கனடா கிரிமினல் நெட்வொர்க் முதல் பாபா சித்திக் கொலை வரை... கேங்ஸ்டர் லாரன்ஸ் பிஷ்னோய் நம்பிக்கைக்குரிய கூட்டாளிகள் யார் தெரியுமா?

2021 ஆம் ஆண்டில், பஞ்சாபின் சங்க்ரூர் மாவட்டத்தில் உள்ள ஒரு கிராமத்தில் ஒரு கொலைக் குற்றம் சாட்டப்பட்டவரைத் தேடி டெல்லி போலீஸ் குழு இறங்கியபோது, ​​அவர்களுக்கு ஆச்சரியமாக இருந்தது. அவர்கள் பின்தொடர்ந்த அந்த நபர் டெல்லியைச் சேர்ந்த முகமது ஷாருக் என்பது, அவர் கேங்ஸ்டர் லாரன்ஸ் பிஷ்னோயின் கூட்டாளி என்பதும் அவர்களுக்கு தெரிய வந்துள்ளது. 

போலீஸ் விசாரணையில், குதிரை ஏலத்தில் 95 லட்ச ரூபாய்க்கு பஞ்சாப் மாநிலம் தேராவைச் சேர்ந்த பாபா என்பவர் ஏலம் எடுத்ததாகவும், இரண்டாவது அதிகப்பட்சமாக 90 லட்ச ரூபாய்க்கு நடிகர் சல்மான் கானுக்கு நெருக்கமான ஒருவர் ஏலம் எடுத்ததாகவும் போலீஸ் விசாரணையில் தெரியவந்துள்ளது. சல்மான்கான் இல்லாததால், முகமது ஷாருக் வெற்றி பெற்ற பாபாவின் மீது தனது கவனத்தைத் திருப்பி, அவரிடம் இருந்து பணம் சம்பாதிக்க முடிவு செய்துள்ளார். பிறகு, அவரிடமிருந்து ரூ. 1 கோடியை மிரட்டி பணம் பறித்ததாகக் கூறப்படுகிறது.

ஆங்கிலத்தில் படிக்கவும்: Lawrence Bishnoi and his band of trusted lieutenants: Killing Baba Siddique to criminal network in Canada, while in jail

குதிரை ஏலத்தில் சரிந்தது வரை, நடிகர் சல்மான் கானின் நடமாட்டத்தை கேங்ஸ்டர் லாரன்ஸ் பிஷ்னாய் கும்பல் எவ்வளவு உன்னிப்பாகக் கண்காணித்து வந்துள்ளது என்பதை அவர்கள் உணரவில்லை என்று காவல்துறை கூறப்படுகிறது. சல்மான் கான் கடந்த 1998 இல் பிளாக்பக் எனும் அரிய வகை மானை வேட்டையாடாடியதாக கூறப்படுகிறது. அந்த மானை கேங்ஸ்டர் லாரன்ஸ் பிஷ்னோயின் சமூகம் தெய்வமாக வழிபட்டு வரும் நிலையில், அந்த சம்பவத்துக்கு பழிவாங்க, நவம்பர் 2023 இல் சல்மான் கான் வீட்டிற்கு வெளியே துப்பாக்கிச் சூடு நடத்தப்பட்டு மிரட்டல் விடுக்கப்பட்டது. அவ்வப்போது போன் மூலமும் மிரட்டல் விடுக்கப்பட்டு வந்தது. இந்த சூழலில் தான், சல்மான் கான் நெருங்கிய நண்பரும், என்.சி.பி  தலைவருமான பாபா சித்திக்கை மும்பையில் வைத்து அக்டோபர் 12 அன்று லாரன்ஸ் பிஷ்னாய் கும்பல் படுகொலை செய்தது. இதன் மூலம் சல்மான் கானுக்கு மீண்டும் மிரட்டல் விடுத்துள்ளனர். 

