கச்சத்தீவு விவகாரம்: நல்லெண்ண அடிப்படையில் ஒப்பந்தம்… இந்தியாவுக்கு கிடைத்த வாட்ஜ் பேங்க்- முன்னாள் தூதரக அதிகாரிகள்

கடந்த சில நாட்களாக கச்சத்தீவு விவகாரத்தை பாஜக எழுப்பியதால், கொழும்பிலும், டெல்லியிலும் ஒருவித பதற்றமான சூழல் நிலவுகிறது. இதுதொடர்பாக இந்தியன் எக்ஸ்பிரஸ் முன்னாள் இலங்கை மற்றும் இந்திய தூதரக அதிகாரிகளுடன் உரையாடியது.

1970 களில் அன்றைய அரசாங்கம் "நல்ல நம்பிக்கையுடன்" ஒப்பந்தத்தை முடித்தது, அங்கு இரு தரப்பும் "சிலவற்றை வென்றது" மற்றும் "சிலவற்றை இழந்தது" என்று அவர்கள் கூறினர்.

’அந்த காலத்தின் உண்மைகளின் அடிப்படையில் இது கொடுக்கல் வாங்கல். கடல் எல்லையைத் தீர்ப்பதே நோக்கமாக இருந்தது... இரு நாடுகளும் உரிமைகோரல்களைத் தீர்த்து, தொடர விரும்புகின்றன என்ற நல்லெண்ணத்தில் செய்யப்பட்டது’, என்று டெல்லியில் பணியாற்றிய பெயர் வெளியிட விரும்பாத முன்னாள் இலங்கை தூதரக அதிகாரி ஒருவர் இந்தியன் எக்ஸ்பிரஸ்ஸிடம் கூறினார்.

கடந்த காலங்களில் இலங்கையுடன் கையாண்ட இந்திய தூதரக அதிகாரிகள், டெல்லி வாட்ஜ் பேங்க் 9Wadge Bank) மற்றும் அதன் வளமான வளங்களை அணுக முடிந்தது என்று கோடிட்டுக் காட்டினர்.

‘இந்தியாவுக்கும் இலங்கைக்கும் இடையிலான வரலாற்று சிறப்புமிக்க கடல் எல்லை தொடர்பான ஜூன் 1974 ஒப்பந்தம் கச்சத்தீவை இலங்கையின் பக்கம் நிறுத்தியது. அதேநேரம் வாட்ஜ் பேங்க் மற்றும் அதன் வளமான வளங்கள் மீதான இந்தியாவின் இறையாண்மையை அங்கீகரித்த மார்ச் 1976 இன் புரிதல் உட்பட, இலங்கையுடனான கடல் எல்லையை தெளிவுபடுத்தும் மற்றும் உறுதிப்படுத்தும் பிற ஒப்பந்தங்களின் வரிசைக்கும் இது வழி வகுத்தது, என்று இலங்கைக்கான முன்னாள் இந்திய உயர் ஸ்தானிகர் அசோக் காந்தா கூறினார்.

’ஒரு முன்னாள் பேச்சுவார்த்தையாளராக, இந்த சிக்கலான பேச்சுவார்த்தைகள் கொடுக்கல் வாங்கல் உரிமைகளை உள்ளடக்கியது என்று ஒருவர் கூறலாம்.

உங்களுக்கு எல்லாம் கிடைக்காது. ஆனால் இலங்கையுடனான சர்ச்சைக்குரிய கடல் எல்லைப் பிரச்சினைக்கு தீர்வு காணப்பட்டதன் மூலம் வலுவான உறவை நிலைநிறுத்தியதுடன், மீன்பிடி நடவடிக்கைகள், ஹைட்ரோகார்பன் வளங்களை சுரண்டுதல் மற்றும் பிற உரிமைகள் பற்றிய தெளிவுகளையும் வழங்கியது.

எனவே, 1974 மற்றும் 1976 இல் இலங்கையுடன் செய்து கொள்ளப்பட்ட ஒப்பந்தங்கள் தொடர்பாக இந்திய அரசாங்கத்தின் நிலைப்பாட்டில் தொடர்ச்சியும் நிலைத்தன்மையும் உள்ளது. அந்த புரிந்துணர்வுகளை கேள்விக்குட்படுத்தவோ அல்லது மீண்டும் திறக்கவோ எந்த அரசாங்கமும் முற்படவில்லை’, என்று காந்தா கூறினார்.

1976 இன் இந்தியா-இலங்கை ஒப்பந்தம், இந்தியாவின் பிரத்தியேக பொருளாதார மண்டலத்தின் ஒரு பகுதியாக வாட்ஜ் பேங்கை அங்கீகரித்தது, பகுதி மற்றும் அதன் வளங்கள் மீது இந்தியாவிற்கு இறையாண்மை உரிமைகளை வழங்குகிறது. கன்னியாகுமரிக்கு தெற்கே அமைந்துள்ள வாட்ஜ் பேங்க், வளங்கள் நிறைந்த கடல் பீடபூமியாகும்.

மார்ச் 23, 1976 இல் கையெழுத்திடப்பட்ட ஒப்பந்தத்தின்படி, இலங்கை மீன்பிடி கப்பல்கள் மற்றும் மீனவர்கள் வாட்ஜ் பேங்கில் மீன்பிடி நடவடிக்கைகளில் ஈடுபட அனுமதிக்கப்படவில்லை.

எவ்வாறாயினும், நல்லெண்ணத்தின் அடையாளமாக, இந்தியாவின் பிரத்தியேக பொருளாதார வலயம் ஸ்தாபிக்கப்பட்டதிலிருந்து மூன்று வருட காலத்திற்கு இந்தியாவினால் உரிமம் பெற்ற, குறைந்த எண்ணிக்கையிலான இலங்கை மீன்பிடிக் கப்பல்களை அப்பகுதியில் மீன்பிடிக்க இந்தியா அனுமதித்தது.

இந்த காலகட்டத்திற்கு பிறகு, இலங்கை கப்பல்கள் வாட்ஜ் பேங்கில் மீன்பிடிப்பதை நிறுத்தியது. இந்த ஒப்பந்தம் பொதுவாக இந்தியாவிற்கு சாதகமாக பார்க்கப்படுகிறது, ஏனெனில் இது பல்லுயிர் வளம் நிறைந்த ஒரு குறிப்பிடத்தக்க கடல் பகுதிக்கு இறையாண்மை உரிமைகளைப் பெற்றது மற்றும் இந்தியாவின் வளமான மீன்வள ஆதாரங்களில் ஒன்றாகக் கருதப்படுகிறது.

ஒரு முன்னாள் இந்திய தூதர் கூறுகையில், ’நாடுகளுக்கு இடையே கையெழுத்திடப்படும் ஒப்பந்தங்கள், நடைமுறை உண்மைகளை கணக்கில் கொண்டு, அரசு எடுக்கும் "இறையாண்மை முடிவுகள்" என்று கூறினார்.

மீனவர்கள் பிடிபடுவதும், சிறைவைக்கப்படுவதும் கச்சத்தீவு அருகே அதிகம் நடக்கவில்லை, மற்ற இடங்களில் நடக்கிறது. எனவே இரண்டு விவகாரங்களையும் இணைத்து பேசுவது சரியல்ல,’ என்றார்.

Read in English: Katchatheevu island issue: India got Wadge Bank… agreement in good faith, say former diplomats

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“