இந்த வேலை செய்து சாகவா நான் இங்கு வந்தேன்? தவறான செலக்ஷன், திறமையின்மையால் இஸ்ரேலில் அவதியுறும் இந்தியர்கள்

*உத்தர பிரதேசம் ஜான்பூரைச் சேர்ந்த கொத்தனார் சோட் லால் பிந்த் (42), லக்னோவில் 15 நிமிட ப்ளாஸ்டெரிங் தேர்வில் தேர்ச்சி பெற்ற பிறகு கட்டுமானப் பணிக்காக ஜூலை மாதம் இஸ்ரேல் சென்றடைந்தார்.

சீன போர்மேனுடன் ஏற்பட்ட வாக்குவாதத்தைத் தொடர்ந்து 12 நாட்களுக்குப் பிறகு அவர் பணிநீக்கம் செய்யப்பட்டார். ஜெருசலேம் அருகே உள்ள காஸ்மெடிக்ஸ் தொழிற்சாலையில் ஒரு மணி நேரத்திற்கு 800 ரூபாய்க்கு துப்புரவுத் தொழிலாளியாக வேலை கிடைத்தது. ஆனால் இதற்காக நான் இங்கு வரவில்லை, என்கிறார் சோட் லால்.

*உத்தர பிரதேசம் மௌவைச் சேர்ந்த வீணா நாத் குப்தா (45), லக்னோவில் நடந்த திறன் தேர்வுக்குப் பிறகு இஸ்ரேலில் கட்டுமானப் பணிக்கு தேர்ந்தெடுக்கப்பட்டார். ஏப்ரல் மாதம் அந்த  நாட்டை அடைந்த அவர் பின்னர் பல்வேறு நகரங்களுக்கு மாற்றப்பட்டார்.

"நான் இப்போது எங்கே இருக்கிறேன் என்று கூட எனக்குத் தெரியவில்லை. இது டெல் அவிவ் அருகே எங்கோ உள்ளது. சுமைகளை ஏற்றும் கூலி வேலை செய்து வருகிறேன்,'' என்றார்.

*பீகாரில் உள்ள சிவான் பகுதியைச் சேர்ந்த அம்ரேஷ் மாதேஷியா (44), தச்சுத் தொழிலாளி. லக்னோவில் திறன் தேர்வில் தேர்ச்சி பெற்று, டெல் அவிவ் அருகே எட்டு வாரங்கள் தொழிலாளியாக பணியாற்றினார்.

”மொழி ஒரு பிரச்சனையாக இருந்தது... நான் துப்புறவு தொழில் செய்தேன், சிமெண்ட் பைகள் மற்றும் இரும்பு கம்பிகளை எடுத்துச் சென்றேன். நான் கூலி வேலைகளைச் செய்து இறக்கவா வந்தேன் என்று நினைத்தேன்?” என்று கடந்த மாதம் நாடு திரும்பிய மாதேஷியா புலம்பினார்.

கடந்த ஆண்டு அக்டோபர் 7ம் தேதி ஹமாஸ் தாக்குதலை அடுத்து 100,000க்கும் மேற்பட்ட பாலஸ்தீனிய தொழிலாளர்கள் தடை செய்யப்பட்ட பிறகு, கட்டுமானத் துறையில் வேலை செய்வதற்காக இந்தியர்கள் இஸ்ரேலுக்கு அழைத்துச் செல்லப்படும் இருதரப்பு வேலை வாய்ப்புத் திட்டத்தில் அங்கு சென்ற தொழிலாளர்கள் பேசியது தான் இது…

முக்கியக் காரணம், தொழிலாளர்களின் திறன்கள் என்று வரும்போது, அதிகமாக வாக்குறுதியளிக்கப்பட்டு, குறைவாக வழங்கப்பட்ட மதிப்பீட்டு செயல்முறைக்குப் பிறகு வெளிப்படையான திறன் பொருந்தாதது, என்று தி இந்தியன் எக்ஸ்பிரஸ் நடத்திய விசாரணையில் கண்டறியப்பட்டுள்ளது.

இரு நாடுகளுக்கும் இடையிலான முக்கிய உறவுகளுக்கு சேதங்களை தவிர்க்கும் வகையில், 1.9 லட்சத்துக்கும் மேலான விலக்குக்குப் பிறகு, இந்த தொழிலாளர்களை சராசரி மாத சம்பளத்தில்- கட்டுமானம் அல்லாத துறைகளில் அல்லது தொழில்துறை வேலைகளில் மீண்டும் பணியமர்த்துவதற்கு இஸ்ரேல் முன்னோடியில்லாத நடவடிக்கையை எடுத்துள்ளது.

