scorecardresearch

முகமது நபி பற்றி சர்ச்சை: அரபு நாடுகள் கருத்துக்கு இந்தியா பதில்

நபிகள் நாயகம் குறித்த சர்ச்சை கருத்து விவகாரம்; அரபு நாடுகளில் வலுக்கும் எதிர்ப்பு; ஓ.ஐ.சி-யின் கருத்துக்கள் குறுகிய மனப்பான்மை கொண்டவை என இந்தியா விமர்சனம்

Krishn Kaushik 

Remarks on Prophet Mohammad: As criticism grows, India rejects OIC’s comments as ‘narrow-minded’: சவூதி அரேபியா, ஆப்கானிஸ்தான் மற்றும் இஸ்லாமிய ஒத்துழைப்பு அமைப்பு (OIC) வெளியிட்ட அறிக்கைகளுடன், தற்போது இடைநீக்கம் செய்யப்பட்ட அல்லது வெளியேற்றப்பட்ட பாஜக செய்தித் தொடர்பாளர்களான நூபுர் ஷர்மா மற்றும் நவீன் குமார் ஜிண்டால் ஆகியோரின் கருத்துக்களுக்கு எதிராக இஸ்லாமிய உலகில் இருந்து விமர்சனங்கள் குவிந்துள்ள நிலையில், OIC யின் கருத்துகளை இந்தியா “தேவையற்றது மற்றும் குறுகிய மனப்பான்மை கொண்டது” என்று நிராகரித்தது மற்றும் சிறுபான்மையினர் விவகாரத்தில் பாகிஸ்தானின் நிலைப்பாட்டை சுட்டிக்காட்டி, பாகிஸ்தானின் விமர்சனம் முரண்பாடாக இருப்பதாகவும் இந்தியா கூறியுள்ளது.

பாகிஸ்தான் மற்ற மூன்று இஸ்லாமிய நாடுகளுடன் இணைந்து இந்திய தூதரை வரவழைத்து அவர்களின் அதிருப்தியை வெளிப்படுத்தியது. பஹ்ரைனும் இந்த சர்ச்சை குறித்து கருத்து தெரிவித்தது, ஆனால் பா.ஜ.க அதன் இரு செய்தித் தொடர்பாளர்களுக்கு எதிராக எடுத்த நடவடிக்கையை பாராட்டியது.

இந்திய அரசாங்கம் இந்த விமர்சனங்கள் எதற்கும் பகிரங்கமாக பதிலளிப்பதைத் தவிர்த்துவிட்டாலும், OIC தெரிவித்த கருத்துக்களுக்கு பதிலளித்தது. 57 நாடுகளின் ஜெட்டாவை தளமாகக் கொண்ட OIC அமைப்பின் தலைமைச் செயலகம், இந்தியாவின் ஆளும் கட்சியின் செய்தித் தொடர்பாளர்களால் “முகமது நபி துஷ்பிரயோகம் செய்யப்பட்டதை” கடுமையாகக் கண்டித்தது.

OIC ஞாயிற்றுக்கிழமை ஒரு அறிக்கையில் “ஆளும் கட்சியில் உள்ள ஒரு செய்தித் தொடர்பாளரால் சமீபத்தில் வெளியிடப்பட்ட அவமதிப்புகளுக்கு கடுமையான கண்டனத்தையும் அதிருப்தியையும்” வெளிப்படுத்தியது. மேலும், “இந்த துஷ்பிரயோகங்கள் இந்தியாவில் இஸ்லாத்தின் மீதான வெறுப்பு மற்றும் துஷ்பிரயோகம் மற்றும் முஸ்லிம்களுக்கு எதிரான அரசின் அடக்குமுறைகள் மற்றும் அவர்கள் மீதான கட்டுப்பாடுகளின் பின்னணியில் வருகின்றன, குறிப்பாக பல இந்திய மாநிலங்களில் கல்வி நிறுவனங்களில் ஹிஜாப் அணிவதைத் தடைசெய்து, முஸ்லிம்களின் சொத்துக்களை இடிப்பது போன்ற தொடர் முடிவுகளின் வெளிச்சத்தில், முஸ்லீம்களுக்கு எதிரான வன்முறைகள் அதிகரித்து வருகின்றன.” என்றும் அறிக்கையில் குறிப்பிடப்பட்டுள்ளது.

