தேர்தல் வாக்குறுதியை நிறைவேற்ற அரிசியை எதிர்பார்க்கும் கர்நாடக காங். அரசு; உதவும் ஆம் ஆத்மி

இந்திய உணவுக் கழகம் (எஃப்.சி.ஐ) வழிகளை மத்திய அரசு அடைத்த பிறகு, ஆந்திரா மற்றும் தெலுங்கானா மாநிலங்கள் அரிசி இல்லை என்று கூறிவிட்டன. அதே சமயம் சத்தீஸ்கர் 1.5 லட்சம் மெட்ரிக் டன் தருவதாகக் கூறியுள்ளது. ஆனால், அதுவும் ஒரு மாதத்திற்கு மட்டுமே; ஆம் ஆத்மி ஆளும் பஞ்சாப் குறித்து, சித்தராமையா ஆம் ஆத்மி ட்தான் முதலில் அணுகியதாக கூறுகிறார். ஆனால், அதன் விகிதங்கள் குறித்து உறுதியாக தெரியவில்லை.

வறுமைக் கோட்டுக்கு கீழே உள்ள பி.பி.எல் குடும்பத்தில் ஒருவருக்கு மாதம் ஒன்றுக்கு 10 கிலோ உணவு தானியங்கள் வழங்கும் அன்ன பாக்யா திட்டத்தை செயல்படுத்தும் முயற்சியில், கர்நாடகாவில் உள்ள காங்கிரஸ் அரசாங்கத்திற்கு எதிர்பாராத இடங்களிலிருந்து உதவி வழங்கப்பட்டுள்ளது. பஞ்சாபில் உள்ள ஆம் ஆத்மி அரசு அரிசி வழங்க தயாராக இருப்பதாக ஆம் ஆத்மி கட்சியின் கர்நாடக பிரிவு தெரிவித்துள்ளது.

ஆம் ஆத்மி கட்சியின் கர்நாடக மாநிலத் தலைவர் பிருத்வி ரெட்டி, முதல்வர் சித்தராமையாவுக்கு எழுதிய கடிதத்தில், “பஞ்சாப் முதல்வர் ஸ்ரீ பகவந்த் மானுடன் இந்த விவகாரம் குறித்து விரிவாக விவாதித்தேன். அவர் சாதகமாக பதிலளித்தார் மற்றும் கொள்கையளவில், அரிசி வழங்க ஒப்புக்கொண்டார்.” என்று கூறியுள்ளார்.

காங்கிரஸின் தேர்தலுக்கு முந்தைய வாக்குறுதிகளின் ஒரு பகுதியாக இருந்த இத்திட்டத்தை ஜூலை 1-ம் தேதிக்குள் செயல்படுத்த, மாநில அரசு ஒவ்வொரு மாதமும் 2.28 லட்சம் மெட்ரிக் டன் அரிசியை கொள்முதல் செய்ய வேண்டும். இந்திய உணவுக் கழகம் (எஃப்.சி.ஐ) பங்குகளில் இருந்து அதையே கொள்முதல் செய்து, மாதத்திற்கு ரூ. 840 கோடி (ஆண்டுக்கு ரூ. 10,092 கோடி) ஒதுக்கி வைக்கும் என கர்நாடக அரசு நம்புகிறது. இருப்பினும், எப்.சி.ஐ பங்குகளில் இருந்து மாநில அரசின் திட்டங்களுக்கு விற்பனை செய்வதை மத்திய அரசு நிறுத்தியதால், பணவீக்கப் பிரச்சினைகளைத் தவிர்க்க விரும்புவதாகக் கூறி, கர்நாடகா மலிவு விலையில் அரிசியை வாங்க முடியாமல் திணறி வருகிறது.

அன்ன பாக்யா திட்டத்தை முறியடிக்க, அரிசி விஷயத்தில் மத்திய அரசு அரசியல் செய்வதாக குற்றம் சாட்டிய சித்தராமையா அரசு, தெலுங்கானா, சத்தீஸ்கர் போன்ற அரிசி உற்பத்தி செய்யும் மாநிலங்களை அணுகும் என்று கூறியிருந்தது. இருப்பினும், தெலுங்கானா மற்றும் ஆந்திர பிரதேசம் கர்நாடகாவின் கோரிக்கையை நிராகரித்துள்ளன. இருப்பினும், காங்கிரஸ் ஆளும் சத்தீஸ்கர் கர்நாடகாவுக்கு உதவுவதாக உறுதியளித்துள்ளது.

