ரூ4,000 கோடி ஊழல் புகாரில் சிக்கியவர் பா.ஜ.க வேட்பாளர்: யார் இந்த எல்.சி நாகராஜ்?

karnataka election 2023, LC Nagaraj Tamil News: பெங்களூருவை தளமாகக் கொண்ட முதலீட்டு நிறுவனம் தான் ஐ-மானிட்டரி ஆலோனை ( ஐ.எம்.ஏ) நிறுவனம். இந்த நிறுவனத்தின் 4 ஆயிரம் கோடி ரூபாய் ஊழல் வழக்கில் குற்றம் சாட்டப்பட்டுள்ள கர்நாடகா நிர்வாக சேவைகள் (கேஏஎஸ்) முன்னாள் அதிகாரி எல் சி நாகராஜ், கடந்த செவ்வாய்க்கிழமை இரவு பா.ஜ.க வெளியிட்ட முதற்கட்ட வேட்பாளர்கள் பட்டியலில் இடம் பிடித்து இருந்தார்.

சமீபத்தில் பாஜகவில் இணைந்த 55 வயதான அவர், காங்கிரஸ் மற்றும் ஜனதா தளத்தின் (மதச்சார்பற்ற) கோட்டையான துமகுருவில் உள்ள மதுகிரி தொகுதியில் ஆளும் பாஜக கட்சியின் வேட்பாளராக உள்ளார். சிட்டிங் எம்.எல்.ஏ.வான, ஜனதா தள (ஜேடி(எஸ்)) கட்சியைச் சேர்ந்த எம்.வி.வீரபத்ரய்யா, 2018ல் காங்கிரசின் கே.என்.ராஜண்ணாவை அவர் தோற்கடித்து இருந்தார்.

வழக்கமான முதலீட்டுத் திட்டங்களை விட அதிக ஈவுத்தொகையை உறுதி செய்து பொதுமக்களிடம் இருந்து ஆயிரக்கணக்கான கோடிகளை வசூலித்ததாக ஐ.எம்.ஏ நிறுவனம் மீது குற்றம் சாட்டப்பட்டுள்ளது. 2019 ஆம் ஆண்டில், அந்த நிறுவனம் பணத்தைத் திருப்பித் தரத் தவறியதைத் தொடர்ந்து, அதன் அலுவலகங்கள் மூடப்பட்டதால், 41,000 க்கும் மேற்பட்ட முதலீட்டாளர்கள் புகார்களை அளித்தனர். இதனை விசாரணை செய்ய சிறப்பு புலனாய்வுக் குழு (SIT) உருவாக்கப்பட்டது. பெங்களூரு வடக்கு உதவி கமிஷனராக இருந்த நாகராஜ், ஐஎம்ஏ குழுமத்தின் நிறுவனர் முகமது மன்சூர் கானுக்கு தடையில்லா சான்றிதழ் வழங்க 4.5 கோடி ரூபாய் லஞ்சம் பெற்றதாக குற்றம் சாட்டப்பட்டு கைது செய்யப்பட்டார்.

இந்தத் திட்டத்தில் பணத்தை இழந்தவர்களில் பெரும்பான்மையானவர்கள் முஸ்லிம்கள் என்பதால், பி.இசட் ஜமீர் அகமது கான் உட்பட பல காங்கிரஸ் தலைவர்கள் இந்த ஊழலில் ஈடுபட்டதாகவும், ஜனதா தளத்தால் பாதுகாக்கப்படுவதாகவும் பாஜக அப்போது குற்றம் சாட்டியது. ஏனென்றால், அப்போது காங்கிரஸ் - ஜனதா தளத்தின் கூட்டணியில் ஆட்சி நடந்து வந்தது. இந்த ஊழலில் ரூ. 4.5 கோடி லஞ்சம் வாங்கியதாக நாகராஜ் மீது குற்றப்பத்திரிகை தாக்கல் செய்யப்பட்டு மத்திய புலனாய்வுத் துறையிடம் (சிபிஐ) ஒப்படைக்கப்பட்டது.

நாகராஜ் சர்வீஸில் இருந்தபோது, ​​பக்கத்தில் ரியல் எஸ்டேட் தொழிலில் ஈடுபடுவது தெரிந்தது. நவம்பர் 2021ல், நாகராஜின் சொத்துகளில் மாநில ஊழல் தடுப்புப் பிரிவு (ஏசிபி) சோதனை நடத்தியது. ஐஎம்ஏ வழக்கில் அவரது விசாரணை இன்னும் உள்ளூர் நீதிமன்றத்தில் நிலுவையில் இருந்தாலும், வழக்கை ரத்து செய்யுமாறு அவர் பின்னர் கர்நாடக உயர் நீதிமன்றத்தை அணுகினார்.

ஐஎம்ஏ ஊழல் குறித்த ஆரம்ப விசாரணை மாநில ஏசிபியால் மேற்கொள்ளப்பட்டது மற்றும் 2018ல் மதுகிரியில் தோல்வியடைந்த காங்கிரஸ் வேட்பாளரான கே என் ராஜண்ணாவின் மருமகன் ஐபிஎஸ் அதிகாரி எஸ் கிரீஷ் தலைமையிலானது மீண்டும் கட்சியாக உள்ளது. இந்த ஆண்டு வேட்பாளராக அவரும் களமிறங்குகிறார்.

நாகராஜ் கடந்த மாதம் ராஜினாமா செய்தார். அவரது ராஜினாமாவை அரசாங்கம் அனுமதித்தது. ஆனால், விசாரணை நிலுவையில் உள்ளது. இதன் பின்னர் தான் அவருக்கு பாஜக அவருக்கு சீட் வழங்கியுள்ளது.