கடந்த இரண்டு ஆண்டுகளில், பிஷ்னோயின் பெயர், பிரபல பஞ்சாபி பாடகர் சித்து மூஸ்வாலாவை ஜூன் 6, 2022 அன்று கொன்றது முதல், இந்திய அரசாங்கத்தின் "ஏஜெண்டுகள்" என்று கனடாவின் சமீபத்திய குற்றச்சாட்டு வரை, சில முக்கிய குற்றங்களில் அடிபட்டுள்ளது. கனேடிய மண்ணில் பயங்கரவாதத்தை பரப்புவதற்கு பிஷ்னாய் கும்பலுடன் ஒத்துழைத்ததாக இந்தியா மறுத்துள்ளது.

இவை அனைத்தையும் செய்ததாக குற்றம் சுமத்தப்படும், கேங்ஸ்டர் லாரன்ஸ் பிஷ்னோ, ராஜஸ்தானின் சலாசர் பாலாஜி கோவிலுக்கு செல்லும் வழியில் நடந்த மறியலில் காவல்துறையினருடன் முதல் துப்பாக்கிச் சூட்டுக்கு பின்னர், அதாவது 2014 முதல் சிறையில் உள்ளார். அவர் தற்போது அகமதாபாத்தில் உள்ள சபர்மதி மத்திய சிறையில் அடைக்கப்பட்டுள்ளார்.

அவர் பத்தாண்டு காலமாக சிறையில் இருந்தபோதிலும், பிஷ்னோய்யின் நெட்வொர்க் இன்னும் வளர்ந்துள்ளது என்று தேசிய புலனாய்வு நிறுவனம் (என்.ஐ.ஏ) மார்ச் 2023 இல் அவர் மற்றும் 15 பேர் மீதான சட்டவிரோத நடவடிக்கைகள் தடுப்புச் சட்டம் (யு.ஏ.பி.ஏ) வழக்கில் தாக்கல் செய்த 128 பக்க குற்றப்பத்திரிகையில் குறிப்பிட்டுள்ளது. தப்பியோடிய டான் தாவூத் இப்ராஹிமின் எழுச்சியுடன் அவரது எழுச்சியை ஒப்பிட்டு, பிஷ்னோய் தனது சிறை அறையில் இருந்து, "700 செயல்பாட்டாளர்கள், அவர்களில் 300 பேர் அவரது சொந்த மாநிலமான பஞ்சாபிலிருந்து" எனப் ஒரு பெரிய கும்பலைக் கட்டுப்படுத்துகிறார் என்று என்.ஐ.ஏ நம்புகிறது.

இந்த குற்றச்சாட்டுகளை நிராகரித்த பிஷ்னோயின் வழக்கறிஞர் ரஜனி தி இந்தியன் எக்ஸ்பிரஸ்ஸிடம், “சிறையில் உள்ள பிஷ்னோயிடம் இருந்து எந்த தொலைபேசியும் மீட்கப்படவில்லை. எந்தவொரு புலனாய்வு நிறுவனத்தாலும் நிறுவப்பட்ட தகவல்தொடர்பு முறை இல்லை." என்று கூறியுள்ளார். 

பால்கரன் ப்ரார் எனும் ஊரில் பிறந்த அவர் ஏன், எப்படி "லாரன்ஸ் பிஷ்னோய்" ஆனார் என்பது பற்றி பல கதைகள் உள்ளன. இது அவரது தந்தைவழி அத்தையால் "லாரன்ஸ்" பெயர் பரிந்துரைக்கப்பட்டதாக அவர் டெல்லி காவல்துறையின் சிறப்புப் பிரிவு குழுவிடம் கூறினார்.

