சிபிஐ (எம்)தலைமையிலான கேரள அரசாங்கம், மாநிலத்தில் உள்ள 14 பல்கலைக்கழகங்களின் வேந்தராக இருந்து ஆளுநரை நீக்குவதற்கான மசோதாவை மாநில சட்டமன்றத்தில் நிறைவேற்றியபோது, காங்கிரஸ் தலைமையிலான எதிர்கட்சியினரிடமிருந்து அதன் முன்மொழிவுக்கு அவர்கள் எதிர்பாராத கொள்கை ஆதரவைக் கண்டனர்.
கேரளாவில் சிபிஐ(எம்) உடன் பல்கலைக்கழக விவகாரங்கள் மற்றும் பிற விஷயங்களில் நீண்டகாலமாக இழுத்தடிக்கப்பட்ட மோதலில் ஆளுநர் ஆரிப் முகமது கானுக்கு ஆதரவாக காங்கிரஸ் ஆரம்பத்தில் தனது பலத்தை காட்டியது.
ஆனால் அதன் இளைய கூட்டாளியான இந்திய யூனியன் முஸ்லீம் லீக் (IUML) சிபிஐ(எம்) உடன் இணையத் தொடங்கிய பின்னர், ஆளுநரை வேந்தர் பதவியிலிருந்து நீக்குவதற்கான மசோதாவின் முன்மொழிவை ஆதரிக்க வேண்டிய கட்டாயத்தில் காங்கிரஸ் தள்ளப்பட்டது.
ஆரிப் கான் மாநிலத்தில், குறிப்பாக உயர்கல்வியில் சங்பரிவார் நிகழ்ச்சிகளை செயல்படுத்துவதில் குறியாக இருக்கும் "ஆர்எஸ்எஸ் கருவி" என்று சிபிஐ(எம்) விமர்சித்தது.
இந்த மசோதா சட்டசபையில் விவாதிக்கப்பட்டபோது, ஆளுநரை வேந்தர் பதவியில் இருந்து நீக்கும் யோசனைக்கு ஐக்கிய ஜனநாயக முன்னணி (UDF) எதிர்ப்பு தெரிவிக்கவில்லை. அதேநேரம் பினராயி விஜயன் அரசாங்கத்தால் சிபிஐ(எம்) வேட்பாளர்களை பல்கலைக்கழகங்களின் வேந்தர்களாக நியமித்திருக்கும் மாற்று வழி குறித்து அவர்கள் கவலைப்பட்டனர்.
APJ அப்துல் கலாம் தொழில்நுட்ப பல்கலைக்கழகத்தின் துணை வேந்தர் நியமனம் சட்டவிரோதமானது என்று அக்டோபர் 21 அன்று உச்ச நீதிமன்றத்தின் தீர்ப்பை அடுத்து, பல்கலைக்கழகங்களின் துணை வேந்தர்களை பதவியில் இருந்து விலகுமாறு ஆரிஃப் கான் கோரினார். இதனால் கேரளாவில் உள்ள அனைத்து பல்கலைகழகங்களின் வேந்தர் பதவியில் இருந்தும் கவர்னரை நீக்க சிபிஐ(M) முடிவு செய்தது.
அப்போது, ஆளுநரின் நடவடிக்கையை காங்கிரஸ் பாராட்டியது, மாநிலத்தின் பல்கலைக்கழகங்களை ஒழுங்கமைக்க முன்னாள் அலுவல் வேந்தராக அவருக்கு இது ஒரு வாய்ப்பு என்று கூறியது.
ஆளுநரை அனைத்து பல்கலைக்கழகங்களின் முன்னாள் வேந்தராக இருந்து நீக்கும் அவசரச் சட்டத்தை ஆளுநர் பிறப்பிக்க வேண்டும் என்று அரசு பரிந்துரைத்தபோது, காங்கிரஸ் கட்சியின் மாநிலத் தலைவர் கே.சுதாகரன், அத்தகைய நடவடிக்கையை ஐக்கிய ஜனநாயக முன்னணி எதிர்க்கும் என்று கூறினார்.
ஆனால் கான் ஒரு "சங்க பரிவார் ஏஜென்ட்". அவர் மாநிலத்தில் உயர்கல்வியை காவிமயமாக்க விரும்புகிறார் மற்றும் ஆர்எஸ்எஸ் வேட்பாளர்களைக் கொண்டு பல்கலைக்கழகங்களில் உயர்மட்ட இடங்களை நிரப்ப விரும்புகிறார் என்று சிபிஐ(எம்) கூறியது. தொடர்ந்து அறிஞர்கள் மற்றும் கலாச்சார தலைவர்களின் ஆதரவுடன், சிபிஐ(எம்), உயர்கல்வி பாதுகாப்பு சமிதி அமைப்பை உருவாக்கியது, இது நவம்பர் 15 இல் ஆளுநர் மாளிகையை முற்றுகையிட்டது.
இப்படி கானுக்கு காவி வண்ணம் பூசுவதில் வெற்றி பெற்றதால் இந்திய யூனியன் முஸ்லிம் லீக் கட்சிக்கு, உயர்கல்வித் துறையில் ஆளுநரின் நடவடிக்கைகளுக்கு எதிராக இடதுசாரிக் குழுவில் இணைவதைத் தவிர, வேறு வழியில்லாமல் போனது.
குற்றஞ்சாட்டப்பட்ட சூழலில், ஆளுநரின் ஒருதலைப்பட்சமான நடவடிக்கைகளை ஆதரிப்பது சங்க பரிவாரை ஆதரிப்பதாகக் கருதப்படும் அபாயம் உள்ளது என்பதை இந்திய யூனியன் முஸ்லிம் லீக் உணர்ந்தது. ஆளுநருக்கு எதிரான உணர்வுகளை உணர்ந்த காங்கிரஸும் மசோதாவுக்கு ஆட்சேபனை தெரிவிக்கும் தனது கருத்திலிருந்து பின் வாங்கியது.
பாஜக, இப்போது காங்கிரஸ் ஒரு "சிறுபான்மைக் கட்சியின்" அழுத்தத்திற்கு அடிபணிந்ததாகக் கூறியது. இருப்பினும் இந்திய யூனியன் முஸ்லிம் லீக், இந்த பிரச்சினையில் தெளிவான மதச்சார்பற்ற முன்னோக்கைக் கொண்டிருப்பதாக சிபிஐ(எம்) பாராட்டியது.
இப்போது இந்திய யூனியன் முஸ்லிம் லீக் மசோதாவுக்கு ஆதரவாக நிற்கிறது.
செவ்வாயன்று, இந்த மசோதா சட்டசபையில் விவாதிக்கப்பட்டபோது, சிபிஐ(எம்) தலைவரும் சட்ட அமைச்சருமான பி.ராஜீ, ஐயுஎம்எல் கட்சியின் நிலைப்பாட்டை பாராட்டினார்.
ஆளுநரை வேந்தர் பதவியில் இருந்து நீக்கக் கூடாது என்று ஐக்கிய முன்னனி கூட்டணி முன்பு முடிவு செய்தது. ஆனால் ஆளுநரின் நடவடிக்கையின் பின்னணியில் உள்ள அரசியலை இந்திய யூனியன் முஸ்லிம் லீக் உணர்ந்ததால், அவர்கள் பின்னர் தங்கள் நிலைப்பாட்டை மாற்றிக்கொண்டனர், என்று அவர் கூறினார்.
மார்க்சிஸ்ட் கம்யூனிஸ்ட் கட்சியை பொறுத்தவரை, இந்திய யூனியன் முஸ்லிம் லீக்கை தன் பக்கம் வைத்திருப்பது ஒரு பெரிய அரசியல் லாபமாக இருக்கும். செவ்வாயன்று சட்டமன்றத்தில் நிறைவேற்றப்பட்ட மசோதாவை இந்திய யூனியன் முஸ்லிம் லீக் (IUML) ஆதரித்த பிறகு, சில முஸ்லீம் அறிஞர்கள் கட்சியின் நிலைப்பாட்டை பாராட்டினர் மற்றும் சங்க பரிவாரை எதிர்த்துப் போராட ஒரு பரந்த மேடைக்கு அழைப்பு விடுத்தனர்.
ஆனால், இந்திய யூனியன் முஸ்லிம் லீக் கட்சியின் அழுத்தத்தின் கீழ் தனது சொந்த நிலைப்பாட்டை மாற்றிக்கொண்டதன் மூலம், காங்கிரஸ் இப்போது மாநிலத்தின் இந்து வாக்கு வங்கியின் பின்னடைவை எதிர்கொள்கிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“