ரூ.1,306 கோடிக்கு தேர்தல் பத்திரங்கள்- இந்தியாவின் அந்த 10 முன்னணி வணிக நிறுவனங்கள் எது?

பஜாஜ், பிர்லாஸ் மற்றும் மஹிந்திரா உள்ளிட்ட இந்தியாவின் பத்து முன்னணி வணிகக் குழுக்களைச் சேர்ந்த நிறுவனங்கள், 1,306 கோடி ரூபாய் மதிப்பிலான தேர்தல் பத்திரங்களை வாங்கியுள்ளன என்று இந்திய தேர்தல் ஆணையம் வியாழக்கிழமை வெளியிட்ட தரவுகள் தெரிவிக்கின்றன.

இவற்றில் சில நிறுவனங்கள் மட்டுமே பெஞ்ச்மார்க் நிஃப்டி-50 குறியீட்டில் உள்ளன – அதாவது 20 ஆயிரம் கோடிக்கு மேல் சந்தை மூலதனம் கொண்ட பெரிய நிறுவனங்கள்.

மொத்தத்தில், நிஃப்டி-50 நிறுவனங்களில், 15 நிறுவனங்கள் மட்டுமே ரூ.520 கோடி மதிப்புள்ள தேர்தல் பத்திரங்களை வாங்கியுள்ளன, இதில் பார்தி ஏர்டெல் ரூ.198 கோடியுடன் முன்னணியில் உள்ளது.

375 கோடி மதிப்பிலான தேர்தல் பத்திரங்களை வாங்கிய அனில் அகர்வாலின் வேதாந்தா குழுமம், முன்னணி நிறுவனங்களில் முதலிடத்தில் உள்ளது என்று இந்திய தேர்தல் ஆணையம் தரவு காட்டுகிறது.

பஜாஜ் குழும நிறுவனங்கள் ரூ.48 கோடி மதிப்புள்ள தேர்தல் பத்திரங்களை வாங்கியுள்ளன. ராஜீவ் பஜாஜால் நிர்வகிக்கப்படும் பஜாஜ் ஆட்டோ 18 கோடி ரூபாய் மதிப்பிலான பத்திரங்களை வாங்கியது, பஜாஜ் ஃபைனான்ஸ் 20 கோடி ரூபாய் மதிப்பிலான பத்திரங்களை வாங்கியது.

பஜாஜ் ஹோல்டிங்ஸ் ரூ.10 கோடி மதிப்புள்ள தேர்தல் பத்திரங்களை வாங்கியதாக பதிவு செய்யப்பட்டுள்ளது. ராஜீவ் பஜாஜின் சகோதரர் சஞ்சீவ் பஜாஜ் ஃபைனான்ஸ் நிறுவனத்தின் தலைவர் மற்றும் பஜாஜ் ஹோல்டிங்ஸின் எம்.டி.

குமார் மங்கலம் பிர்லா தலைமையிலான ஆதித்யா பிர்லா குழுமம் அல்ட்ராடெக் சிமெண்ட் மூலம் ரூ.35 கோடி, கிராசிம் மூலம் ரூ.33 கோடி உட்பட ரூ.175 கோடி மதிப்புள்ள பத்திரங்களை வாங்கியது. பிர்லா எஸ்டேட் பிரைவேட் லிமிடெட் நிறுவனம் ரூ.2 கோடி மதிப்பிலான பத்திரங்களை வாங்கியது, பிர்லா கார்பன் ரூ.105 கோடிக்கு வாங்கியது.

சுனில் மிட்டலின் பார்தி ஏர்டெல் குழுமம் 247 கோடி ரூபாய் மதிப்பிலான பத்திரங்களை வாங்கியது, அதில் பார்தி ஏர்டெல் நிறுவனம் 198 கோடி ரூபாய் மதிப்பிலான பத்திரங்களை வாங்கியது.

குடும்ப உறுப்பினர்களால் தனித்தனியாக நிர்வகிக்கப்படும் ஐந்து ஜிண்டால் நிறுவனங்களின் பங்கு ரூ.195 கோடி. இதில் ஜிண்டால் ஸ்டீல் நிறுவனம் ரூ.123 கோடி மதிப்பிலான பத்திரங்களையும், ஜிண்டால் நிறுவனமான ஜிண்டால் ஹவுஸ் ரூ.10 கோடியையும் செலவிட்டுள்ளது.

ஆனந்த் மஹிந்திரா தலைமையிலான மஹிந்திரா குழுமம், 26 கோடி ரூபாய் மதிப்பிலான பத்திரங்களை வாங்கியது.

ரியல் எஸ்டேட் நிறுவனமான டிஎல்எஃப் ரூ.160 கோடிக்கு பத்திரங்களை வாங்கியது. DLF Commercial Developers Ltd மூலம் ரூ.130 கோடிக்கு பத்திரங்களை வாங்கியது. Piramals பத்திரங்களுக்கு 48 கோடி ரூபாய் செலவிட்டுள்ளனர்.

இரண்டு டிவிஎஸ் நிறுவனங்கள் ரூ.26 கோடி மதிப்பிலான பத்திரங்களை வாங்கியுள்ளன, ITC ரூ.6.55 கோடிக்கு பத்திரங்களை வாங்கியது.

இதற்கிடையில், ஹிந்துஸ்தான் யூனிலீவர் மற்றும் நெஸ்லே போன்ற பன்னாட்டு நிறுவனங்களின் பெயர்கள் பட்டியலில் இடம் பெறவில்லை.

ஏப்ரல் 1, 2019 முதல் பிப்ரவரி 15, 2024 வரை இந்தத் திட்டத்தின் கீழ் நன்கொடையாக அளிக்கப்பட்ட மொத்தத் தொகை ரூ. 12,156 கோடியாகும், இதில் கிட்டத்தட்ட பாதி முதல் 20 நன்கொடையாளர்களிடமிருந்து மட்டுமே வந்துள்ளது என்று இந்திய தேர்தல் ஆணையத்துக்கு SBI வழங்கிய தரவு காட்டுகிறது.

Read in English: India Inc’s 10 big groups purchased electoral bonds worth Rs 1,306 crore

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“