பிஷ்னோயின் பூர்வீக கிராமமான ஃபாசில்கா மாவட்டத்தின் டோதரன்வாலி கிராமத்தில் ஆலமரத்தடியில் கட்டிலில் அமர்ந்துள்ள அவரது உறவினர் ரமேஷ் பிஷ்னோய் (வயது 50), தி இந்தியன் எக்ஸ்பிரஸ்ஸிடம் பேசுகையில், “எங்கள் குழந்தை இப்படி மாறும்” என்று குடும்பத்தினர் தங்கள் கனவில் நினைத்துப் பார்த்ததில்லை என்று கூறுகிறார்.

“எங்கள் குடும்பம் எப்போதுமே செல்வச் செழிப்பாக இருந்தது. பிஷ்னோயின் தந்தை ஹரியானா காவல்துறையில் கான்ஸ்டபிளாக பணிபுரிந்தவர் மேலும் அவருக்கு சொந்தமாக 110 ஏக்கர் நிலம் உள்ளது. பிஷ்னோய் எப்போதும் விலையுயர்ந்த ஆடைகளையும் காலணிகளையும் அணிந்திருப்பார். உண்மையில், இப்போதும் கூட, அவரது குடும்பம் சிறையில் இருக்கும் அவருக்கு ஆண்டுக்கு 35-40 லட்ச ரூபாய் செலவழிக்கிறது, ”என்று ரமேஷ் கூறுகிறார், அவர் 10 ஆண்டுகளுக்கு முன்பு நீதிமன்ற விசாரணைக்காக அபோஹருக்கு அழைத்து வரப்பட்டபோது அவரை கடைசியாகப் பார்த்துள்ளர். 

பஞ்சாப் பல்கலைக்கழகத்தில் (பி-யு) மாணவர் சங்கத் தேர்தல்களின் போது, போட்டியாளர் மீது துப்பாக்கிச் சூடு நடத்தியதாகக் கூறப்படும் பிஷ்னோய், 2008 ஆம் ஆண்டில் தான் முதன்முறையாக ஜெயில் கம்பிகளுக்குப் பின்னால் அனுப்பப்பட்டார். அங்கிருந்து அவர் கிரிமினல் மூளையாக பரிணமித்ததை என்.ஐ.ஏ குற்றப்பத்திரிகை கண்டறிந்துள்ளது. அப்போது அவர் சண்டிகரில் பி-யு-வில் சட்டம் பயின்றவர். அவரது போலீஸ் ஆவணத்தின்படி, 2008 ஆம் ஆண்டு முதல் பிஷ்னோய் மீது பதிவு செய்யப்பட்ட 84 வழக்குகளில் 18 அவர் கல்லூரியில் இருந்தபோது பதிவு செய்யப்பட்டவை. அங்கு அவர் பஞ்சாப் பல்கலைக்கழகத்தின் மாணவர் அமைப்பில் (எஸ்.ஓ.பி.யு) தலைவராக இருந்தார்.

மாணவர் அரசியல் தான், அவரை சம்பத் நெஹ்ரா, வீரேந்திர பிரதாப் சிங் என்ற கலா ராணா, கோல்டி ப்ரார் என்ற சத்விந்தர்ஜித் சிங் மற்றும் அமந்தீப் முல்தானி ஆகியோருடன் நெருக்கமாகக் கொண்டுவந்தது. இந்த சங்கங்கள் பிஷ்னோய் குற்ற உலகில் இறங்குவதற்கு வழிவகுத்தது, அவரது மாணவர் அமைப்பு தலைவராக நாட்களில் அவர் சிக்கிய ஒரு சண்டையால் தூண்டப்பட்டது. "2008 இல் ஒரு வேட்பாளருக்காக பிரச்சாரம் செய்தபோது, ​​பிஷ்னோய் மற்றும் மற்றவர்கள் ஒரு போட்டி பிரிவைச் சேர்ந்த மாணவர்களுடன் சண்டையிட்டனர்," என்று ஒரு அதிகாரி கூறுகிறார்.