கர்நாடகா சிரமங்களை மீறி இந்த திட்டத்தை செயல்படுத்த நேர்மையாக முயற்சி செய்கிறது என்று சித்தராமையா திங்கள்கிழமை கூறினார். ஆம் ஆத்மி அளித்த ஆதரவின் பேரில், கார்நாடக மாநில தலைமைச் செயலாளர் பஞ்சாப் தலைமைச் செயலாளரிடம் பேசியதாக முதல்வர் சித்தராமையா கூறினார். “அவர்கள் இந்த விலையில் அரிசியை (எஃப்.சி.ஐ விலை ரூ. 36.6/கிலோ) வழங்குவார்களா? நாங்கள் மீண்டும் பஞ்சாப் அரசாங்கத்துடன் பேசுவோம்” என்று அவர் கூறினார். கர்நாடக ஆம் ஆத்மி தனது பரிந்துரையை ழங்குவதற்கு முன்பு கர்நாடக மாநில அரசு பஞ்சாபுடன் பேசியது.

ஜூன் 13-ம் தேதி கர்நாடகா எஃப்.சி.ஐ-யிடமிருந்து அரிசி விநியோகத்திற்கான அனுமதியைப் பெற்ற ஒரு நாள் கழித்து, வடகிழக்கில் உள்ளவர்களைத் தவிர்த்து அல்லது இயற்கை பேரழிவுகளைச் சமாளிக்கும் மாநில அரசுகளுக்கு அரிசி மற்றும் கோதுமை விற்பனையை மத்திய அரசு நிறுத்தியது. எஃப்.சி.ஐ தனியார் விற்பனையாளர்களுக்கு விற்க அனுமதிக்கப்படுகிறது. ஆனால், உணவு தானியங்களை தங்கள் மக்களுக்கு மலிவாக வழங்க விரும்பும் மாநிலங்களுக்கு இல்லையா என்று தர்க்கப்பூர்வமாக காங்கிரஸ் கேள்வி எழுப்பியுள்ளது.

“இது பழிவாங்கும் அரசியல், ஏழைகளுக்கு அரிசி கொடுப்பதில் அரசியல் செய்வது. நான் இதற்கு முன் (அத்தகைய விஷயங்களை) சந்தித்ததில்லை. நெல் விளைவிக்கிறதா மத்திய அரசு? அவர்கள் அதை விவசாயிகளிடம் இருந்து கொள்முதல் செய்கிறார்கள்” என்று சித்தராமையா கூறினார்.

அப்போதிருந்து, கர்நாடக அரசு நெல் பயிரிடும் மாநிலங்களை அணுகி வருகிறது. ஆந்திரா அல்லது தெலுங்கானாவில் இருந்து எங்களுக்கு அரிசி வருவதில்லை. சத்தீஸ்கர் 1.5 லட்சம் மெட்ரிக் டன்களுக்கு உத்தரவாதம் அளித்துள்ளது. ஆனால், அதுவும் ஒரு மாதத்திற்கு மட்டுமே” என்று அவர் திங்கள்கிழமை கூறினார்.

தேசிய கூட்டுறவு நுகர்வோர் கூட்டமைப்பு, தேசிய வேளாண் கூட்டுறவு சந்தைப்படுத்தல் கூட்டமைப்பு மற்றும் கேந்திரிய பந்தர் ஆகியோரையும் கர்நாடகா அணுகியுள்ளது. “மூன்றுமே இந்திய அரசின் நிறுவனங்கள் (அவர்களிடம்) கிடைக்கும் அரிசிக்கான விலையை நாங்கள் கோரியுள்ளோம்” என்று முதல்வர் சித்தராமையா கூறினார்.

இந்த விவகாரம் தொடர்பாக மத்திய அரசுக்கு எதிராக ஜூன் 20-ம் தேதி மாவட்ட தலைநகரங்களில் போராட்டம் நடத்தப்போவதாக மாநில காங்கிரஸ் அறிவித்துள்ளது. மாநில மக்களை காங்கிரஸ் தவறாக வழிநடத்துவதாக பா.ஜ.க குற்றம்சாட்டியுள்ளது. சனிக்கிழமை செய்தியாளர்கள் சந்திப்பில் பேசிய பா.ஜ.க எம்.பி தேஜஸ்வி சூர்யா, மாநிலங்களுக்கு தானியங்களை விற்பதைத் தடை செய்ய மத்திய அமைச்சர்கள் குழு முடிவு செய்த நான்கு நாட்களுக்குப் பிறகு கர்நாடக அரசு எஃப்.சி.ஐ-க்கு கடிதம் எழுதியதாகக் கூறினார்.

எஃப்.சி.ஐ இணையதளத்தில் கிடைக்கும் தரவுகளின்படி, ஜூன் 1-ம் தேதி, மத்திய தொகுப்பில் உள்ள அரிசி கையிருப்பு 262.23 லட்சம் மெட்ரிக் டன்னாகவும், அரைக்கப்படாத நெல் இருப்பு 226.85 லட்சம் மெட்ரிக் டன்னாகவும் (152 லட்சம் மெட்ரிக் டன் அரிசிக்கு சமம்) உள்ளது.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"