scorecardresearch

பொருளாதாரத் தடையால் கிடைத்த பலன்: ரஷ்யாவிடம் சலுகை விலையில் உரம் வாங்கிக் குவிக்கும் இந்தியா

காரிஃப் பருவத்திற்கான விதைப்பு ஆரம்பமாகி, ஜூலையில் உச்சத்தைத் தொடும் போது, சரியான நேரத்தில் இறக்குமதிகள் வந்துள்ளன.

பொருளாதாரத் தடையால் கிடைத்த பலன்: ரஷ்யாவிடம் சலுகை விலையில் உரம் வாங்கிக் குவிக்கும் இந்தியா
India has imported about 3.5 lakh tonnes DAP fertiliser from Russia

இந்தியா ரஷ்யாவிலிருந்து சுமார் 3.5 லட்சம் டன்கள் (lt) டி-அம்மோனியம் பாஸ்பேட் (DAP) உரத்தை இறக்குமதி செய்துள்ளது, இது ஏப்ரல் முதல் ஜூலை வரையிலான காலகட்டத்தில் வந்து சேரும்.

உக்ரைன் மீதான ஆக்கிரமிப்பை அடுத்து ரஷ்யாவிற்கு எதிரான மேற்கத்திய பொருளாதாரத் தடைகளுக்கு மத்தியில் இது வந்துள்ளது.

இந்தியன் பொட்டாஷ் லிமிடெட், ராஷ்ட்ரிய கெமிக்கல்ஸ் & ஃபெர்டிலைசர்ஸ், சம்பல் ஃபெர்டிலைசர்ஸ் மற்றும் கிரிஷக் பாரதி கூட்டுறவு ஆகியவற்றால் டன்னுக்கு $920-925 விலையில், செலவு மற்றும் சரக்குக் கட்டணத்துடன் (CFR) இந்த இறக்குமதி ஒப்பந்தம் செய்யப்பட்டுள்ளது.

முக்கியமாக சீனா, சவுதி அரேபியா, மொராக்கோ மற்றும் ஜோர்டான் ஆகிய நாடுகளில் இருந்து, பாஸ்பேட்டுக்கு மற்ற நாடுகள் செலுத்தும் கட்டணத்தை விட இது குறைவாக உள்ளது.

பங்களாதேஷின் விவசாய அமைச்சகம், இந்த மாத தொடக்கத்தில், ஒரு டன்னுக்கு $1,020-1,030 என்ற விலையில் 8.12 லட்சம் டன் இறக்குமதிக்கான வருடாந்திர டெண்டரை வழங்கியது.

இதேபோல், இந்தோனேஷியா மற்றும் தாய்லாந்து ஆகியவை தலா 25,000-26,000 டன் ஏற்றுமதிக்கு, டன் ஒன்றுக்கு $992 மற்றும் $1,000 செலவு மற்றும் சரக்குக் கட்டணம் செலுத்தியுள்ளதாக தெரிவிக்கப்பட்டுள்ளது.

பாகிஸ்தானில் டாலருக்கு எதிரான உள்ளூர் நாணயத்தின் சரிவு நிச்சயமற்ற தன்மையைச் சேர்த்தது. அதனால்,  $1,030 கட்டணத்தில் கூட தாமதமாக ஒப்பந்தம் செய்ய முடியவில்லை.

ரஷ்யாவின் ஃபோஸ்ஆக்ரோ நிறுவனத்திடம் இருந்து பாஸ்பேட் ஒப்பந்தத்தை டன் ஒன்றுக்கு $920 செலவு மற்றும் சரக்கு கட்டணத்துக்கு இந்தியா ஒப்பந்தம் செய்துள்ளது – இது இறக்குமதியாளர்களுக்கு அரசாங்கம் விதித்துள்ள விலை உச்சவரம்பு ஆகும் – இது மற்ற சப்ளையர்களுக்கு குறிப்பாக மொராக்கோவின் OCP குழுமம், சீனாவின் YUC மற்றும் சவூதி அரேபியாவின் Ma’aden மற்றும் SABIC ஆகியவற்றின் மீது அழுத்தம் கொடுக்க வாய்ப்புள்ளது. . சந்தைப் பங்கைத் தக்கவைக்க அவர்கள் விலைகளைக் குறைக்க வேண்டியிருக்கும்.

“ஒருவரின் விநியோக ஆதாரங்களை பல்வகைப்படுத்துவது ஒரு சிறந்த உத்தி. அமெரிக்காவிலிருந்து முதல் முறையாக 47,000 டன் யூரியாவை அதிக அளவில் இறக்குமதி செய்தோம். இப்போது, சர்வதேச தள்ளுபடி விலையில் ரஷ்யாவிலிருந்து அதிக பாஸ்பேட் (நாட்டின் இரண்டாவது அதிக நுகர்வு உரம்) இறக்குமதி செய்கிறோம்”என்று தொழில்துறை வட்டாரங்கள் தி இந்தியன் எக்ஸ்பிரஸிடம் தெரிவித்தன.

ஏப்ரல்-ஜூலைக்கான மொத்த இறக்குமதி வரத்து 9.5-9.8 லட்சம் டன்னாக கணிக்கப்பட்டுள்ளது. அதில், தோராயமாக 3.5 லட்சம் டன் PhosAgro வழங்கும், Ma’den மற்றும் SABIC இன் பங்கு 2.8 லட்சம் டன், YUC இன் பங்கு 1.27 லட்சம் டன் மற்றும் OCP இன் 1.03 லட்சம் டன் ஆகும்.

இந்தியா, 2021-22ல் (ஏப்ரல்-மார்ச்), 4,007.50 மில்லியன் டாலர் மதிப்பில் 58.60 லட்சம் டன் இறக்குமதி செய்தது.

ரஷ்யாவிலிருந்து இறக்குமதி செய்வது பொருளாதாரத் தடைகளிலிருந்து சிக்கல்களை ஏற்படுத்தியுள்ளது, இது பணம் செலுத்துவதற்கான “புதுமையான முறைகளை” கட்டாயப்படுத்துகிறது.

“இறக்குமதியாளர்களின் சார்பாக கடன் கடிதங்களை பெற வங்கிகள் தயாராக இல்லாததால், இந்த விஷயத்தில் ஆபத்தை விற்பனையாளர் (PhosAgro) ஏற்க வேண்டியிருந்தது.

சரக்கு புறப்பட்ட 7-10 நாட்களுக்குப் பிறகு, தேவையான ஆவணங்களை  சமர்ப்பிதன் மூலம், விற்பனையாளரின் கணக்கிற்கு தந்தி பரிமாற்றம் மூலம் பணம் செலுத்தப்பட்டது என்று ஆதாரங்கள் விளக்கின. ரஷ்யாவின் பால்டிக் கடல் துறைமுகங்களில் இருந்து மொத்த பயண நேரம் 25-30 நாட்கள் ஆகும்.

“காரிஃப் பருவத்திற்கான விதைப்பு ஆரம்பமாகி, ஜூலையில் உச்சத்தைத் தொடும் போது, ​​சரியான நேரத்தில் இறக்குமதிகள் வந்துள்ளன” என்று ஆதாரங்கள் மேலும் தெரிவித்தன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest India news download Indian Express Tamil App.

Web Title: India has imported near 4 lakh tonnes dap fertiliser from russia