8 ஆண்டுகளுக்குப் பிறகு ஐ.நா பாதுகாப்பு கவுன்சிலில் நிரந்தரமற்ற உறுப்பினராக இந்தியா தேர்வு

193 உறுப்பினர்களைக் கொண்ட ஐக்கிய நாடுகள் பொதுச் சபையில் 184 வாக்குகளைப் பெற்று 2 ஆண்டிற்கு, ஐ.நா.பாதுகாப்புக் குழுவின் உறுப்பினராக இந்தியா தேர்ந்தெடுக்கப்பட்டது.

21 குண்டுகள் முழங்க ராணுவ வீரர் பழனியின் உடல் நல்லடக்கம்

இந்தியாவுடன் அயர்லாந்து, மெக்ஸிகோ மற்றும் நார்வே ஆகிய நாடுகளும் புதன்கிழமை நடைபெற்ற பாதுகாப்பு கவுன்சில் தேர்தலில் வெற்றி பெற்றன.

மொத்தம்192 உறுப்பு நாடுகளில் தேவையான 2/3 பங்காக, பெரும்பான்மைக்கு 128  வாக்குகள் தேவை. அதில் இந்தியா 184 வாக்குகளைப் பெற்றது. கனடா இந்தத் தேர்தலில் தோல்வியடைந்தது.

"உறுப்பு நாடுகள் 2021-22 காலத்திற்கான பாதுகாப்பு கவுன்சிலின் நிரந்தரமற்ற இடத்திற்கு இந்தியாவை தேர்ந்தெடுத்தன. வாக்களிக்கப்பட்ட 192 சரியான வாக்குகளில், இந்தியாவுக்கு 184 கிடைத்தது” என ஐ.நா ட்வீட் செய்திருந்தது.

சீனா, பிரான்ஸ், ரஷ்யா, இங்கிலாந்து மற்றும் அமெரிக்கா ஆகிய ஐந்து நிரந்தர உறுப்பினர்களுடனும், நிரந்தரமற்ற உறுப்பினர்களான எஸ்டோனியா, நைஜர், செயிண்ட் வின்சென்ட், துனிசியா, வியட்நாம் மற்றும் கிரெனடைன்ஸுடனும் ஜனவரி 1 ஆம் தேதி தொடங்கி இரண்டு ஆண்டுகளுக்கு இந்தியா மிகவும் சக்திவாய்ந்த ஐ.நா-வில் சீட்டை பகிர்ந்துக் கொள்ளும்.

இந்தியாவின் வேட்பு மனு கடந்த ஆண்டு ஜூன் மாதம் சீனா மற்றும் பாகிஸ்தான் உள்ளிட்ட 55 உறுப்பினர்களை கொண்ட ஆசிய பசிபிக் குழுவால் ஒருமனதாக ஒப்புக்கொள்ளப்பட்டது. முன்னதாக, 1950-1951, 1967-1968, 1972-1973, 1977-1978, 1984-1985, 1991-1992 மற்றும் மிக சமீபத்தில் 2011-2012 ஆம் ஆண்டுகளில் இந்தியா, ஐக்கிய நாடுகள் சபையின் நிரந்தரமற்ற உறுப்பினராக தேர்ந்தெடுக்கப்பட்டது. தற்போது 8 ஆண்டுகள் கழித்து மீண்டும் நிரந்தரமற்ற உறுப்பினராக தேர்ந்தெடுக்கப்பட்டுள்ளது.

ஐ.நா பொதுச் சபையின் 75-வது அமர்வின் தலைவராக துருக்கிய தூதரும் அரசியல்வாதியுமான வோல்கன் போஸ்கிர் தேர்ந்தெடுக்கப்பட்டார். அவர் மேற்கு ஐரோப்பிய மற்றும் பிற மாநிலங்களில் இருந்து ஒப்புதல் பெற்ற வேட்பாளராக இருந்தார்.