இந்தியன் எக்ஸ்பிரஸ் உத்தியோகபூர்வ தரவுகளை மதிப்பாய்வு செய்தது, மேலும் இஸ்ரேல் மற்றும் இந்தியாவில் தொழிலாளர் வழங்கும் மாநிலங்களில் உள்ள அதிகாரிகள், கட்டுமான அதிகாரிகள் மற்றும் திரும்பிய தொழிலாளர்கள் ஆகியோரை நேர்காணல் செய்தது.

இது திட்டமிடலுக்கும் நடைமுறைக்கும் இடையே உள்ள இடைவெளிகளைக் கண்டறிந்தது. "நெருக்கடி போன்ற" சூழ்நிலை வெளிநாட்டில் உள்ள இந்திய தொழிலாளர்களின் நற்பெயரை பாதிக்கிறது மற்றும் திட்டத்தின் தன்மையில் கேள்விக்குறியை ஏற்படுத்துகிறது.

இன்று, தொழிலாளர்களுடன் முதல் விமானம் டெல் அவிவில் தரையிறங்கிய கிட்டத்தட்ட நான்கு மாதங்களுக்குப் பிறகு, இஸ்ரேலிய நிர்வாகிகள் "திருத்தத்தின்" அவசியத்தை சுட்டிக்காட்டுகின்றனர்.

அதே நேரத்தில் இந்தியாவில் உள்ள அதிகாரிகள் " முன்னேற்றத்திற்கான இடம்" இருப்பதாக ஒப்புக்கொள்கிறார்கள். 500-600 தொழிலாளர்கள், பெரும்பாலும் அரசு வழிகளில் ஆட்சேர்ப்பு செய்யப்பட்டவர்கள், ஏற்கனவே வீடு திரும்பியிருக்கலாம் என்று மனிதவள முகமைகள் மதிப்பிடுகின்றன.

இஸ்ரேலிய தூதரகத்தின் தரவுகளின்படி, தலா 5,000 தொழிலாளர்கள், இருதரப்பு வேலை வாய்ப்புத் திட்டம் மூலம் ஆட்சேர்ப்பு செய்யப்பட்டுள்ளனர்.

தி இந்தியன் எக்ஸ்பிரஸின் கேள்விகளுக்குப் பதிலளித்த தேசிய திறன் மேம்பாட்டு கழகம் (NSDC), முதல் சுற்றில் ஆட்சேர்ப்பின் போது ஃபிரேம்வொர்க் கன்ஸ்ட்ரக்ஷன் மற்றும் அயர்ன் பெண்டிங் ஆகியவற்றிற்காக 3,000 இடங்களையும், ப்ளாஸ்டெரிங் மற்றும் செராமிக் டைலிங் செய்ய தலா 2,000 இடங்களையும் பட்டியலிட்டது.

இவர்களுக்காக, ஹரியானா, உ.பி., தெலுங்கானாவில் மூன்று சுற்று "தொழில்முறை சோதனைகள்" நடத்தப்பட்டன.

ஜி2ஜி (Government-to-Government) மூலம் இஸ்ரேலுக்குப் பயணம் செய்த 4,825 பேரில் பிந்த், குப்தா மற்றும் மாதேஷியா உட்பட மேலும் 1,276 பேர் பயணத்திற்குத் தயாராக உள்ளனர்.

இதனிடையே  முதலமைச்சர் அலுவலகம் (CMO) மூலம் இந்தியன் எக்ஸ்பிரஸ் கேட்ட கேள்விகளுக்கு பதிலளித்த ஹரியானா அரசாங்கம், எதிர்கால ஆட்சேர்ப்புக்காக சில "மேம்பாடுகளை" செய்ய முடியும் என்று ஒப்புக்கொண்டது.

கேன்டிடேட்ஸ் அடையாளம் மற்றும் முன் திறன் சோதனை, பயிற்சியின் தரப்படுத்தல் மற்றும் வெளிநாட்டு வேலை வாய்ப்பு முயற்சிகளுக்கான தனிப்பட்ட தேவைகளைப் புரிந்துகொள்வதில் தெளிவு ஆகியவை மேம்பாடுகளைக் கருத்தில் கொள்ளக்கூடிய பகுதிகளாகும். இதுவரை மாநிலத்தில் 222 பேர் தேர்ந்தெடுக்கப்பட்டுள்ளனர், சுமார் 150 பேர் தங்கள் பணியிடங்களை அடைந்தனர், என்று அது கூறியது.

Read in English: ‘Faulty’ selection, lack of skills: Showpiece Israeli job scheme for Indians begins to unravel

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“