பிஷ்னோயின் நண்பர் முதல் எச்சரிக்கை ஷாட்டை சுட்டதாகவும், மற்றவர்கள் அதை பின்பற்றியதாகவும் போலீஸ் அறிக்கைகள் கூறுகின்றன. ஐந்து நாட்களுக்குப் பிறகு, "மிகவும் விசுவாசமான நண்பர்" பிஷ்னோய் மற்றும் ஏழு பேர் போட்டி வேட்பாளருக்குப் பிரச்சாரம் செய்த நபரின் காரை தீ வைத்து எரித்தனர். “பிஷ்னோய் மற்றும் அவரது எட்டு நண்பர்கள் 10 நாட்களுக்குள் கைது செய்யப்பட்டனர். சிறையில், அவர் தற்போது அமெரிக்காவில் போக்குவரத்து வணிகத்தை நடத்தி வரும் ஆயுத சப்ளையர் ரஞ்சீத் துப்லாவை சந்தித்தார். இருவரும் தங்கள் கிரிமினல் அறிமுகமானவர்களை ஒருவரையொருவர் அறிமுகப்படுத்தினர், ”என்று அந்த அதிகாரி கூறுகிறார்.

சிறையிலிருந்து வெளியே வந்த இரண்டு மாதங்களுக்குப் பிறகு, உடற்கட்டமைப்பு மற்றும் விலையுயர்ந்த ஆடைகளில் நாட்டம் கொண்டிருந்த பிஷ்னோய், மீண்டும் கல்லூரித் தேர்தலில் சிக்கினார். "அவர் மற்ற கல்லூரிகளுக்குச் சென்று போட்டியாளர்களுடன் சண்டையிடுவார். அவர் மீது பல வழக்குகள் பதிவு செய்யப்பட்டன, ஆனால் இரு தரப்பினரும் சமரசத்திற்கு வந்த பிறகு அவை அனைத்தும் ரத்து செய்யப்பட்டன, ”என்று ஒரு அதிகாரி கூறுகிறார்..

2010 இல், மாணவர் தலைவருக்குப் போட்டியிட்டு தோல்வியடைந்த முயற்சிக்குப் பிறகு, அவர் தனது போட்டியாளரைத் தாக்கியதாகக் கூறப்பட்டு காவலில் முடிந்தது. ஜாமீனில் வெளியே, 2011 இல், அவர் அதே பதவிக்கு மீண்டும் மாணவர் தலைவர் தேர்தலில் போட்டியிட்டார். இம்முறை வெற்றி பெற்றார்.

2012 ஆம் ஆண்டில், பிஷ்னோய் பஞ்சாப் பல்கலைக்கழகத்தில் எல்.எல்.பி பட்டம் பெற்றார், ஆனால் அவரும் அவரது நண்பர்களும் மாணவர் அரசியலில் தொடர்ந்து வன்முறையில் ஈடுபட்டுள்ளனர். 2013 இல், அவர் தலைவர் பதவிக்கு ஒரு மாணவர் தலைவர் வேட்பாளரை பரிந்துரைத்தார். பிரச்சாரத்தின் போது, ​​பிஷ்னோய் மற்றும் அவரது கூட்டாளிகள் போட்டி வேட்பாளரை கொன்றுவிட்டு தப்பி ஓடிவிட்டனர்.

"2014 ஆம் ஆண்டு, ராஜஸ்தான் கோவிலுக்குச் செல்லும் போது, ​​போலீஸ் மறியலில் சிக்கியபோது அவரது அதிர்ஷ்டம் தீர்ந்துவிட்டது" என்று அந்த அதிகாரி கூறுகிறார். எவ்வாறாயினும், போலீஸ் காவலில் பிஷ்னோயின் ஓட்டத்தை முடிக்க முடியவில்லை. இப்போது, ​​​​அவர் ஒரு கும்பல் தலைவராக தனது நிலையை உறுதிப்படுத்திக் கொண்டார். 2015 ஆம் ஆண்டில், நீதிமன்றத்தில் ஆஜராகும்போது, ​​அவர் தனது உறவினரின் கொலைக்குப் பழிவாங்குவதற்காக போலீஸ் காவலில் இருந்து தப்பினார். பிஷ்னோய் பின்னர் பஞ்சாபின் ஃபசில்காவில் கைது செய்யப்பட்டார். 

