அரசாங்கம் பற்றிய ‘தவறான ஸ்டோரி’, பயங்கரவாத சூழலை உருவாக்கும் ‘கட்டணச் செய்திகள்’: நியூஸ்கிளிக் மீதான எஃப்.ஐ.ஆர் விவரம்

அமெரிக்க கோடீஸ்வர் நெவிலி ராய் சிங்கம் என்பவருக்கு சீன அரசுக்கு ஆதரவாக செய்தி வெளியிடும் ஊடகங்களுடன் தொடர்பு உள்ளது என்றும், நியூஸ்கிளிக் நிறுவனம் உட்பட உலகின் பல ஊடகங்களுக்கு நிதியளிக்கிறார் என்றும் ‘தி நியூ யார்க் டைம்ஸ்’ நாளிதழில் கடந்த ஆகஸ்ட் 10-ம் தேதி செய்தி வெளியானது.

இதையடுத்து சட்டவிரோத நடவடிக்கைகள் தடுப்புச் சட்டத்தின் (UAPA) கீழ் பதிவு செய்யப்பட்ட வழக்கில், நியூஸ்கிளிக் இணையதளத்தின் நிறுவனர் பிரபிர் புர்கயஸ்தா மற்றும் அந்நிறுவனத்தின் மனிதவளத் துறைத் தலைவர் அமித் சக்ரவர்த்தி ஆகியோர் டெல்லி காவல்துறை சிறப்பு பிரிவால் செவ்வாய்க்கிழமை கைது செய்யப்பட்டனர்.

டெல்லியில் உள்ள நியூஸ் கிளிக் அலுவலகம் போலீஸாரால் சீல் வைக்கப்பட்டது. அங்கு பணியாற்றிய பத்திரிகையாளர்கள் வீடுகளில் சோதனை நடத்தப்பட்டு அவர்களின் செல்போன் மற்றும் லேப்டாப்கள் பறிமுதல் செய்யப்பட்டன.

சீனா தொடர்புடைய நிறுவனங்களிடம் இருந்து நியூஸ் கிளிக் நிறுவனம் ரூ.38 கோடி பெற்றுள்ளதாக அமலாக்கத்துறை இயக்குனரகம் குற்றம் சாட்டியுள்ளது.

இந்நிலையில், "இந்தியாவில் சமூகத்தின் வாழ்க்கைக்கு அத்தியாவசியமான பொருட்கள் மற்றும் சேவைகளை சீர்குலைக்கவும், விவசாயிகளின் போராட்டத்தை நீட்டிப்பதன் மூலம் சேதம் மற்றும் சொத்துக்களை சேதப்படுத்தவும் மற்றும் அழிக்கவும்" நியூஸ் கிளிக் சதி செய்ததாக டெல்லி காவல்துறை சிறப்புப் பிரிவின் எப்ஐஆர் கூறுகிறது.

இதில், "விநியோகங்கள் மற்றும் சேவைகளுக்கு இடையூறு" என்பது உபா (UAPA) சட்டத்தின் பிரிவு 15(1)(a)(iii) இன் ஒரு பகுதியாகும். இது வெடிகுண்டு, டைனமைட் அல்லது பிற வெடிக்கும் அல்லது எரியக்கூடிய பொருட்கள் அல்லது துப்பாக்கிகள் அல்லது பிற கொடிய ஆயுதங்கள்,  நச்சு அல்லது தீங்கு விளைவிக்கும் வாயுக்கள் அல்லது பிற ரசாயனங்கள் அல்லது அபாயகரமான பிற பொருட்களைப் (உயிரியல், கதிரியக்க, அணு அல்லது மற்றவை) … பயன்படுத்துவதால் ஏற்படும் இடையூறு" என்று வரையறுக்கிறது.

UAPA இன் பிரிவு 15 "பயங்கரவாத செயலை" விவரிக்கிறது.

