/indian-express-tamil/media/media_files/2025/07/28/kiren-rejiju-2025-07-28-13-56-20.jpg)
நாடாளுமன்ற விவகாரங்கள் துறை அமைச்சர் கிரண் ரிஜிஜு திங்கள்கிழமை அன்று எக்ஸ் தளத்தில் இது குறித்து பதிவிட்டு, இன்றைய தினத்தை தொடங்கினார்.
பஹல்காம் பயங்கரவாத தாக்குதலுக்கு பதிலடியாக இந்தியாவின் வலுவான, வெற்றிகரமான மற்றும் தீர்க்கமான 'ஆபரேஷன் சிந்துர்' குறித்த சிறப்பு விவாதத்தை பாதுகாப்புத் துறை அமைச்சர் ராஜ்நாத் சிங் தொடங்கவுள்ளார்.
நாடாளுமன்ற விவகாரங்கள் துறை அமைச்சர் கிரண் ரிஜிஜு திங்கள்கிழமை அன்று எக்ஸ் தளத்தில் இது குறித்து பதிவிட்டு, இன்றைய தினத்தை தொடங்கினார்.
ஆபரேஷன் சிந்துர் குறித்து மக்களவையில் 16 மணிநேர விவாதம் நடைபெறவுள்ள நிலையில், நாடாளுமன்ற விவகாரங்கள் துறை அமைச்சர் கிரண் ரிஜிஜு திங்கள்கிழமை எதிர்க்கட்சிகளை, "குறிப்பாக காங்கிரஸை", தேசிய நலன்களுக்கு தீங்கு விளைவிக்கும் வகையில் பங்கேற்க வேண்டாம் என்று கேட்டுக்கொண்டார். அவர்கள் "பாகிஸ்தானின் மொழியில் பேசக்கூடாது" என்றும் அவர் மேலும் கூறினார்.
“...பாகிஸ்தான் அத்துமீறிச் செயல்பட்டதால், இந்திய ராணுவம் மூலம் ஆபரேஷன் சிந்துரை தொடங்க பிரதமர் முடிவு செய்தார் என்பது இந்திய மக்களின் விருப்பமாக இருந்தது. இன்று, பஹல்காம் பயங்கரவாத தாக்குதலுக்கு பதிலடியாக நடந்த ஆபரேஷன் சிந்துர் மீதான விவாதம் மக்களவையில் நடைபெறவுள்ளது... எதிர்க்கட்சிகளைக், குறிப்பாக காங்கிரஸை, இந்தியாவின் நலன்களுக்கு தீங்கு விளைவிக்கும் எதையும் செய்ய வேண்டாம் என்றும், பாகிஸ்தானின் மொழியில் பேச வேண்டாம் என்றும் நான் கேட்டுக்கொள்கிறேன். நாம் கவனமாக இருக்க வேண்டும்...” என்று அவர் ஏ.என்.ஐ செய்தி நிறுவனத்திடம் கூறினார். அப்போது என்.டி.ஏ மற்றும் எதிர்க்கட்சி எம்.பி.க்கள் நாடாளுமன்ற வளாகத்தில் போராட்டத்தில் ஈடுபட்டனர்.
#WATCH | Delhi: On Operation Sindoor discussion in Lok Sabha today, Union Parliamentary Affairs Minister, Kiren Rijiju says, "...It was the wish of the people of India, that the PM decided to launch Operation Sindoor through the Indian Army. Today, the Lok Sabha will take up the… pic.twitter.com/Rh2hp99Pba
— ANI (@ANI) July 28, 2025
இந்திய ஆயுதப் படைகளின் மாண்பைப் பேணுவதன் முக்கியத்துவத்தை எடுத்துரைத்த கிரண் ரிஜிஜு: “இந்திய ஆயுதப் படைகளின் மாண்பைப் பேண வேண்டும். காங்கிரஸும் எதிர்க்கட்சிகளும் தேசிய நலன்களுக்கு தீங்கு விளைவிக்கும் எதையும் பேசக்கூடாது... அவர்கள் இந்தியாவுக்கு எதிராகப் பேசும் அனைத்தும் பாகிஸ்தானியர்களாலும், இந்தியாவின் வெளிநாட்டு எதிரிகளாலும் பயன்படுத்தப்படுகிறது...” என்று கூறினார்.
