'படித்தவர்கள் மாடு வளர்க்கலாம்'.. புதுச்சேரி முதல்வர் கருத்துக்கு இந்தியா கூட்டணி எதிர்ப்பு

புதுச்சேரி முதல்வரின் கருத்துக்கு இளைஞர் அமைப்புகள் கடும் கண்டனம் தெரிவித்து வருகின்றன. இந்த விவகாரம் குறித்து இந்தியா கூட்டணி மாணவர் - இளைஞர் அமைப்புகளின் ஆலோசனைக் கூட்டம் முதலியார்பேட்டையில் உள்ள இந்திய கம்யூனிஸ்ட் கட்சியின் மாநிலத் தலைமை அலுவலகத்தில் நடைபெற்றது. அனைத்திந்திய இளைஞர் பெருமன்றத்தின் மாநில செயலாளர் எழிலன் தலைமையில் நடந்த இந்தக் கூட்டத்தில் முதல்வரின் கருத்தை திரும்பப் பெற வலியுறுத்தி 30-ம் தேதி சட்டப்பேரவை நோக்கி பேரணி நடத்துவது எனத் தீர்மானிக்கப்பட்டு உள்ளது. இந்த கூட்டத்தில் அனைத்திந்திய இளைஞர் பெருமன்றத்தின் மாநிலத் தலைவர் முருகன், மாணவர் அமைப்பினர் உள்ளிட்டோர் பங்கேற்றனர்.