Independence Day 2019 Updates: 'சுயமரியாதையுடன் கூடிய முன்னேற்றப் பாதையில் நாடு' - பிரதமர் மோடி

ஜம்மு & காஷ்மீர் 3 யூனியன் பிரதேசங்களாக பிரிக்கப்பட்டதற்கு பிறகு, அங்கு முதன்முறையாக சுதந்திர தினம் கொண்டாடப்பட்டுள்ளது. ஸ்ரீநகரில் ஆளுநர் சத்ய பால் மாலிக் தேசியக் கொடியை ஏற்றியுள்ளார். இதனால், அங்கு உச்சக்கட்ட பாதுகாப்பு போடப்பட்டுள்ளது. 144 தடை உத்தரவு தொடர்ந்து அமலில் உள்ளது.

Jammu & Kashmir Governor Satya Pal Malik at Sher-i-Kashmir stadium in SRINAGAR: I assure the people of Jammu & Kashmir that their identity is not on the line, it hasn't been tampered with. The constitution of India allows different regional identities to flourish. https://t.co/SxjzfVvnWV

— ANI (@ANI) August 15, 2019

லடாக் தொகுதியின் பாஜக எம்.பி. ஜம்யங் செரிங் நம்க்யல், லே பகுதியில் நடந்த 73வது சுதந்திர தின கொண்டாட்டத்தின் பொது நடனமாடிய காட்சி.

#WATCH BJP MP from Ladakh, Jamyang Tsering Namgyal (in front) dances while celebrating 73rd #IndiaIndependenceDay, in Leh. pic.twitter.com/KkcNoarPPB

— ANI (@ANI) August 15, 2019

"ஒரு முறை மட்டும் பயன்படுத்தும் பிளாஸ்டிக்கில் இருந்து இந்தியாவை விடுவிப்போமா? புதிய திட்டத்தை அமல்படுத்த வேண்டிய நேரம் வந்துவிட்டது. இந்தாண்டு அக்டோபர் 2ம் தேதி முதல் புதிய அறிமுகம் செய்யப்பட உள்ளது. "இந்தியாவில் தயாரிக்கப்படும்" பொருட்களுக்கு முன்னுரிமை கொடுக்கப்பட உள்ளது. இதன் மூலம், உள்ளூர் உற்பத்தியையும், கிராமப்புற பொருளாதாரங்களையும் முன்னேற்ற முடியும்" - பிரதமர் மோடி

73-வது சுதந்திர தின விழாவில், சென்னை கோட்டை கொத்தளத்தில் தேசியக் கொடியை ஏற்றி வைத்த பிறகு உரையாற்றி வருகிறார் முதல்வர்  பழனிசாமி.

"நமது படைகள் தான் நமது பெருமை. நமது முப்படைகளையும் மேலும் கூர்மையாக்க, இந்த செங்கோட்டையில் நான் மிக முக்கிய முடிவை அறிவிக்கிறேன். இந்தியாவுக்கு இனி முப்படைகளுக்கும் ஒரே தலைவர் (Chief of Defence Staff - CDS) தான். நமது படைகளை இந்த முறை மேலும் வலிமையாக்கப் போகிறது" - பிரதமர் மோடி

ஊழல் என்னும் கொடிய நோயை அகற்ற அரசு பல நடவடிக்கை எடுத்து வருகிறது 75-வது சுதந்திர தினம் கொண்டாடும் போது இந்தியாவில் ஊழல் என்பதே இருக்க கூடாது. கடந்த 5 ஆண்டுகளாக வணிகர்களின் நிம்மதியான வாழ்விற்கு, தடையாக இருந்த பல்வேறு சட்டங்கள் அகற்றப்பட்டுள்ளது. உள்கட்டமைப்பு வசதிகளை மேம்படுத்த ரூ 100 லட்சம் கோடி நிதி ஒதுக்கீடு. சாலை, ரயில் நிலையங்களை அரசு நவீனப்படுத்தி வருகிறது, சாமானிய மக்களின் ஆதரவு மற்றும் வரவேற்பு கிடைத்துள்ளது - பிரதமர் மோடி

தண்ணீரின் முக்கியத்துவம் குறித்து விளக்கும்போது நீரின்றி அமையாது உலகு என தமிழில் பேசினார் மோடி. தனது சுதந்திர தின உரையில் திருக்குறளை மேற்கோள் காட்டி பிரதமர் மோடி பேசினார்.

