8 மாதங்களுக்கு முன் பா.ஜ.க கூட்டணியில் இணைப்பு: பிரபுல் படேல் மீதான வழக்கை முடித்து வைக்க சி.பி.ஐ மனுத் தாக்கல்

தேசியவாத காங்கிரஸ் தலைவர் அஜித் பவார், பிரஃபுல் படேல் மற்றும் சில உறுப்பினர்கள் கடந்த 8 மாதங்களுக்கு முன் சரத்பவார் தலைமையிலான கட்சியில் இருந்து விலகி பா.ஜ.க தலைமையிலான கூட்டணியில் இணைந்தனர். இந்தநிலையில், பிரபுல் படேலுக்கு எதிரான ஏர் இந்தியா-இந்தியன் ஏர்லைன்ஸ் இணைப்பு வழக்கை முடித்து வைக்க சி.பி.ஐ மனுத் தாக்கல் செய்துள்ளது.

2 ஏர்லைன்ஸ் நிறுவன இணைப்பின் போது மத்திய சிவில் விமானப் போக்குவரத்து அமைச்சராக இருந்த படேல், இந்த வழக்கில் முக்கிய சந்தேக நபர்களில் ஒருவராக இருந்தார். அதோடு சி.பி.ஐ மற்றும் அமலாக்க இயக்குநரகம் (ED) யால் விசாரிக்கப்பட்டார்.

மே 2019-ல், இ.டி சிறப்பு நீதிமன்றத்தில் கூறுகையில், 2008-09 காலப்பகுதியில் தனியார் விமான நிறுவனங்களுக்கு லாபம் ஈட்டும் ஏர் இந்தியா வழித்தடங்களை "இந்தியாவில் உள்ள அமைச்சர் மற்றும் விமானப் பணியாளர்களுக்கு அருகாமையில்" பயன்படுத்திக் கொடுத்ததாகக் கூறப்படும் இடைத்தரகர் தீபக் தல்வாரின் "மிஸ்டர் பிரஃபுல் படேல் ஒரு அன்பான நண்பர்" என்று வாதாடியது. 

வழக்கை முடித்து வைக்க கோரி சி.பி.ஐ கடந்த  மார்ச் 19-ம் தேதி ரோஸ் அவென்யூ நீதிமன்றத்தில் அறிக்கை தாக்கல் செய்தது. சி.பி.ஐ-ன் கோரிக்கையை  ஏப்ரல் 15-ம் தேதி பரிசீலிப்பதாக நீதிமன்றம் கூறியது. 

கடந்த ஆண்டு ஜூன் மாதம், என்.சி.பி தலைவர் சரத் பவாருடன் பாட்னாவில் நடந்த எதிர்க்கட்சி கூட்டத்தில் படேல் கலந்து கொண்டார்.  இருப்பினும், அடுத்த மாதமே அவர் அஜித் பவார் மற்றும் சகன் புஜ்பால் உட்பட கட்சியின் ஆறு தலைவர்களுடன் கட்சியில் இருந்து வெளியேறி தேசிய ஜனநாயகக் கூட்டணியில் இணைந்தார். என்.சி.பி-ன் அஜித் பவார் பிரிவு இப்போது மகாராஷ்டிராவில் ஏக்நாத் ஷிண்டே அரசில் கூட்டணியில் உள்ளது. அங்கு அஜித் பவார் துணை முதல்வராக உள்ளார்.

AI-IA-ஐ இணைத்து நேஷனல் ஏவியேஷன் கார்ப்பரேஷன் ஆஃப் இந்தியா லிமிடெட் (என்ஏசிஐஎல்) அமைத்தது தொடர்பான வழக்கில், இது அதிக எண்ணிக்கையிலான விமானங்களை குத்தகைக்கு எடுத்தது மற்றும் ஏர்பஸ் மற்றும் போயிங் நிறுவனத்திடம் இருந்து 111 விமானங்களை வாங்கியது. வெளிநாட்டு முதலீட்டுடன் பயிற்சி நிறுவனங்களைத் திறப்பது மற்றும் 2019 ஜனவரியில் துபாயில் இருந்து நாடு கடத்தப்பட்ட தீபக் தல்வாருடன் படேலின் தொடர்பு இருந்ததாக குற்றஞ்சாட்டப்பட்டார். 

இந்த விவகாரங்களை விசாரிக்க, அந்த ஆண்டு ஜனவரியில் உச்ச நீதிமன்ற உத்தரவின் பேரில், மே 2017-ல் சிபிஐ நான்கு எஃப்ஐஆர்களை பதிவு செய்தது. பதிவு செய்யப்பட்ட முதல் எப்ஐஆரில் வழக்கை முடித்து வைக்க தற்போது சி.பி.ஐ மனுத் தாக்கல் செய்துள்ளது. மற்ற வழக்குகளில் விசாரணை இன்னும் தொடர்கிறது.