தேர்தல்கள் புதன்கிழமை காலை 9 மணிக்குத் தொடங்கின. முந்தைய ஆண்டுகளில் பரந்த பொதுச் சபை மண்டபம், ஐ.நா. தூதர்கள், இராஜதந்திரிகள் மற்றும் ஊழியர்களால் வாக்குச்சீட்டின் போது நிரம்பி வழியும். ஆனால் இந்த ஆண்டு யு.என்.ஜி.ஏ மண்டபம், கோவிட் -19 தொடர்பான கட்டுப்பாடுகள் காரணமாக கூட்டம் குறைவாகவே இருந்தது.

ஐ.நா தூதர்கள், ஊழியர்கள் மற்றும் பிற பணியாளர்கள் முக கவசம் அணிந்து பொது சபை மண்டபத்திற்கு வந்து, உடனடியாக தங்கள் வாக்கை செலுத்திவிட்டு அந்த இடத்தை விட்டு வெளியேறினர். கொரோனா வைரஸ் தொற்றுநோய் காரணமாக சமூக விலகலை கடைப்பிடிப்பதால், 193 ஐ.நா. உறுப்பு நாடுகளுக்கு முக்கியமான தேர்தல்களுக்கான பொதுச் சபை மண்டபத்தில் வாக்களிக்க, வெவ்வேறு நேர இடங்கள் ஒதுக்கப்பட்டன.

சமூக தொலைதூர வழிகாட்டுதல்களைக் கடைப்பிடித்து, காலை 9 மணிக்குத் தொடங்கி, வாக்குப்பதிவு செய்ய உறுப்பு நாடுகளுக்கு எட்டு நேர இடங்கள் ஒதுக்கப்பட்டன. குறிப்பிட்ட நேர இடைவெளியில் GA மண்டபத்தை பார்வையிட முடியாத வாக்காளர்களுக்கு, கூடுதல் 30 நிமிட நேர இடத்துடன் மதியம் வாக்களிப்பு தொடர்ந்தது. இந்தியா தனது வாக்குச்சீட்டைப் போடுவதற்கான நேரம் காலை 11:30 மணி முதல் 12 மணி வரை ஒதுக்கப்பட்டது.

ஐ.நா தூதருக்கான இந்தியாவின் நிரந்தர பிரதிநிதி டி.எஸ்.திருமூர்த்தி, ”பாதுகாப்பு கவுன்சிலில் இந்தியாவின் இருப்பு அதன் 'வசுதைவ குடும்பகம்' என்ற நெறிமுறைகளை உலகிற்கு கொண்டு வர உதவும்” என்று கூறியிருந்தார். ஏனெனில் சமகால யதார்த்தங்களை பிரதிபலிக்க ஐக்கிய நாடுகள் சபையும் பன்முகத்தன்மையும் மாற வேண்டும் என்பதை அவர் அடிக்கோடிட்டுக் காட்டுகிறார். உலக அமைப்பு இந்த ஆண்டு தனது 75-வது ஆண்டு நிறைவைக் குறிப்பதால் அனைவரும் நம்பகத்தன்மையுடன் இருங்கள் என்றார்.

சென்னையில் முழு வீச்சில் சித்த மருத்துவம்: மாநகராட்சி இன்று முக்கிய முடிவு

பாதுகாப்பு சபையை சீர்திருத்துவதற்கு பல ஆண்டுகளாக மேற்கொள்ளப்பட்ட முயற்சிகளில், இந்தியா முன்னணியில் உள்ளது. இது சபையின் நிரந்தர உறுப்பினராக ஒரு இடத்திற்கு தகுதியானது என்று கூறி, அதன் தற்போதைய வடிவத்தில் 21-ஆம் நூற்றாண்டின் புவி-அரசியல் யதார்த்தங்களை பிரதிநிதித்துவப்படுத்தவில்லை.

இதனை ஆங்கிலத்தில் படிக்க India elected non-permanent member of UN Security Council

“அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil இந்த இணைப்பை க்ளிக் செய்யவும்”