OIC அறிக்கை தொடர்பான ஊடகங்களின் கேள்விகளுக்கு பதிலளித்த வெளியுறவுத்துறை அமைச்சக செய்தித் தொடர்பாளர் அரிந்தம் பாக்சி ஒரு அறிக்கையில், “இஸ்லாமிய ஒத்துழைப்பு அமைப்பின் (OIC) தலைமைச் செயலகத்தில் இருந்து இந்தியா குறித்த அறிக்கையை நாங்கள் பார்த்தோம். OIC செயலகத்தின் தேவையற்ற மற்றும் குறுகிய எண்ணம் கொண்ட கருத்துக்களை இந்திய அரசு திட்டவட்டமாக நிராகரிக்கிறது.” என்று கூறினார்.

இந்திய அரசாங்கம் “அனைத்து மதங்களுக்கும் மிக உயர்ந்த மரியாதை அளிக்கிறது” என்று அரிந்தம் பாக்சி கூறினார். மேலும், “ஒரு மத ஆளுமையை இழிவுபடுத்தும் ட்வீட்கள் மற்றும் கருத்துக்கள் சில நபர்களால் செய்யப்பட்டது.” அவை எந்த வகையிலும் இந்திய அரசின் கருத்துக்களைப் பிரதிபலிக்கவில்லை. சம்பந்தப்பட்ட அமைப்புகளால் அந்த நபர்கள் மீது ஏற்கனவே கடுமையான நடவடிக்கை எடுக்கப்பட்டுள்ளது என்றும் அவர் குறிப்பிட்டுள்ளார்.

மேலும், “OIC செயலகம் மீண்டும் தூண்டும் வகையிலும், தவறாக வழிநடத்தும் மற்றும் விஷமத்தனமான கருத்துக்களை வெளியிடத் தேர்ந்தெடுத்திருப்பது வருந்தத்தக்கது.” இது சொந்த நலன்களின் தூண்டுதலின் பேரில் அதன் பிளவுபடுத்தும் நிகழ்ச்சி நிரலை மட்டுமே அம்பலப்படுத்துகிறது என்றும் அவர் கூறினார். மேலும், OIC செயலகம் “அதன் வகுப்புவாத அணுகுமுறையை பின்பற்றுவதை நிறுத்தவும் மற்றும் அனைத்து நம்பிக்கைகள் மற்றும் மதங்களுக்கு உரிய மரியாதை காட்டவும்” அவர் வலியுறுத்தினார்.

பாகிஸ்தான் பிரதமர் ஷெபாஸ் ஷெரீப் பா.ஜ.க செய்தித் தொடர்பாளர்களின் கருத்துக்களை விமர்சித்த ஒரு நாளுக்குப் பிறகு, அதன் வெளியுறவு அமைச்சகம், அந்நாட்டில் உள்ள இந்தியாவின் உயர்மட்ட தூதரக அதிகாரியான இந்தியாவின் பொறுப்பாளர்களை வரவழைத்து, இந்தியாவின் ஆளும் கட்சியான பா.ஜ.க.,வின் இரண்டு மூத்த செய்தித் தொடர்பாளர்கள் புனித நபிகள் நாயகம் அவர்களைப் பற்றி கூறியுள்ள மிகவும் இழிவான கருத்துகளை பாகிஸ்தான் அரசாங்கம் முற்றிலும் நிராகரிப்பதாகவும், கடும் கண்டனத்தை வெளிப்படுத்துவதாகவும் தெரிவித்துள்ளது.

பாகிஸ்தான் வெளியுறவு அமைச்சகம், “இந்த கருத்துக்கள் முற்றிலும் ஏற்றுக்கொள்ள முடியாதவை என்றும், பாகிஸ்தான் மக்களின் உணர்வுகளை மட்டுமல்ல, உலகம் முழுவதும் உள்ள முஸ்லிம்களின் உணர்வுகளை ஆழமாக காயப்படுத்தியதாகவும் இந்திய தூதரிடம் கூறப்பட்டது” என்று கூறியுள்ளது. “முஸ்லிம்களுக்கு ஏற்பட்ட வலியைத் தணிக்க முடியாது, மேற்கூறிய செய்தித் தொடர்பாளர்களுக்கு எதிராக பா.ஜ.க அரசாங்கம் எடுத்த காலதாமதமான மற்றும் சரியான ஒழுங்கு நடவடிக்கைகளுக்கு பாகிஸ்தான் கண்டனம் தெரிவிக்கிறது” என்றும் இந்திய தூதரிடம் கூறப்பட்டுள்ளது. “இந்தியாவில் முஸ்லிம்களுக்கு எதிரான வகுப்புவாத வன்முறை மற்றும் வெறுப்பு அபாயகரமாக அதிகரித்து வருகிறது” என்றும் அந்த அறிக்கை வெளிப்படுத்தியது.