"இந்த நேரத்தில், சிறையில் உள்ள பிஷ்னோய் உடன், அவரது நண்பர் கோல்டி ப்ரார் கும்பலை இயக்கத் தொடங்கினார்," என்று ஒரு அதிகாரி கூறுகிறார். சல்மான் கானைக் கொல்லத் திட்டமிட்டதாகக் கூறி 2018 இல் ஹைதராபாத்தில் ஹரியானா எஸ்.டி.எஃப் போலீசாரால் கைது செய்யப்பட்ட அவரது நெருங்கிய கூட்டாளியான சம்பத் நெஹ்ராவுடன் சிறையில் அடைக்கப்பட்டார். பிஷ்னோய் சில மாதங்களுக்கு முன்பு இருவரும் சண்டையிட்டாலும், கேங்ஸ்டர் கலா ஜாதேதியுடன் கைகோர்த்தார். அவர்கள் ஒன்றாக இருந்தபோது, ​​பிஷ்னோய்-ஜாதேடி கும்பல் டெல்லி, பஞ்சாப், ராஜஸ்தான் மற்றும் ஹரியானாவில் 30-க்கும் மேற்பட்ட கொலைகளை செய்ததாக காவல்துறை கூறுகிறது.

பிஷ்னோயின் மிகப்பெரிய போட்டியாளர்களில், சண்டிகர், மொஹாலி மற்றும் பஞ்ச்குலாவில் மிரட்டி பணம் பறிக்கும் கும்பலை நடத்தியதாகக் கூறப்படும் டேவிந்தர் பாம்பிஹாவும், 2016ல் போலீஸ் என்கவுண்டரில் கொல்லப்பட்டார். சண்டிகர், டெல்லி மற்றும் பஞ்சாப் ஆகிய இடங்களில் கும்பல்களுக்கு இடையேயான போட்டி அடிக்கடி துப்பாக்கிச் சூடுகளுக்கு வழிவகுத்தது. கும்பல்கள் பாதுகாப்புப் பணத்திற்காக மட்டும் சண்டையிடவில்லை, ஆனால் பஞ்சாப் இசைத்துறை மற்றும் கபடி வீரர்கள் மீது மேலாதிக்கத்திற்காகவும், அதனை செய்தார்கள். 

2021 ஆம் ஆண்டில், பிஷ்னோய் "குற்ற உலகத்தை விட்டு வெளியேறி அமைதியாக வாழ விரும்புவதாக" காவல்துறையிடம் கூறியிருந்தார். 2023 இல், அவரிடம் இதே கேள்வி கேட்கப்பட்டது. இருப்பினும், இந்த முறை, "நான் கடந்த 10 ஆண்டுகளாக சிறையில் இருந்தேன், இப்போது நான் வெளியே வர வாய்ப்பில்லை. நான் நாட்டின் நம்பர் 1 குற்றவாளியாக மாற விரும்புகிறேன்." என்று கூறியுள்ளார். 

கோல்டி ப்ரார்

லாரன்ஸ் பிஷ்னோய் சிறையில் இருக்கும் நிலையில், சத்விந்தர்ஜித் சிங் அல்லது கோல்டி ப்ரார் கும்பலின் லிஞ்ச்பினாக அறியப்படுகிறார், அதாவது, விஷயங்களை கையாளுபவராக செயல்படுகிறார், பணிகளை வழங்குகிறார், மேலும் குற்றச் செயல்களைச் செய்ய கும்பலுக்கு ஆயுதங்கள் மற்றும் பிற தளவாடங்களை ஏற்பாடு செய்கிறார்.

