ஜம்மு காஷ்மீரில் லித்தியம் வளம் கண்டுபிடிப்பு; இந்தியாவுடன் கூட்டு சேர சிலி ஆர்வம்

 Aanchal Magazine , Anil Sasi

சிலி, அதிக லித்தியம் இருப்புக்களைக் கொண்ட நாடு, உலகளவில் இரண்டாவது பெரிய லித்தியம் உற்பத்தியாளர், இப்போது லித்தியம் தயாரிப்பில் இந்தியாவுடன் கூட்டு சேர ஆர்வமாக உள்ளது.

ஜம்மு காஷ்மீரில் உள்ள ரியாசி மாவட்டத்தின் சலால்-ஹைமானா பகுதியில் 5.9 மில்லியன் டன்கள் கொண்ட புதிதாக நிறுவப்பட்ட இன்ஃபிரெட் லித்தியம் வளங்களை சுரண்டுவதில் தொழில்நுட்ப நிபுணத்துவத்தை விரிவுபடுத்துவதும் இதில் அடங்கும்.

இந்திய அரசாங்கம் எதையும் முறையாகத் தொடங்கினால் நாங்கள் அதற்குத் தயாராக இருக்கிறோம், என்று சிலியின் வெளியுறவு அமைச்சகத்தின் பொதுச் செயலாளர் அலெக்ஸ் வெட்ஸிக் இந்தியன் எக்ஸ்பிரஸிடம் தெரிவித்தார். வர்த்தக அமைச்சகம் மற்றும் வெளியுறவு அமைச்சகம் (MEA) உடன் அவர் வெள்ளிக்கிழமை சந்திப்புகளை நடத்தினார். இதில், வர்த்தகம், தொழில்நுட்பம், புதுப்பிக்கத்தக்க ஆற்றல், விண்வெளி, சுரங்கம் மற்றும் கல்வி உள்ளிட்ட பரந்த துறைகளில் ஒத்துழைப்பு பற்றி விவாதிக்கப்பட்டது.

தற்போது சரக்கு வர்த்தகம் தொடர்பான ஒப்பந்தம் எங்களிடம் உள்ளது. நிச்சயமாக, ஒரு விரிவான பொருளாதார கூட்டு ஒப்பந்தத்தில் சேவைகள் மற்றும் முதலீட்டைச் சேர்ப்பதன் மூலம் எங்கள் பரிமாற்றத்தை மேம்படுத்த விரும்புகிறோம்.

அனைத்து சந்தைகளுடனும், குறிப்பாக ஆசிய பசிபிக் பிராந்தியத்தில் சிறந்த உறவுகளை வைத்திருக்க முயற்சிக்கிறோம். மேலும், நிச்சயமாக, இந்தியா மிகவும் சுவாரஸ்யமான சந்தையாகும், ஏனெனில் இங்கு சாத்தியமான நுகர்வோரின் எண்ணிக்கை வளர்ந்து வருகிறது, என்று அவர் கூறினார்.

சிலி லித்தியம் சுரங்க நிபுணர்களின் நிபுணத்துவத்தைப் பெறுவதற்கான சாத்தியக்கூறுகள் பற்றி அவர் சுட்டிக்காட்டினார், மேலும் SQM போன்ற நிறுவனங்கள் வெள்ளை கார உலோகத்தைச் சுரண்டுவதற்குத் தொழில்நுட்பத்தை பகிர்ந்து கொள்ள தயாராக இருக்கும். இது மின்சார வாகனங்கள் (EVகள்), மடிக்கணினிகள் மற்றும் மொபைல் போன்களை இயக்கும் லித்தியம்-அயன் ரிச்சார்ஜபிள் பேட்டரிகளின் ஒரு முக்கிய மூலப்பொருள் ஆகும்.

லித்தியத்தின் இந்த முன்னேற்றத்தில் அனுபவம் வாய்ந்த ஒரு தனியார் நிறுவனம் உள்ளது. அவர்கள் ஆஸ்திரேலியாவில் முதலீடு செய்துள்ளனர், அங்கு அவர்கள் கோவலன்ட் என்று அழைக்கப்படும் சிலி-ஆஸ்திரேலிய கூட்டு நிறுவனத்தைக் கொண்டுள்ளனர்.

ஆஸ்திரேலியாவில் இருந்து ஏற்றுமதி செய்வதற்காக அவை அடிப்படையில் பேட்டரி தர லித்தியத்தை உற்பத்தி செய்கின்றன.  எனவே, சிலி மற்ற நாடுகளில் லித்தியம் தொழிற்சாலைகளை வளர்க்க உதவுவதில் சாதனை படைத்துள்ளது... இந்திய அரசு லித்தியத்தில் சிலி நிறுவனத்தின் நிபுணத்துவத்தைப் பெற ஆர்வமாக இருந்தால், நிச்சயமாக, நாங்கள் அதற்கு தயார், என்றார்.

