காந்தி பிரதமராக இருந்த காலத்தில்தான் பாபர் மசூதியின் பூட்டுகள் திறக்கப்பட்டன, மேலும் வி.எச்.பி.,யை கோயிலின் சிலாண்யங்களைச் செய்ய அனுமதித்தார் எனவே பா.ஜ.க முழுமையாக உரிமை கோர முடியாது என்று கமல்நாத் கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“