Mahender Singh Manral
சிறைக்குள் இருந்து தன்னை துன்புறுத்துவதாகவும், மிரட்டுவதாகவும் குற்றம் சாட்டப்பட்ட மோசடி மன்னன் சுகேஷ் சந்திரசேகர் மீது டெல்லி போலீஸ் கமிஷனர் சஞ்சய் அரோராவிடம் பாலிவுட் நடிகை ஜாக்குலின் பெர்னாண்டஸ் புகார் அளித்துள்ளார்.
ஆங்கிலத்தில் படிக்க: Jacqueline Fernandez approaches Delhi Police Commissioner against Sukesh Chandrashekhar alleging harassment, threat from jail
சில நாட்களுக்கு முன்பு காவல் துறைத் தலைவருக்கு ஜாக்குலின் அனுப்பிய கடிதத்தில், வழக்கின் சாட்சிப் பாதுகாப்பில் முறையான தோல்வி: “நான் பொறுப்புள்ள குடிமகள், சட்டத்தின் ஆட்சி மற்றும் நமது "நீதித்துறை அமைப்பின் புனிதத்தன்மைக்கு நீண்டகால தாக்கங்களை ஏற்படுத்தக்கூடிய ஒரு வழக்கில் கவனக்குறைவாக சிக்கிக்கொண்டேன். சிறப்புக் குழுவால் பதிவு செய்யப்பட்ட ஒரு வழக்கில் அரசுத் தரப்பு சாட்சியாக, உளவியல் ரீதியான அழுத்தம் மற்றும் குறி வைக்கப்பட்ட மிரட்டல் தொல்லைகளுக்கு மத்தியில் நான் உங்களுக்கு எழுதுகிறேன்.”
கடந்த ஆண்டு டிசம்பரில், சுகேஷுக்கு அனுப்பப்பட்ட கடிதங்கள், செய்திகள் அல்லது அறிக்கைகளை வெளியிடுவதை உடனடியாகத் தடுக்குமாறு கோரி ஜாக்குலின் டெல்லி நீதிமன்றத்தில் மனு தாக்கல் செய்தார். சுகேஷுடன் தொடர்புடைய ரூ.200 கோடி பணமோசடி மற்றும் மிரட்டி பணம் பறித்தல் வழக்கு தொடர்பாக டெல்லி காவல்துறையின் பொருளாதார குற்றப்பிரிவு (EOW) விசாரித்து வரும் எஃப்.ஐ.ஆரில் ஜாக்குலின் சாட்சியாக உள்ளார். டிசம்பர் 17 தேதியிட்ட மனுவில், சுகேஷ் பயன்படுத்திய அச்சுறுத்தல்கள் மற்றும் மிரட்டல் தந்திரங்கள் தனக்கு கடுமையான துன்புறுத்தலை ஏற்படுத்தியதாக ஜாக்குலின் குற்றம் சாட்டினார். மேலும், நீதிமன்றத்தில் உண்மையை சொல்லக் கூடாது என மிரட்டியதாகவும் ஜாக்குலின் குற்றம் சாட்டியுள்ளார்.
பயணத்தில் இருக்கும் ஜாக்குலின், தனது அதிகாரப்பூர்வ மின்னஞ்சல் ஐ.டி.,யிலிருந்து கடிதத்தை காவல்துறைத் தலைவர் சஞ்சய் அரோரா மற்றும் காவல்துறையின் சிறப்பு ஆணையர் (குற்றப் பிரிவு) ஆகியோருக்கு அவர்களின் மின்னஞ்சல் ஐ.டி.,க்கு அனுப்பினார். கடந்த ஆண்டு டிசம்பரில் வெளியிடப்பட்ட மூன்று செய்திக் கட்டுரைகளில் ஜாக்குலின் உடன் தொடர்புடைய புகாரின் மீது முதற்கட்ட விசாரணையைத் தொடங்க சிறப்புப் பிரிவு ஒன்று கேட்கப்பட்டுள்ளது.
ஜாக்குலின் தனது கடிதத்தில், தனது பாதுகாப்பை அச்சுறுத்துவது மட்டுமல்லாமல், சட்ட செயல்முறைகளின் நேர்மையையும் பாதிக்கும் இந்த விஷயத்தில் உடனடியாக தலையிடுமாறு காவல்துறையை வலியுறுத்தியுள்ளார். "சுகேஷ் என்று தன்னை அடையாளப்படுத்திக் கொள்ளும் ஒரு நபர் ஒரு குற்றம் சாட்டப்பட்டவர், மண்டோலி சிறையில் கம்பிகளுக்குப் பின்னால் அமர்ந்து, வெளிப்படையாக மிரட்டும் உத்திகளைக் காட்டி மிரட்டுகிறார்," என்று கடிதத்தில் குறிப்பிடப்பட்டுள்ளது, மகாராஷ்டிர ஒழுங்கமைக்கப்பட்ட குற்றச் சட்டத்தின் (MCOCA) கீழ் ஒரு வழக்கில் "வழக்கு சாட்சியாக" அவரது பாதுகாப்பை உறுதிப்படுத்த சுகேஷூக்கு எதிராக IPC பிரிவுகளின் கீழ் ஒரு FIR பதிவு செய்யப்பட வேண்டும் என்றும் ஜாக்குலின் கூறியுள்ளார்.
"இந்த நடவடிக்கைகள் எனது தனிப்பட்ட உரிமைகளை மட்டும் பாதிக்கவில்லை; அவை நமது நீதி அமைப்பின் இதயத்தில் தாக்குகின்றன. நீதி நிர்வாகத்தின் அடிப்படையான சாட்சி பாதுகாப்பு கொள்கை சமரசம் செய்யப்பட்டு, நமது சட்ட நிறுவனங்களின் நம்பகத்தன்மையையும் செயல்திறனையும் குறைமதிப்பிற்கு உட்படுத்தியுள்ளது,” என்று ஜாக்குலின் கூறினார்.
குற்றம் சாட்டப்பட்டவர் சிறையில் உள்ள போதிலும் வெளித் தகவல்தொடர்புகளை எவ்வாறு பராமரிக்கிறார் என்பது குறித்து விரிவான மற்றும் வெளிப்படையான விசாரணையைத் தொடங்குமாறு கமிஷனர் அரோராவிடம் ஜாக்குலின் கேட்டுக் கொண்டார். "குற்றம் சாட்டப்பட்டவர்களுக்கு கிடைக்கக்கூடிய அனைத்து தகவல் தொடர்பு சேனல்களும் ஆய்வுக்கு உட்படுத்தப்படுவதும், மேலும் துஷ்பிரயோகம் செய்யப்படுவதைத் தடுக்க கடுமையான நடவடிக்கைகள் செயல்படுத்தப்படுவதும் அவசியம்" என்று ஜாக்குலின் கூறினார்.
ஜாக்குலின் குற்றச்சாட்டுகள் தொடர்பாக, டெல்லி போலீஸ் கமிஷனர் சஞ்சய் அரோரா மற்றும் சிறப்பு காவல் ஆணையர் (குற்றப்பிரிவு) ஆகியோருக்கு அனுப்பப்பட்ட கேள்விகளுக்கு பதில் கிடைக்கவில்லை.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“