இன்றைய தினத்தை தொடங்கி வைத்து, மத்திய அமைச்சர் எக்ஸ் தளத்தில் எழுதியதாவது: “பாகிஸ்தான் இந்தியா வகுத்த செங்கோட்டை கடந்தபோது, பயங்கரவாத முகாம்கள் தீப்பிடித்து எரிந்தன” என்று குறிப்பிட்டார். மழைக்கால கூட்டத்தொடர், ஒரு வாரம் தொடர்ச்சியான ஒத்திவைப்புகளுக்குப் பிறகு, இரண்டாவது வாரத்தில் நுழைகிறது.
Discussion on #OperationSindoor to begin today...
— Kiren Rijiju (@KirenRijiju) July 28, 2025
When Ravan crossed the Laxman Rekha, Lanka burned. When Pakistan crossed the red lines drawn by India, terrorist camps faced the fire!
जब रावण ने लक्ष्मण रेखा पार की, तो लंका जल गई। जब पाकिस्तान ने भारत द्वारा खींची गई लाल रेखा… pic.twitter.com/GHh6MtkzsL
“ஆபரேஷன்சிந்துர் மீதான விவாதம் இன்று தொடங்கவுள்ளது... ராவணன் லட்சுமண ரேகையை கடந்தபோது, இலங்கை எரிந்தது. பாகிஸ்தான் இந்தியா வகுத்த செங்கோட்டை கடந்தபோது, பயங்கரவாத முகாம்கள் தீப்பிடித்து எரிந்தன” என்று ரிஜிஜுவின் பதிவு கூறியது.
பஹல்காம் பயங்கரவாத தாக்குதலுக்கு பதிலடியாக இந்தியாவின் வலுவான, வெற்றிகரமான மற்றும் தீர்க்கமான 'ஆபரேஷன் சிந்துர்' குறித்த "சிறப்பு விவாதத்தை" பாதுகாப்புத் துறை அமைச்சர் ராஜ்நாத் சிங் தொடங்கவுள்ளதாக பி.டி.ஐ செய்தி வெளியிட்டுள்ளது.
அமெரிக்க அதிபர் டொனால்ட் ட்ரம்ப், இந்தியாவுக்கும் பாகிஸ்தானுக்கும் இடையே அணு ஆயுதப் போரைத் தடுக்க தான் மத்தியஸ்தம் செய்ததாகவும், "போர் நிறுத்தத்திற்கு" அவர்களை சம்மதிக்க வைத்ததாகவும் கூறிய "26 கூற்றுக்கள்" குறித்து எதிர்க்கட்சிகள் அரசாங்கத்தை சிக்கலுக்கு உள்ளாக்கும் என்று எதிர்பார்க்கப்படுகிறது. ட்ரம்ப்பின் கருத்துக்களில், இந்தியாவுடனான வர்த்தகத்தை துண்டிப்பதாக அச்சுறுத்தி ஆபரேஷன் சிந்துரை நிறுத்திவிட்டதாகவும் அவர் கூறியிருந்தார்.
இந்த விவாதம் நீண்ட காலமாக வரவேண்டும், ஆனால் "தாமதமாக வந்தாலும் பரவாயில்லை" என்று காங்கிரஸ் சனிக்கிழமை கூறியது.
பஹல்காம் பயங்கரவாத தாக்குதல் ஏப்ரல் 22 அன்று நடந்தது, ஆனால், அதற்கு நேரடியாக காரணமான பயங்கரவாதிகள் இன்னும் நீதியின் முன் நிறுத்தப்படவில்லை என்று காங்கிரஸ் தலைவர் ஜெய்ராம் ரமேஷ் சனிக்கிழமை கூறினார்.
பாகிஸ்தானின் கோரிக்கையின் பேரில், இரு நாடுகளின் இராணுவ நடவடிக்கைகளின் தலைமை இயக்குநர்கள் (DGMOs) இடையே "நேரடி தொடர்பு" ஏற்பட்ட பிறகு, பாகிஸ்தானை இலக்காகக் கொண்ட துப்பாக்கிச் சூடு மற்றும் இராணுவ நடவடிக்கைகள் நிறுத்தப்பட்டதாக இந்தியா தெளிவுபடுத்தியுள்ளது.
Stay updated with the latest news headlines and all the latest Lifestyle news. Download Indian Express Tamil App - Android or iOS.