கத்தார் பிடியில் மாஜி கடற்படை வீரர்கள்: இந்தியா எடுத்த அதிரடி முடிவு

 8 ex Navy personnel in Qatar | உளவு பார்த்ததாகக் கூறப்படும் வழக்கில் கைது செய்யப்பட்ட எட்டு முன்னாள் இந்திய கடற்படை வீரர்களுக்கு கத்தார் நீதிமன்றத்தால் மரண தண்டனை விதிக்கப்பட்ட இரண்டு வாரங்களுக்குப் பிறகு, இந்த வழக்கில் மேல்முறையீடு செய்யப்பட்டுள்ளதாக வெளியுறவு அமைச்சகம் (MEA) தெரிவித்துள்ளது.

இது குறிதது வெளியுறவு செய்தித் தொடர்பாளர் அரிந்தம் பாக்சி வியாழக்கிழமை (நவ.9), “இந்தத் தீர்ப்பு ரகசியமானது, சட்டக் குழுவுடன் பகிர்ந்து கொள்ளப்பட்ட தீர்ப்பை வழங்கிய முதல் வழக்கு நீதிமன்றம் உள்ளது. அனைத்து சட்ட விருப்பங்களையும் கருத்தில் கொண்டு மேல்முறையீடு செய்யப்பட்டுள்ளது. நாங்கள் கத்தார் அதிகாரிகளுடன் தொடர்பில் உள்ளோம்” என்றார்.

தொடர்ந்து, “நவம்பர் 7 அன்று எட்டு இந்தியர்களுடன் மற்றொரு சுற்று தூதரக அணுகலைப் பெற்றோம், நாங்கள் குடும்ப உறுப்பினர்களுடன் தொடர்பில் இருக்கிறோம், மேலும் இந்த வழக்கில் அனைத்து சட்ட மற்றும் தூதரக ஆதரவையும் இந்தியா தொடர்ந்து வழங்கும்” என்றார்.
தோஹாவை தளமாகக் கொண்ட தஹ்ரா குளோபல் நிறுவனத்தின் அனைத்து ஊழியர்களும் ஆகஸ்ட் 2022 முதல் காவலில் வைக்கப்பட்டுள்ளனர்.

இவர்கள், கேப்டன் நவ்தேஜ் சிங் கில், கேப்டன் பிரேந்திர குமார் வர்மா, கேப்டன் சவுரப் வசிஷ்த், கமாண்டர் அமித் நாக்பால், கமாண்டர் பூர்ணேந்து திவாரி, கமாண்டர் சுகுணாகர் பகலா, கமாண்டர் சஞ்சீவ் குப்தா மற்றும் மாலுமி ராகேஷ் என அடையாளம் காணப்பட்டுள்ளது.

ஆங்கிலத்தில் வாசிக்க : India files appeal against death to 8 ex-Navy personnel in Qatar

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“