இந்தியாவில் காணப்படும் லித்தியம் சிலியில் உள்ள உப்பைப் போலல்லாமல் கனிம வகையைச் சேர்ந்தது என்றாலும், சிலி நிறுவனம் தொழில்நுட்பத்தை மாற்றுவதில் எந்த பிரச்சனையும் இருக்காது, ஏற்கனவே கூட்டு முயற்சியில் ஈடுபட்டுள்ள நாடான ஆஸ்திரேலியாவில் கூட கனிம வடிவில் தான் லித்தியம் உள்ளது என்று வெட்ஸிக் கூறினார்.

உலகின் மொத்த லித்தியம் இருப்புக்களில் 48 சதவீதத்தை சிலி கொண்டுள்ளது, இது பெரும்பாலும் நாட்டின் வடக்கில் அமைந்துள்ள ஒரு பெரிய உப்புத் தளமான சலார் டி அட்டகாமாவில் உள்ளது.

லித்தியம் தொடர்பான இந்தியாவுடனான ஒத்துழைப்பு, சாண்டியாகோ எதிர்நோக்கும் வர்த்தகத்தில் பரந்த அடிப்படையிலான கூட்டாண்மையின் ஒரு பகுதியாக இருக்கும் என்று வெட்ஸிக் சுட்டிக்காட்டினார். சிலியில் இருந்து லித்தியம் கொள்முதல் செய்வதற்கான கூட்டங்களில் கலந்து கொள்வதற்காக சுரங்க அமைச்சகம் மற்றும் NITI ஆயோக்கின் இந்தியக் குழு 2019 அக்டோபரில் சிலிக்கு சென்றிருந்தது.

தூதுக்குழுவினர் நாட்டின் உப்பு அடுக்குகளை பார்வையிட்டனர், ஆனால் கோவிட் தாக்கிய பிறகு அந்த முயற்சி நிறுத்தப்பட்டது. எங்களிடம் கட்டமைப்பு உள்ளது, மேலும் இந்திய அதிகாரிகளுடனான கலந்துரையாடல்கள் இரு தரப்பிலும் உள்ள நிறுவனங்களுக்கு முதலீடு செய்வதற்கான வாய்ப்புகளை உருவாக்குவதில் கவனம் செலுத்துகின்றன, என்று அவர் கூறினார்.

மார்ச் 2019 இல், இந்திய ஜனாதிபதியின் சிலி பயணத்தின் போது, ​​புவியியல் மற்றும் கனிமங்களில் ஒத்துழைப்பு தொடர்பாக இந்தியா மற்றும் சிலி இடையே புரிந்துணர்வு ஒப்பந்தம் (MoU) ஐந்தாண்டுகளுக்கு புதுப்பிக்கப்பட்டது.

2022 ஆம் ஆண்டில், ஆஸ்திரேலியா, அர்ஜென்டினா மற்றும் சிலி போன்ற நாடுகளில் இருந்து மூலோபாய கனிமங்களை பெறுவதற்காக, NALCO, HCL மற்றும் MECL உள்ளிட்ட மத்திய பயன்பாட்டு நிறுவனங்களால் உருவாக்கப்பட்ட ஒரு கூட்டு நிறுவனமான Khanij Bidesh India Limited (KABIL) மூலம் முயற்சிகள் முடுக்கிவிடப்பட்டன.

டிசம்பர் 2022 இல் வெளியிடப்பட்ட அரசாங்க அறிக்கையின்படி, லித்தியம் மற்றும் கோபால்ட் போன்ற பேட்டரி கனிமங்களைக் கண்டறிந்து அவற்றைப் பெறுவதில் KABIL கவனம் செலுத்துகிறது, மேலும் ஆஸ்திரேலியா, அர்ஜென்டினா மற்றும் சிலியில் ஒரு சில நிறுவனங்களுடன் பேச்சுவார்த்தை நடந்து வருகிறது.

சுரங்க அமைச்சகத்தின் இணைக்கப்பட்ட அலுவலகமான இந்திய புவியியல் ஆய்வு (GSI), ஜம்மு காஷ்மீரின், ரியாசி மாவட்டத்தின் சலால்-ஹைம்னா பகுதிகளில் 2020-21 மற்றும் 2021-22 பருவத்தில் - மிகவும் மேம்பட்ட ஜி3 கனிம ஆய்வுத் திட்டத்தை மேற்கொண்டது. இதில் அங்கு 5.9 மில்லியன் டன்கள் லித்தியம் தாது உள்ளதாக மதிப்பிடப்பட்டுள்ளது.

இந்த அறிக்கை ஜே & கே யூனியன் பிரதேச அரசாங்கத்திடம் ஒப்படைக்கப்பட்டுள்ளது. மேலும் ஆய்வு முடிந்ததும் அந்த தளத்தில் லித்தியம் அளவு மதிப்பிடப்படும்.

இந்தியா தற்போது அதன் அனைத்து லித்தியம் தேவைகளையும் இறக்குமதி செய்கிறது, உள்நாட்டு நுகர்வுக்காக இதை முற்றிலும் சார்ந்துள்ளது. லித்தியத்திற்கான ஆதார ஒப்பந்தங்களுக்கான நகர்வு, சீனாவில் இருந்து இறக்குமதிக்கு எதிரான மற்றொரு நகர்வாக கருதப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“