மே 29, 2017 அன்று இந்த வழக்கில் பதிவு செய்யப்பட்ட முதல் எப்.ஐ.ஆரில், சிபிஐ குற்றம் சாட்டப்பட்ட பத்தியில் “சிவில் விமானப் போக்குவரத்து அமைச்சகத்தின் அறியப்படாத அதிகாரிகள்” என்று குறிப்பிட்டு, எப்.ஐ.ஆரில் படேலின் பெயரைக் குறிப்பிட்டுள்ளது.

சி.பி.ஐ-ன் முதல் எப்.ஐ.ஆரில், சிவில் விமானப் போக்குவரத்து அமைச்சராக இருந்த பிரஃபுல் படேல், தனியார் தரப்பினர் மற்றும் சிவில் விமானப் போக்குவரத்து அமைச்சகத்தின் மற்ற பொது ஊழியர்களுடன் சதி செய்து, பொது ஊழியர் பதவியை தவறாகப் பயன்படுத்தி, ஏர் இந்தியா/இந்தியன் ஏர்லைன்ஸ் அதிக எண்ணிக்கையிலான விமானங்களை குத்தகைக்கு எடுப்பது குறித்து முடிவெடுத்தனர் என்று கூறப்பட்டுள்ளது, 

மேலும், "இந்த நடவடிக்கை முறையான வழி ஆய்வு மற்றும் சந்தைப்படுத்தல் அல்லது விலை மூலோபாயம் பற்றிய சரியான பரிசீலனைகள் இல்லாமல் நேர்மையற்ற முறையில் செய்யப்பட்டது. மேலும், விமானம் கையகப்படுத்தும் திட்டம் நடந்து கொண்டிருக்கும் போதே, விமானம் குத்தகைக்கு விடப்பட்டது, பிற தெரியாத நபர்களுடன் சதி செய்து, தனியார் நிறுவனங்களுக்கு பண பலன் மற்றும் அதன் விளைவாக அரசாங்க கருவூலத்திற்கு இழப்பு ஏற்பட்டது,” என்றும் கூறப்பட்டுள்ளது. இந்த விவகாரத்தில் அனைத்து முடிவுகளும் "கூட்டு" என்று படேல் அப்போது குற்றச்சாட்டுகளை மறுத்தார்.

இந்த எஃப்ஐஆர் NACIL மூலம் ஏராளமான விமானங்கள் குத்தகைக்கு எடுக்கப்பட்டதாக குற்றம் சாட்டப்பட்டுள்ளது. "பெரிய அளவிலான விமானங்கள் கையகப்படுத்துதல் மற்றும் பல விமானங்கள், குறிப்பாக வெளிநாட்டு விமானங்கள் பெரும் நஷ்டத்தில் காலியாக இயங்குவதால் விமான நிறுவனங்கள் மிகக் குறைந்த சுமையுடன் இயங்கினாலும்" இந்த குத்தகைக்கு விடப்பட்டதாக FIR கூறுகிறது.

ஆங்கிலத்தில் படிக்க: https://indianexpress.com/article/india/8-months-after-he-joined-nda-cbi-files-closure-in-case-against-praful-patel-9239158/

NACIL விமானிகள் கூட இல்லாத 15 விலையுயர்ந்த விமானங்கள் "நேர்மையற்ற முறையில் தனியார் நிறுவனங்களுக்கு ஆதரவளிக்கும் நோக்கில்" குத்தகைக்கு விடப்பட்டன என்று எப்.ஐ.ஆர் கூறியது.

தீபக் தல்வாரின் விவகாரங்கள் தொடர்பான மற்றொரு எஃப்.ஐ.ஆரில் சி.பி.ஐ மற்றும் அமலாக்கத்துறை இரண்டும் குற்றப்பத்திரிகை தாக்கல் செய்திருப்பது குறிப்பிடத்தக்கது.

தற்செயலாக, underworld  பிரமுகர் இக்பால் மிர்ச்சிக்கு எதிரான பணமோசடி வழக்கில் படேலும் இ.டி-ன் விசாரணையில் உள்ளார். இந்த வழக்கில் 2019 மற்றும் 2021 ஆம் ஆண்டுகளில் முன்னாள் மத்திய அமைச்சரிடம் விசாரணை நடத்தப்பட்டது. படேல் மிர்ச்சி நிறுவனத்திடம் இருந்து சொத்துக்களை வாங்கியதாகக் கூறப்படுகிறது, அதில் வோர்லியில் சீஜே ஹவுஸ் என்ற கட்டிடம் கட்டப்பட்டது. படேல் எந்த தவறும் செய்யவில்லை என்று மறுத்துள்ளார்.