இது தொடர்பாக பாஜக செய்தித் தொடர்பாளர் எம்ஜி மகேஷ் பேசுகையில், நாகராஜ் எதிர்கொள்ளும் நீதிமன்ற வழக்குகளில் கட்சி தலையிடாது என்றும், அவர் எந்த நீதிமன்றத்தாலும் தண்டிக்கப்படவில்லை என்றும் சுட்டிக்காட்டினார். மேலும், “நாகராஜ் ஊழல் குற்றச்சாட்டுகளை எதிர்கொள்கிறார். ஆனால் இன்னும் அவர் தண்டிக்கப்படவில்லை. ஊழலுக்கு எங்களிடம் சகிப்புத்தன்மை இல்லை. நீதிமன்றத்தில் வழக்கு இருப்பதால், அவர் இன்னும் குற்றமற்றவர். அவருக்கு எதிராக ஏதாவது நிரூபிக்கப்பட்டால், நாங்கள் எங்கள் ஆதரவை திரும்பப் பெறுவோம், ”என்று அவர் கூறினார்.

லஞ்சம் வாங்கியதாக குற்றம் சாட்டப்பட்ட மற்றொரு தலைவரான மடல் விருபக்ஷப்பாவுக்கு போட்டியிட வாய்ப்பு மறுக்கப்பட்டதால், அது கட்சியின் இமேஜைக் கெடுக்காதா என்ற கேள்விக்கு, அவர் குற்றவாளி என்று இன்னும் நிரூபிக்கப்படாத நிலையில், உள்ளூர் மக்களின் கருத்துகளின் அடிப்படையில் சீட்டுகள் வழங்கப்பட்டன என்று மகேஷ் கூறினார்.

மதுகிரி தொகுதியில் பாஜக வேட்பாளர் தேர்வு அக்கட்சியின் நெறிமுறைகளை பிரதிபலிக்கிறது என்று கர்நாடக காங்கிரஸ் பொதுச் செயலாளர் பிஎஸ் சிவன்னா கூறினார். ஐஎம்ஏ வழக்கில் முக்கிய குற்றம் சாட்டப்பட்ட ஒருவருக்கு சீட் கொடுத்துள்ளனர். ஊழல் செய்த பாஜகவிடம் நீங்கள் என்ன எதிர்பார்க்க முடியும்? என்றும் அவர் கேள்வியெழுப்பியுள்ளார்.

மதுகிரியில் பாஜக இதுவரை வெற்றி பெறாத நிலையில், தற்போதைய எம்எல்ஏ வீரபத்ரய்யா நெலமங்கலத்தைச் சேர்ந்தவர். மறுபுறம் காங்கிரஸின் ராஜண்ணா மகடியைச் சேர்ந்தவர். அவர் துமகுருவில் வசித்தவர். ஆனால், நாகராஜ் உள்ளூரில் வசிப்பவர்.

நாகராஜின் நெருங்கிய நண்பரின் கூற்றுப்படி, அவர் போட்டியிட விரும்பவில்லை, ஆனால் நவம்பர் 2021ல் அவரது மனைவி மாரடைப்பால் இறந்த பிறகு அவர் மனதை மாற்றிக்கொண்டார், மேலும் அவரது வீட்டில் ACB சோதனை நடத்தியது. “அவர் நாயக்கா, எஸ்டி சாதியைச் சேர்ந்தவர், ஏழைப் பின்னணியில் இருந்து வந்தவர். அவர் கூலி வேலை செய்து, படிப்பதற்காக விடுதியில் தங்கியிருந்தார்.

நாகராஜ் கூறுகையில், “நான் மன அழுத்தத்தின் ஒரு கட்டத்தில் சென்றேன்… அரசாங்க அமைப்பில் எனக்கு எதிராக வேலை செய்பவர்கள் இருக்கிறார்கள். இறுதியில், என் பிழைப்புக்காக, நான் ஒரு அழைப்பு எடுத்து எனது ராஜினாமாவை சமர்ப்பிக்க வேண்டியிருந்தது.

நாகராஜ் ஆரம்பத்தில் மற்றவர்களுக்கு போட்டியிட உதவ வேண்டும் என்று கூறினார். மதுகிரி 68 ஆண்டுகளாக உள்ளூர் வேட்பாளரை பார்க்கவில்லை. நான் ஒரு சிறிய அணியுடன் இணைந்து, போட்டியிடக்கூடிய உள்ளூர் தலைவர்களை அணுகி, அவர்களுக்கு ஆதரவளிப்பதாக உறுதியளித்தேன். ஆனால் யாரும் ஆர்வம் காட்டவில்லை. நான் பெங்களூருக்கு திரும்ப அழைக்கப்பட்டபோது, ​​நான் பணியாற்றிய குழு கைவிடப்பட்டதாக உணர்ந்தேன். அப்போதுதான் நான் போட்டியிட முடிவு செய்தேன்.

எவ்வாறாயினும், நாகராஜின் கூற்றுகளுக்கு ஒரு நெருங்கிய நண்பர் முரண்பட்டார். அவர் அரசாங்கப் பணியில் இருந்து ராஜினாமா செய்வதற்கு முன்பே கிட்டத்தட்ட ஒரு வருடத்திற்கு முன் தேர்தலில் போட்டியிடத் தயாராகிவிட்டார் என்று கூறினார்.

தமிழ்  இந்தியன்  எக்ஸ்பிரஸின்  அனைத்துசெய்திகளையும்உடனுக்குடன்  டெலிகிராம்  ஆப்பில்  பெற https://t.me/ietamil