“ஐக்கிய நாடுகள் சபை மற்றும் OIC உட்பட சர்வதேச சமூகத்தை, குறிப்பாக அவர்களின் மனித உரிமைகள் அமைப்புகளை, இந்தியாவில் ஆபத்தான முறையில் அதிகரித்து வரும் ‘இந்துத்துவா’ தூண்டுதலால் இஸ்லாமோஃபோபியாவைத் தடுத்து நிறுத்தவும், நாட்டில் சிறுபான்மையினருக்கு எதிரான அமைப்பு ரீதியிலான மனித உரிமை மீறல்களைத் தடுக்க இந்திய அதிகாரிகளிடம் வலியுறுத்தவும் பாகிஸ்தான் அழைப்பு விடுக்கிறது.” என்றும் பாகிஸ்தான் வெளியுறவு அமைச்சகம் தெரிவித்துள்ளது.

திங்களன்று இந்த அறிக்கைக்கு பதிலளித்த அரிந்தம் பாக்சி, “சிறுபான்மையினர் உரிமைகளை மீறும் ஒருவர் மற்றொரு நாட்டில் சிறுபான்மையினரை நடத்துவது குறித்து கருத்து தெரிவிக்கும் அபத்தம் இது. பாகிஸ்தானில் இந்துக்கள், சீக்கியர்கள், கிறிஸ்தவர்கள் மற்றும் அகமதியாக்கள் உள்ளிட்ட சிறுபான்மையினரின் அமைப்பு ரீதியிலான துன்புறுத்தலுக்கு உலகம் சாட்சியாக உள்ளது. இந்திய அரசாங்கம் “அனைத்து மதங்களுக்கும் மிக உயர்ந்த மரியாதை அளிக்கிறது” என்றும், இது “வெறியர்களைப் புகழ்ந்து, அவர்களின் நினைவாக நினைவுச்சின்னங்கள் கட்டப்படுகின்ற பாகிஸ்தானைப் போல் இல்லை.” என்றும் அவர் மீண்டும் கூறினார்.

“இந்தியாவில் வகுப்புவாத ஒற்றுமையைத் தூண்ட முயற்சிக்கும், அச்சமூட்டும் பிரச்சாரத்தில் ஈடுபடுவதற்கு பதிலாக, பாகிஸ்தான் தனது சிறுபான்மை சமூகங்களின் பாதுகாப்பு மற்றும் நல்வாழ்வில் கவனம் செலுத்த வேண்டும் என்று நாங்கள் அழைப்பு விடுக்கிறோம்,” என்றும் அரிந்தம் பாக்சி கூறினார்.

ஞாயிற்றுக்கிழமை, வளைகுடா பிராந்தியத்தில் பல தசாப்தங்களாக இந்தியாவுடன் நெருங்கிய உறவுகளைக் கொண்ட மூன்று நாடுகளான கத்தார், குவைத் மற்றும் ஈரான் ஆகியவை கடந்த வாரத்தில் நூபுர் ஷர்மா மற்றும் ஜிண்டால் ஆகியோர் முகமது நபியைப் பற்றி தெரிவித்த அவதூறான கருத்துக்களுக்கு எதிராக தங்கள் எதிர்ப்பைப் பதிவு செய்ய தங்கள் நாடுகளுக்கான இந்திய தூதர்களை அழைத்தன. துணை ஜனாதிபதி வெங்கையா நாயுடு மூன்று நாள் அரசுமுறைப் பயணமாக கத்தார் சென்றிருந்த நேரத்தில் இது நடந்தது.