பிரிவு 15 க்கு தண்டனை விதிக்கும் பிரிவு 16 உடன், இந்திய தண்டனைச் சட்டத்தின் பிரிவு 17 (பயங்கரவாதத்திற்கு நிதி திரட்டுதல்) மற்றும் இந்திய தண்டனைச் 153A (வெவ்வேறு குழுக்களிடையே பகைமையை ஊக்குவிப்பதற்காக அபராதம் விதிக்கிறது), எஃப்.ஐ.ஆரில் குறிப்பிடப்பட்ட குற்றச்சாட்டுகளில் ஒன்றாகும்.

எவ்வாறாயினும், எஃப்.ஐ.ஆர், "விரோதமான" வெளிநாட்டு தேசத்தின் நிதி ஆதாரத்திற்கும் பயங்கரவாதத்தை வரையறுக்க அரசாங்கத்தின் விமர்சன அறிக்கைக்கும் இடையே ஒரு தொடர்பைக் கொண்டுள்ளது.

இது கடுமையான பயங்கரவாத எதிர்ப்புக் குற்றச்சாட்டுகளைத் தூண்டுவதற்கான அடிப்படையாக மூன்று முக்கிய விவரங்களைப் பட்டியலிடுகிறது.

முதலாவதாக, மின்னஞ்சலில் "காஷ்மீர் மற்றும் அருணாச்சலப் பிரதேசத்தை இந்தியாவின் ஒரு பகுதியல்ல எனக் காட்டும் நோக்கத்தை" வெளிப்படுத்தும் "ரகசிய உள்ளீடுகள்".

இரண்டாவதாக, "இந்தியாவில் சமூகத்தின் வாழ்க்கைக்கு அத்தியாவசியமான பொருட்கள் மற்றும் சேவைகளை சீர்குலைத்து, விவசாயிகளின் எதிர்ப்பை நீட்டிப்பதன் மூலம் சேதம் மற்றும் சொத்துக்களை சேதப்படுத்துதல்..."

மூன்றாவதாக, சீன அரசாங்கத்தின் கொள்கைகள் மற்றும் திட்டங்களை ஊக்குவிக்கவும், உள்நாட்டுக் கொள்கைகள், இந்தியாவின் வளர்ச்சித் திட்டங்களை வேண்டுமென்றே விமர்சித்த" "கட்டணச் செய்திகளுக்காக" சீனாவில் இருந்து நிதி.

மேலும், நியூஸ் கிளிக் "கோவிட்-19 தொற்றுநோயைக் கட்டுப்படுத்த இந்திய அரசின் முயற்சிகளை இழிவுபடுத்துவதற்காக தவறான கதைகளை தீவிரமாக பிரச்சாரம் செய்தது" என்று FIR குற்றம் சாட்டியுள்ளது.

இது, தேச விரோத சக்திகளுடன் இணைந்து உள்நாட்டு மருந்துத் தொழில் மற்றும் ஜனநாயக முறையில் தேர்ந்தெடுக்கப்பட்ட இந்திய அரசின் கொள்கைகள் மற்றும் மேம்பாட்டு முயற்சிகள் குறித்து தவறான கதையை ஊக்குவிப்பதன் மூலம் தேச நலனுக்கு எதிராக அவர்கள் செயல்பட்டுள்ளனர், என்று எஃப்ஐஆர் குறிப்பிடுகிறது.

பயங்கரவாத மற்றும் சீர்குலைக்கும் நடவடிக்கைகள் (தடுப்பு) சட்டம், 1987 இன் செல்லுபடியை உறுதிப்படுத்திய கர்தார் சிங் எதிராக பஞ்சாப் மாநில வழக்கில் (Kartar Singh vs State of Punjab case) 1994 ஆம் ஆண்டு முக்கிய தீர்ப்பு கூட, பயங்கரவாதத்தை 'பொது ஒழுங்கின்' சீர்குலைவு என்று வகைப்படுத்த முடியாது, என்று கூறியது.

மாறாக இது வெளிப்புற சக்திகளால், குறிப்பாக இந்த நாட்டின் எல்லைகளில் உருவாக்கப்பட்ட ஒரு தீவிரமான சூழ்நிலை. அதன் ஜனநாயக அரசியலில் நாட்டின் இறையாண்மைக்கு சவாலாக உள்ளது, என்றது.

Read in English: In NewsClick FIR, ‘false narrative’ on Govt, ‘paid news’ fall in terror ambit

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“