'பல வருடங்களுக்கு முன் ஜெயின் முனிவர் தண்ணீர் விற்பனை செய்யப்படும் என்றார், அவரின் வாக்கு இப்போது பலித்துக் கொண்டு இருக்கிறது' - பிரதமர் மோடி

மக்களின் அமோக ஆதரவு மூலம் நாட்டில் மாற்றம் கொண்டு வர முடியும். 2019ல் மீண்டும் ஆட்சிக்கு வந்திருப்பது மிகுந்த நம்பிக்கையை தந்துள்ளது. பொறுப்பேற்ற 10 வாரத்திற்குள்ளாகவே பல முக்கிய முடிவுகளை எடுத்துள்ளது மத்திய அரசு

"கடந்த 70 ஆண்டுகளாக 370-வது பிரிவு தீவிரவாதத்தை வளர்த்தது. ஆதிவாசிகளுக்கு மற்ற மாநிலங்களில் கிடைத்த உரிமைகள் அங்கு கிடைக்கவில்லை. 370, 35ஏ பிரிவினால் காஷ்மீர் மக்களின் முன்னேற்றத்திற்கு பல தடைகள் இருந்தன. கடந்த 70 ஆண்டுகளாக காஷ்மீர் மக்களின் கனவுகள் நசுக்கப்பட்டு வந்தன, காஷ்மீரில் வசிக்க நினைப்பவர்களுக்கு போதிய உரிமைகள் கிடைக்கவில்லை" - பிரதமர் மோடி

"சுயமரியாதையுடன் கூடிய முன்னேற்ற பாதையில் நாடு சென்று கொண்டு இருக்கிறது. காஷ்மீர் விவகாரத்தில் மக்கள் எனக்கு அளித்த கட்டளையை நிறைவேற்றி உள்ளேன், காஷ்மீர் விவகாரத்தில் முந்தைய அரசுகள் எடுத்த நடவடிக்கைகள் தோல்வி அடைந்தன" - பிரதமர் மோடி

ஒரே நாடு, ஒரே அரசமைப்பு சட்டத்தை செயல்படுத்தியதில் பெருமிதம் கொள்கிறோம் - பிரதமர் மோடி

"முத்தலாக் விவகாரத்தில் நாங்கள் மிக முக்கியமான நடவடிக்கையை எடுத்திருக்கிறோம். நாங்கள் எப்போதும் எங்கள் இஸ்லாமிய சகோதரிகள் மற்றும் தாய்மார்கள் குறித்து நினைத்துப் பார்ப்போம். உடன் கட்டை ஏறுதலை நாம் நீக்கும் பொழுது, நாம் பெண்களுக்கான சம உரிமை குறித்து சிந்திக்கும் போது, ஏன் நமது இஸ்லாமிய பெண்களுக்காக முத்தலாக்கை ரத்து செய்யக் கூடாது" - பிரதமர் மோடி

"நான் 2014ல் பதவி ஏற்ற போது, நாட்டில் ஏதாவது மாற்றம் நடக்குமா? என்று மக்கள் எண்ணினர். ஆனால், நமது கடின உழைப்பும், அர்ப்பணிப்பும் பல விஷயங்களை மாற்றியது. 2013-14 தேர்தலுக்கு முன்பு, நான் நாட்டின் அனைத்து பகுதிகளுக்கும் சென்றேன், அங்குள்ள மக்களின் உணர்வுகள் என்னவென்பதை அறிய. ஒவ்வொருவர் முகத்திலும் அதிருப்தி தெரிந்தது, "இந்த நாட்டுக்கு ஒரு மாற்றம் ஏற்படாதா?" என்று. - பிரதமர் மோடி

"இன்று, நான் சுதந்திர தினத்தை கொண்டாடிக் கொண்டிருக்கும் போது, நாட்டின் பல்வேறுப் பகுதிகளில் நமது குடிமக்களில் பலர் வெள்ளத்தால் சிக்கி பாதிக்கப்பட்டுள்ளனர். அவர்களுக்கு ஆதரவாக நாம் ஒருங்கிணைந்து நிற்க வேண்டும்" - பிரதமர் மோடி

"புதிய அரசு பதவியேற்ற 10 வாரங்கள் கூட முடியாத நிலையில் பல முக்கிய முடிவுகளை எடுத்துள்ளோம். அடுத்த 5 ஆண்டுகளில் நாட்டு மக்களுக்கு சேவையாற்ற பல புதிய திட்டங்களைசெய்ய தொடங்கிவிட்டோம்" என்று பிரதமர் மோடி தெரிவித்திள்ளார்.

பிரதமர் மோடி தனது உரையில், "ஜம்மு- காஷ்மீரில் 370வது பிரிவு ரத்து செய்யப்பட்டதன் மூலம் வல்லபாய் படேலின் கனவு நனவாகி உள்ளது" என்று கூறியுள்ளார்.

டெல்லியில் நாட்டு மக்களுக்கு 73-வது சுதந்திர தின வாழ்த்துக்களை கூறி பிரதமர் மோடி உரையாற்றி வருகிறார்.

நாட்டின் 73வது சுதந்திர தினத்தை முன்னிட்டு, பிரதமர் மோடி ஆறாவது முறையாக டெல்லி செங்கோட்டையில் தேசியக் கொடி ஏற்றினார்.