இந்த ஆண்டு ஜனவரியில் உள்துறை அமைச்சகத்தால் "பயங்கரவாதி" என்று அறிவிக்கப்பட்ட கோல்டி, (வயது 30), உளவுத்துறை மற்றும் புலனாய்வு அமைப்புகளின் ரேடாரில் சிறிது காலமாக உள்ளார். ஆகஸ்ட் 15, 2017 அன்று, அவர் படிப்பு விசாவில் கனடா சென்றார்.

பஞ்சாப் காவல்துறையின் சமீபத்திய ஆவணத்தின்படி, கொலை, கொலை முயற்சி, மிரட்டி பணம் பறித்தல் மற்றும் போதைப்பொருள் சட்டம், யு.ஏ.பி.ஏ மற்றும் ஆயுதச் சட்டத்தின் கீழ் உள்ள வழக்குகள் உட்பட பல வழக்குகள் அவருடன் இணைக்கப்பட்டுள்ள நிலையில், கோல்டி அமெரிக்காவில் பதுங்கி இருப்பதாக சந்தேகிக்கப்படுகிறது. தற்போது அவர் கனடாவுக்குச் செல்வதற்கு முன் நான்கு வழக்குகளில் இருந்து விடுவிக்கப்பட்டாலும், வெளிநாட்டில் இருந்து கும்பலை இயக்கத் தொடங்கிய பின்னர் அவர் மீது மற்ற வழக்குகள் பதிவு செய்யப்பட்டன.

பஞ்சாபின் முக்த்சரைச் சேர்ந்த, பஞ்சாப் காவல்துறையின் முன்னாள் உதவி சப்-இன்ஸ்பெக்டரின் மகன் கோல்டி, மே 29, 2022 அன்று மான்சா மாவட்டத்தில் பஞ்சாபி பாடகர் சித்து மூஸ்வாலாவைக் கொன்றதற்கு பொறுப்பேற்ற பிறகு கவனத்தை ஈர்த்தார். ஜூன் 2022 இல், இந்தியா அவருக்கு எதிராக இன்டர்போலில் இருந்து ரெட் கார்னர் நோட்டீஸ் பிறப்பித்தது. மே 2023 இல், கனடாவின் மிகவும் தேடப்படும் 25 தப்பியோடிகளின் பட்டியலில் அவரது பெயர் இடம்பெற்றது.

பிஷ்னோய் உடனான கோல்டியின் தொடர்பு சண்டிகரில் உள்ள அவர்களின் கல்லூரி நாட்களில் இருந்து தொடங்கியது. அங்கு அவர்கள் மாணவர் அரசியலில் ஈடுபட்டு வலுவான தந்திரங்களை கையாண்டதாக கூறப்படுகிறது.

சம்பத் நெஹ்ரா

பிஷ்னோய் கும்பலின் மற்றொரு முக்கிய கூட்டாளியும் ஷார்ப் ஷூட்டருமான பால்காரி என்கிற சம்பத் நெஹ்ரா ஓய்வு பெற்ற சண்டிகர் போலீஸ் உதவி சப்-இன்ஸ்பெக்டரின் மகன். ஜூன் 2018 முதல் பதிண்டா மத்திய சிறையில் அடைக்கப்பட்ட நெஹ்ரா, 34, 2014 இல் பிஷ்னோய் கைது செய்யப்பட்ட பிறகு கும்பலின் நடவடிக்கைகளை எடுத்துக் கொண்டார்.

அவரைப் பற்றிய பஞ்சாப் காவல்துறையின் அதிகாரப்பூர்வ ஆவணத்தின்படி, முதலில் ராஜஸ்தானின் சுரு மாவட்டத்தில் உள்ள கலாரியைச் சேர்ந்த நெஹ்ரா, சண்டிகரின் செக்டார் 26 போலீஸ் காலனியில் வளர்ந்தார்.

