Advertisment

மசோதாக்களை முடக்கும் ஆளுநருக்கு எதிரான தீர்மானம்; ஆதரவு தெரிவித்து ஸ்டாலினுக்கு கெஜ்ரிவால் கடிதம்

மசோதாக்களை நிலுவையில் வைத்திருப்பது என்பது உண்மையில் நமது அரசியலமைப்புத் திட்டத்தை மீறுவது மட்டுமல்ல, எந்த ஜனநாயகத்திலும் உச்சமான மக்கள் ஆணையை அவமதிக்கும் செயலாகும்; முதல்வர் ஸ்டாலினுக்கு எழுதிய கடிதத்தில் அரவிந்த் கெஜ்ரிவால் வலியுறுத்தல்

author-image
WebDesk
New Update
kejriwal

அரவிந்த் கெஜ்ரிவால்

தேர்ந்தெடுக்கப்பட்ட அரசுகள் ஒப்புதல் அளித்த மசோதாக்கள் மீது ஆளுநர்கள் முடிவெடுக்க மத்திய அரசும், குடியரசுத் தலைவரும் கால அவகாசம் நிர்ணயம் செய்யக் கோரி, மாநில சட்டசபையில் தீர்மானம் கொண்டு வருவதற்கான தீர்மானத்துக்கு ஆதரவு தெரிவித்து, டெல்லி முதல்வர் அரவிந்த் கெஜ்ரிவால் இன்று தமிழக முதல்வர் ஸ்டாலினுக்கு கடிதம் எழுதியுள்ளார்.

Advertisment

"இந்தியாவில் ஜனநாயகம் ஒவ்வொரு நாளும் பாதிக்கப்பட்டு வருகிறது. பா.ஜ.க அல்லாத ஆளும் அரசாங்கங்களின் ஆளுநர்கள் / துணைநிலை ஆளுநர்கள் காலவரையின்றி சட்டப் பேரவைகளால் நிறைவேற்றப்பட்ட மசோதாக்கள் அல்லது டெல்லி அரசாங்கத்தால் அனுப்பப்பட்ட மசோதாக்களை நிலுவையில் வைத்திருப்பது என்பது உண்மையில் நமது அரசியலமைப்புத் திட்டத்தை மீறுவது மட்டுமல்ல, எந்த ஜனநாயகத்திலும் உச்சமான மக்கள் ஆணையை அவமதிக்கும் செயலாகும்,” என்று அரவிந்த் கெஜ்ரிவால் தனது கடிதத்தில் குறிப்பிட்டுள்ளார்.

இதையும் படியுங்கள்: ஹிஜாப், ஹலால் பிரச்னைகள் தேவையற்றவை; நான் ஆதரிக்க மாட்டேன்: எடியூரப்பா ஓபன் டாக்

முதல்வர் அரவிந்த் கெஜ்ரிவால் தமிழக முதலமைச்சருக்கு எழுதிய கடிதத்தில், 'பா.ஜ.க அல்லாத மாநில அரசுகளின் அதிகாரங்களை அபகரிக்கும் மற்றும் கட்டுப்படுத்தும் மத்திய மற்றும் அதன் பிரதிநிதிகளின் நடவடிக்கைகளை' டெல்லி அரசு கண்டிக்கிறது. ஆளுநர்கள் / துணைநிலை ஆளுநர்கள் தங்கள் பணிகளைச் செய்வதற்கான காலக்கெடுவை நிர்ணயிக்கக் கோரி டெல்லி விதான் சபாவில் ஒரு தீர்மானமும் தாக்கல் செய்யப்படும்” என்றும் குறிப்பிடப்பட்டுள்ளது.

இதற்கிடையில், முதல்வர் அரவிந்த் கெஜ்ரிவாலுக்கு சி.பி.ஐ சம்மன் அனுப்பியதைத் தொடர்ந்து டெல்லி சட்டசபையும் ‘அவசர’ கூட்டத்தை அறிவித்தது. திங்கள்கிழமை காலை 11 மணிக்கு அமர்வு தொடங்க உள்ளது. இதற்கிடையில், சி.பி.ஐ சம்மனைத் தொடர்ந்து ஆம் ஆத்மி டெல்லி தலைவர் கோபால் ராய் கட்சி எம்.எல்.ஏ.,க்களின் அவசரக் கூட்டத்திற்கு தலைமை தாங்குகிறார் என்று வட்டாரங்கள் தெரிவிக்கின்றன.

முன்னதாக மாநில சட்டப்பேரவையில் ஆளுநர் ஆர்.என்.ரவிக்கு எதிராக திங்கள்கிழமை தீர்மானம் நிறைவேற்றியதையடுத்து, தேர்ந்தெடுக்கப்பட்ட அரசுகள் ஒப்புதல் அளித்துள்ள கோப்புகள் குறித்து ஆளுநர்கள் முடிவெடுக்க மத்திய அரசும், குடியரசுத் தலைவரும் காலவரையறை நிர்ணயம் செய்யக் கோரி தமிழக முதல்வர் மு.க.ஸ்டாலின் பா.ஜ.க அல்லாத ஆளும் மாநிலங்களின் முதல்வர்களுக்கு அவர்களின் சட்டப்பேரவைகளிலும் இதேபோல் தீர்மானம் நிறைவேற்றக் கோரி கடிதம் எழுதியிருந்தார்.

ஸ்டாலின் புதன்கிழமை எழுதிய கடிதத்தில், “இந்திய ஜனநாயகம் இன்று குறுக்கு வழியில் நிற்கிறது, மேலும் தேசத்தின் ஆட்சியில் இருந்து கூட்டுறவு கூட்டாட்சியின் உணர்வு மறைந்து வருவதை நாங்கள் அதிகளவில் காண்கிறோம்,” என்று குறிப்பிட்டார்.

மேலும், தமிழ்நாடு சட்டமன்றத்தில் நிறைவேற்றப்பட்ட தீர்மானத்தின் விவரங்களை அளித்து, "மாநில அரசுகள் மற்றும் சட்டமன்றங்களின் இறையாண்மை மற்றும் சுயமரியாதையை நிலைநிறுத்துவதற்கு" மற்ற முதல்வர்களும் இதேபோன்ற தீர்மானங்களை முன்வைக்க வேண்டும் என்றும் கடிதத்தில் வலியுறுத்தினார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Tamil Nadu Dmk India Stalin Arvind Kejriwal
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment