விகாஷ் துபே மரணம் விசாரணைக் குழுவில் முன்னாள் டிஜிபி: சுப்ரீம் கோர்ட் அனுமதி

குப்தா, “ இதுபோன்ற புலனாய்வு விசாரணை செய்ததற்கு முதலில் நான் ஊடகங்களுக்கு நன்றி கூறுகிறேன். நீங்கள் உஜ்ஜைனிலிருந்து (துபே பிடிபட்ட இடத்தில்) உத்திரபிரதேசம்  வரை வாகனத்தைப் பின்தொடர்ந்தீர்கள். அவருடைய சொந்த குடும்ப உறுப்பினர்கள் கூட அவ்வாறு செய்யவில்லை. பொதுவாக, சுங்கச்சாவடிகள் மற்றும் தடுப்பு நிலையங்களில், போலீஸ் வாகனங்கள் எந்தவிதக் கட்டுப்பாடுகள் இன்றி கடந்து  செல்ல அனுமதிக்கப்படுகின்றன. மற்ற வாகனங்கள் சரிபார்க்கப்படுகின்றன. கொரோனா பெருந்தொற்று ஊரடங்கு காலத்தில் இ- பாஸ் சோதனை போன்ற காரணங்களுக்காக மற்ற வாகனங்கள் 5-10 நிமிடங்கள் நிறுத்தப்பட்டிருக்கலாம். அதை ஊடகங்கள் பயன்படுத்திக் கொண்டு பரபரப்பை உருவாக்கிக் கொள்கின்றன” என்று தெரிவித்தார்.

எல்லாவற்றையும் எதிர்மறையாகப் பார்க்க வேண்டிய அவசியம் இல்லை என்று நான் நினைக்கிறேன். முதலில், விகாஸ் துபேவால் கொல்லப்பட்ட எட்டு காவல்துறையினருக்கு  உங்களால் ஏதேனும் செய்ய முடிந்ததா? அவர் எங்கிருந்து பல ஆயுதங்களை சேகரித்தார்? அவர் எப்படி தனது வீட்டை ஒரு ஆயுத தொழிற்சாலையாக மாற்றினார்?  என்ற கேள்வியையும் அவர் நிகழ்ச்சியில் எழுப்பினார்.

துபே என்கவுன்டர் உண்மை கண்டறியும் விசாரணைக் குழுவில் நியமனம் தொடர்பாக  எந்தவொரு எழுத்துப்பூர்வ உத்தரவும் இதுவரை கிடைக்கவில்லை என்று கூறிய குப்தா, ”  தொலைக்காட்சி நிகழ்ச்சியில் கூறப்பட்ட கருத்துக்கள் கூறப்பட்ட  சூழ்நிலை முற்றிலும் வேறாக இருந்தது. பயனர் ஒருவர் கேட்ட கேள்விக்கு முன்னாள் காவல் அதிகாரி என்ற அளவில் சில விசயங்களைச் சொல்லியிருக்கலாம். ஆனால், தற்போது நிலை முற்றிலும் வேறு. காவல்துறையினரின் செயல்பாடுகள்  இந்த விசாரணையில் முக்கிய பங்கு வகிக்கிறது. விசாரணை அறிக்கை சீல் வைக்கப்பட்ட உறையில் நீதிமன்றத்திற்கு சமர்பிக்கப்படும்” என்று தெரிவித்தார்.

முன்னதாக , ஓய்வுபெற்ற அலகாபாத் உயர்நீதிமன்ற நீதிபதி சஷி காந்த் அகர்வால் தலைமையில்  உ.பி. அரசு  ஒரு  நபர் விசாரணைக் குழுவை (one-member panel) அமைத்தது . உச்சநீதிமன்ற முன்னாள் நீதிபதி, முன்னாள் காவல்துறை அதிகாரி ஆகியோர் அடங்கிய விரிவான விசாரணைக் குழுவை ஏற்படுத்துமாறு உச்சநீதிமன்றம்  மாநில அரசை கேட்டுக் கொண்டது.

போலீஸ் துப்பாக்கிச் சூட்டினால் விகாஸ் துபேயின் ஐந்து கூட்டாளிகள் கொல்லப்பட்டது தொடர்பாக கருத்து தெரிவித்த உச்சநீதிமன்றம், “மாநில அரசால் ஏற்கனவே அமைக்கப்பட்ட சிறப்பு விசாரணைக் குழு, இந்த வழக்கு தொடர்பான எந்தவொரு சம்பவத்தையும் சுதந்திரத் தன்மையோடு விசாரிக்க கேட்டுக் கொள்கிறோம்” என்று தெரிவித்தது.

கமிஷன் லக்னோவில் அமர்ந்து விசாரணை மேற்கொள்ளும் என்றும், செயலக உதவியை  மத்திய அரசு வழங்கும் என்று நீதிபதிகள் தெரிவித்தனர்.விசாரணைக் குழு  டெல்லியில் இருந்து  பணியை மேற்கொள்ள வேண்டும் என்று மனுதாரர்களில் ஒருவரான வழக்கறிஞர் கன்ஷ்யம் உபாத்யாய் கோரிக்கையை, ​​நீதிமன்றம்  நிராகரித்தது. “ஆதாரங்கள்  லக்னோவில் இருக்கையில், கமிஷன் ஏன் டெல்லியில் அமர வேண்டும்?” என்று பதிலளித்தது.

மனுதாரர்கள் மாநிலத்தில் நடந்த மற்ற என்கவுன்டர் கொலைகள் பற்றி குறிப்பிட்டபோது, ​​தலைமை நீதிபதி எஸ்.ஏ பாப்டே,  துஷார் மேத்தா பக்கம் திரும்பி, “உ.பி.யில்  இதுபோன்ற சம்பவங்கள்  மீண்டும்  நிகழா வண்ணம் நீங்கள் பார்த்துக் கொள்ள வேண்டும்” என்று தெரிவித்தார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamilt.me/ietamil