நம்பிக்கைக்குரிய விளையாட்டு வீரரான அவர் பஞ்சாப் பல்கலைக்கழகத்தின் மாணவர் அமைப்பில் (SOPU) ஈடுபட்டபோது பஞ்சாப் பல்கலைக்கழகத்துடன் இணைந்த கல்லூரியில் இளங்கலை மாணவராக இருந்தார். 2012 மாணவர் சங்கத் தேர்தலின் போதுதான் நெஹ்ரா பிஷ்னோய்யுடன் தொடர்பு கொண்டார், குற்ற உலகில் அவரது பயணத்தை துவக்கினார். பிஷ்னோய் 2012 இல் சட்டக் கல்லூரியில் பட்டம் பெற்றார், நெஹ்ரா 2013 இல் தனது இரண்டாம் ஆண்டில் கல்லூரியில் இரண்டு பாடங்களில் தோல்வியடைந்தார்.

பஞ்சாப், ராஜஸ்தான் மற்றும் சண்டிகர் ஆகிய மாநிலங்களில் உள்ள கும்பல்களுக்கு மறைவிடங்களை வழங்கியதாகக் கூறப்படும் நெஹ்ரா மீது கொலை, கொலை முயற்சி, வழிப்பறி, கார் கடத்தல், கொள்ளை, கொள்ளை மற்றும் மிரட்டி பணம் பறித்தல் உள்ளிட்ட குற்றங்களுக்காக பஞ்சாப், ஹரியானா, ராஜஸ்தான் மற்றும் சண்டிகரில் 65க்கும் மேற்பட்ட கிரிமினல் வழக்குகள் பதிவு செய்யப்பட்டுள்ளதாக காவல்துறை தெரிவித்துள்ளது. 

ஜூன் 2018 இல் ஹைதராபாத்தில் இருந்து கைது செய்யப்பட்ட நெஹ்ரா, ஹரியானா காவல்துறையின் சிறப்பு அதிரடிப் படையிடம், நடிகர் சல்மான் கானை ஒழிக்கும் பணியில் தான் ஈடுபட்டதாகவும், அவரது வீட்டில் ஒரு ரெசிக் கூட நடத்தப்பட்டதாகவும் கூறினார்.

ஹாசிம் பாபா

ஹஷிம் பாபா, (வயது 42) என்ற பயங்கரமான கேங்ஸ்டர், டெல்லியின் கோகுல்புரியில் வளர்ந்தார், அவரது குடும்பம் உ.பி.யின் அலிகார் அருகே உள்ள ஒரு கிராமத்திலிருந்து அங்கு குடிபெயர்ந்த பிறகு. அவர் 8 ஆம் வகுப்புக்குப் பிறகு பள்ளியை விட்டு வெளியேறி தனது தந்தையின் தொழிலில் சேர்ந்து காலணி விற்பனை செய்தார்.

2001 வாக்கில், ஹாஷிம் உள்ளூர் குண்டர்களுடன் தொடர்பு கொண்டார், அவருக்கு எதிராக ஆயுதச் சட்டத்தின் கீழ் முதல் வழக்கு 2002 இல் பதிவு செய்யப்பட்டது. அதன்பிறகு, அவர் அப்பகுதியில் சிறு குற்றங்களில் ஈடுபட்டதாக காவல்துறை கூறுகிறது. ஹாஷிம் 2019 ஆம் ஆண்டு திஹார் சிறையில் இருந்த பிஷ்னோய்  என்ற ஒப்பீட்டளவில் அறியப்படாத கும்பலைச் சந்தித்தார். பிஷ்னோய் குஜராத் சிறைக்கு மாற்றப்பட்டாலும், ஹாஷிம் இன்னும் திகார் சிறையில் இருக்கிறார்.