அரபு உலகின் மிக முக்கியமான குரல்களில் ஒன்றான சவூதி அரேபியாவும் ஞாயிற்றுக்கிழமை மாலை ஒரு அறிக்கையை வெளியிட்டது, ஆனால் வளைகுடா பிராந்தியத்தில் இருந்து மற்ற மூன்று நாடுகளைப் போல இதைவைத்து அரசியல் செய்யும் அளவிற்கு செல்லவில்லை. அதன் வெளியுறவு அமைச்சகம், “இந்திய பாரதிய ஜனதா கட்சியின் செய்தித் தொடர்பாளர் முகமது நபியை அவமதிக்கும் வகையில் கூறியுள்ள அறிக்கைகளுக்கு எங்களது கண்டனத்தையும் அதிருப்தியையும் தெரிவித்துக்கொள்கிறோம்” என்று தெரிவித்துள்ளது.

தலிபான்களால் ஆளப்படும் ஆப்கானிஸ்தான் அரசாங்கமும் இந்த விவகாரத்தில் இணைந்தது, இது ஒரு அறிக்கையில், “பா.ஜ.க செய்தித் தொடர்பாளர்கள் இஸ்லாம் நபி அவர்களுக்கு எதிராக இழிவான வார்த்தைகளைப் பயன்படுத்துவதை ஆப்கானிஸ்தானின் இஸ்லாமிய எமிரேட் கடுமையாகக் கண்டிக்கிறது,” மற்றும் “இஸ்லாத்தின் புனித மதத்தை அவமதிக்கவும், முஸ்லிம்களின் உணர்வுகளைத் தூண்டவும் இதுபோன்ற வெறியர்களை இந்தியா அனுமதிக்கக்கூடாது” என்று இந்திய அரசாங்கத்திடம் வலியுறுத்தியது.

கத்தாரில் உள்ள இந்திய தூதரகம், பா.ஜ.க செய்தி தொடர்பாளர்களின் அறிக்கைகள் “எந்த வகையிலும் இந்திய அரசின் கருத்துக்களை பிரதிபலிக்கவில்லை” என்றும், இவை தூண்டுதல் சக்திகளின் கருத்துக்கள் என்றும் கத்தார் அரசாங்கத்திடம் அதன் தூதர் ஞாயிற்றுக்கிழமை கூறியதாகக் குறிப்பிட்டுள்ளது.” எவ்வாறாயினும், கத்தார் மற்றும் குவைத் இரண்டும் இந்த அறிக்கைகளுக்கு பகிரங்க மன்னிப்பு கேட்க வேண்டும் என்று வலியுறுத்தியுள்ளன.

பஹ்ரைனின் வெளியுறவு அமைச்சகம் திங்களன்று வெளியிட்ட அறிக்கையில், “முஹம்மது நபிக்கு எதிரான எந்தவொரு கண்டிக்கத்தக்க அவதூறுகளையும் முஸ்லிம்களின் உணர்வுகளைத் தூண்டும் மற்றும் மத வெறுப்பைத் தூண்டும் வகையிலான பேச்சுக்களையும் கண்டிக்க வேண்டியதன் அவசியத்தை வலியுறுத்துகிறோம், இந்த விஷயத்தில், கட்சியின் செய்தித் தொடர்பாளரை இடைநீக்கம் செய்த பா.ஜ.க.,வின் முடிவை “வரவேற்கிறோம்” என்று கூறியது”. “அனைத்து மத நம்பிக்கைகள், சின்னங்கள் மற்றும் ஆளுமைகளை மதிப்பதன் முக்கியத்துவத்தையும், மதங்கள் மற்றும் நாகரிகங்களுக்கிடையில் மிதமான, சகிப்புத்தன்மை மற்றும் உரையாடல் ஆகியவற்றின் மதிப்புகளை பரப்புவதற்கும், மதவெறி அல்லது இன வெறுப்பு மூலம் தேசத்துரோகம் மற்றும் மதத்திற்கு ஊட்டமளிக்கும் தீவிரவாத கருத்துக்களை எதிர்கொள்வதற்கும் சர்வதேச சமூகத்தின் ஒருங்கிணைந்த முயற்சிகளை வலியுறுத்துகிறோம்.” என்றும் அறிக்கையில் கூறியுள்ளது.