போட்டி கும்பல்களின் செல்வாக்கைக் குறைக்க இருவரும் கூட்டணி அமைத்ததாக ஒரு அதிகாரி கூறுகிறார். ஒப்பந்தத்தின் ஒரு பகுதியாக, டெல்லியில் உள்ள பிஷ்னோய் கும்பல் பாபாவிடமிருந்து வெடிமருந்துகளைப் பெறத் தொடங்கியது. இரண்டு கும்பல்களும் தொடர்ந்து இணைந்து செயல்படுவதாக போலீசார் கூறுகின்றனர்.

விக்ரம்ஜீத் சிங்

ஐக்கிய அரபு எமிரேட்ஸில் இருந்து நாடுகடத்தப்பட்டு, ஜூலை 2023 இல் என்.ஐ.ஏ-வால் கைது செய்யப்படும் வரை, விக்கி என்கிற விக்ரம்ஜீத் சிங் பிரார் மத்திய கிழக்கில் பிஷ்னோயின் ஆளாக  இருந்தார். என்.ஐ.ஏ-வின் படி, ஐக்கிய அரபு எமிரேட்ஸில் இருந்தபோது, ​​விக்ரம்ஜீத் கும்பலின் நிதிகளைக் கையாண்டார் மற்றும் குற்றச் செயல்களைச் செய்ய கும்பல் உறுப்பினர்களுக்கு தளவாடங்களை வழங்கினார்.

தற்போது ராஜஸ்தானில் உள்ள சிறையில் அடைக்கப்பட்டுள்ள அவர், மாநிலத்தின் ஹனுமன்கர் மாவட்டத்தில் உள்ள திங்காவாலா கிராமத்தைச் சேர்ந்தவர். விக்ரம்ஜீத் பஞ்சாப் பல்கலைக்கழகத்தில் பிஷ்னோயுடன் தொடர்பு கொண்டார், அங்கு இருவரும் பல்கலைக்கழக மாணவர் அரசியலின் ஒரு பகுதியாக இருந்தனர்.

பஞ்சாப் காவல்துறையின் கூற்றுப்படி, விக்ரம்ஜீத் நவம்பர் 4, 2020 அன்று சுற்றுலா விசாவில் துபாய் சென்றார். குறைந்தது 11 கொலை, கொலை முயற்சி மற்றும் மிரட்டி பணம் பறித்தல் போன்ற வழக்குகளில் தேடப்பட்ட அவர், பஞ்சாப், ஹரியானா, ராஜஸ்தான் மற்றும் டெல்லியில் உள்ள காவல்துறையினரின் கோரிக்கைகளின் அடிப்படையில் அவருக்கு எதிராக 11 லுக்அவுட் நோட்டீஸ்களையும் வைத்திருந்தார்.

2022 ஆம் ஆண்டு பஞ்சாபி பாடகர் சித்து மூஸ்வாலா கொலையில் விக்ரம்ஜீத் புலனாய்வு அமைப்புகளின் குறுக்கு நாற்களில் சிக்கினார். அவருக்கு எதிராக இன்டர்போல் ரெட் கார்னர் நோட்டீஸ் மூலம், அவர் ஐக்கிய அரபு எமிரேட்ஸில் இருந்து நாடு கடத்தப்பட்டார். என்.ஐ.ஏ படி, விக்ரம்ஜீத் மூஸ்வாலாவின் கொலைக்கு கோல்டி ப்ரார் "தீவிரமாக உதவினார்".

2021 ஆம் ஆண்டு ஃபரித்கோட் காவல்துறையால் பிடிபட்ட காலிஸ்தான் டைகர் ஃபோர்ஸ் (கேடிஎஃப்) பயங்கரவாதத் தொகுதியில் விக்ரம்ஜீத்தின் பெயரும் உள்ளது. பஞ்சாப் காவல்துறையின் கூற்றுப்படி, தொகுதி உறுப்பினர்கள் தேரா சச்சா சவுதாவைப் பின்பற்றுபவர் மற்றும் 2015 பர்காரி படுகொலை வழக்கில் முக்கிய குற்றவாளியைக் கொல்ல முயன்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“