OIC இந்திய அதிகாரிகளை “இந்த துஷ்பிரயோகங்களை உறுதியுடன் எதிர்கொள்ள” மற்றும் “முஸ்லீம்களுக்கு எதிரான வன்முறை மற்றும் வெறுப்பு குற்றங்களை தூண்டுபவர்கள், சம்பந்தப்பட்டவர்கள் மற்றும் குற்றவாளிகளை நீதியின் முன் கொண்டு வரவும், அவர்களுக்குப் பின்னால் உள்ள தரப்பினரை பொறுப்புக்கூறவும்” மற்றும் “பாதுகாப்பை உறுதிப்படுத்தவும்” கேட்டுக் கொண்டது. இந்தியாவில் உள்ள முஸ்லீம் சமூகத்தின் பாதுகாப்பு மற்றும் நல்வாழ்வு மற்றும் அதன் உரிமைகள், மத மற்றும் கலாச்சார அடையாளம், கண்ணியம் மற்றும் வழிபாட்டுத் தலங்களைப் பாதுகாத்தல் ஆகியவற்றையும் உறுதிபடுத்த வலியுறுத்தியது.

மேலும், “சர்வதேச சமூகம், குறிப்பாக ஐக்கிய நாடுகள் சபையின் வழிமுறைகள் மற்றும் மனித உரிமைகள் கவுன்சிலின் சிறப்பு நடைமுறைகள், இந்தியாவில் உள்ள முஸ்லிம்களை குறிவைக்கும் நடைமுறைகளைத் தீர்க்க தேவையான நடவடிக்கைகளை எடுக்க வேண்டும்” என்றும் அது கேட்டுக்கொண்டது.

இதையும் படியுங்கள்: யார் இந்த நூபுர் ஷர்மா? பா.ஜ.க.,வில் இருந்து சஸ்பெண்ட் செய்யப்பட்டது ஏன்?

OIC யின் எந்தவொரு விமர்சனத்திற்கும் இந்தியா அடிக்கடி கூர்மையாக பதிலளித்து வருகிறது, ஏனெனில் அதன் பெரும்பகுதி பாகிஸ்தானால் திட்டமிடப்பட்டதாக உணர்கிறது, இதனால் அதன் பதிலில் “விருப்ப நலன்கள்” பற்றிய மெல்லிய மறைமுக குறிப்பு உள்ளது. மிக சமீபத்தில், பிப்ரவரியில் கர்நாடகாவில் உள்ள சில பள்ளிகள் மற்றும் கல்லூரிகளில் பெண் முஸ்லிம் மாணவிகள் ஹிஜாப் அணிய அனுமதிக்கப்படவில்லை என்ற சர்ச்சையில் “தேவையான நடவடிக்கைகளை” எடுக்குமாறு OIC ஐ.நா மனித உரிமைகள் கவுன்சிலுக்கு அழைப்பு விடுத்தபோது இந்தியாவும் இதேபோல் பதிலளித்தது.

ஞாயிற்றுக்கிழமை, பா.ஜ.க நூபுர் ஷர்மாவை இடைநீக்கம் செய்தது மற்றும் ஜிண்டாலை வெளியேற்றியது, வார இறுதியில் அவர்களின் கருத்துகளுக்கு எதிராக அரபு நாடுகளில் இருந்து விமர்சனங்கள் அதிகரித்தன. வளைகுடா பிராந்தியத்தின் பல பகுதிகளில் இந்திய தயாரிப்புகளை புறக்கணிக்க பல அழைப்புகள் வந்தன, மேலும் இந்திய அரசாங்கத்தையும் பிரதமர் நரேந்திர மோடியையும் விமர்சிக்கும் ஹேஷ்டேக்குகள் பல நாடுகளில் சமூக ஊடகங்களில் ட்ரெண்டிங்கில் இருந்தன.

இப்பகுதி இந்தியாவின் நெருங்கிய கூட்டணி மற்றும் நட்பு நாடுகளின் தாயகமாக உள்ளது, மேலும் இந்தியாவும் அதன் கச்சா எண்ணெய் மற்றும் எரிவாயு தேவைகளுக்கு அந்த நாடுகளைச் சார்ந்துள்ளது. வளைகுடா பிராந்தியத்தில் சுமார் 6.5 மில்லியன் இந்தியர்கள் வாழ்கின்றனர், அந்த நாடுகளில் பலவற்றில் அவர்கள் மிகப்பெரிய வெளிநாட்டவர் சமூகமாக மாறி வருகின்றனர்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest India news download Indian Express Tamil App.

Web Title: India reponds oic comments remarks against prophet bjp nupur sharma

Best of Express