ராணுவ வீரர்கள் மீது தாக்குதல்; தோழி கூட்டு பாலியல் வன்கொடுமை: ம.பி-யில் அதிர்ச்சி

மத்திய பிரதேச மாநிலம் இந்தூர் மாவட்டம் மோவ் கண்டோன்மென்ட் நகரில் உள்ள ராணுவ பயிற்சி தளம் அமைந்துள்ளது. அங்கு பயிற்சி பெற்று வரும் ராணுவ வீரர்கள் தங்களது பெண் தோழிகளுடன் இரவு சுற்றிப் பார்ப்பதற்காக வெளியில் சென்றுள்ளனர். அப்போது, 2 ராணுவ வீரர்கள் தாக்குப்பட்டுள்ளனர். மேலும், அவர்களது இரண்டு பெண் தோழிகளில் ஒருவரை 6 பேர் கொண்ட கும்பல் கூட்டு பாலியல் வன்கொடுமை செய்துள்ளனர். 

6 பேர் கொண்ட கும்பல் ஆயுதங்களால் தாக்கி பணத்தை பறித்துக் கொண்டுள்ளனர். பின்னர், ஒரு ராணுவ வீரர் மற்றும் ஒரு பெண்ணை கடத்திச் சென்றுள்ளனர். மேலும், 10 லட்சம் ரூபாய் கேட்டு மிரட்டியுள்ளனர். போலீசுக்கு தகவல் தெரிவிக்கப்பட்ட நிலையில், சம்பவ இடத்திற்கு விரைந்து அவர்களை மீட்டுள்ளனர். இந்த சம்பவத்தில் தொடர்புடைய 6 பேரில் இருவர் கைது செய்யப்பட்டுள்ளதாகவும், மற்றவர்களை தேடுதல் வேட்டை நடைபெற்று வருவதாகவும் போலீசார் தெரிவித்துள்ளனர்.  

ஆங்கிலத்தில் படிக்கவும்: Out on a night trip, two Army officers assaulted, woman friend gangraped

இது தொடர்பாக, டி.ஐ.ஜி நிமிஷ் அகர்வால் கூறுகையில், மோவ் கன்டோன்மென்ட் நகரைச் சேர்ந்த இரண்டு ராணுவ வீரர்கள் இரவு நேரம் சுற்றிப் பார்ப்பதற்காக வெளியே சென்று, தங்கள் நண்பர்களுடன் காரில் அமர்ந்திருந்தபோது, ​​ஆறு பேர் வந்து, அவர்களை சுற்றி வளைத்து தாக்கியிருக்கிறார்கள். ராணுவ வீரர்களில் ஒருவரும் ஒரு பெண்ணும் அவர்களால் தடுத்து வைக்கப்பட்டதாகவும், மற்ற இருவரிடமும் 10 லட்சம் ரூபாய் கொண்டு வருமாறு கூறியதாகவும் தெரிவித்துள்ளார்கள். 

சென்று பணத்தை பெற்றுக் கொள்ளுமாறு கூறப்பட்ட அதிகாரி, மொபைல் போன் நெட்வொர்க்காக இடத்தை அடைந்ததும் தனது மூத்த அதிகாரிகளுக்கு தகவல் தெரிவித்துள்ளார். அவரது சகாக்கள் வருவதற்குள், தாக்குதல் நடத்தியவர்கள் தப்பி ஓடிவிட்டனர். பாதிக்கப்பட்ட நான்கு பேரும் காலை 6.30 மணியளவில் மருத்துவ பரிசோதனைக்காக மோவ் சிவில் மருத்துவமனைக்கு கொண்டு வரப்பட்டுள்ளனர்." என்று அவர் கூறினார்.

இந்தூர் கிராமப்புற எஸ்பி ஹித்திகா வாசல் தி இந்தியன் எக்ஸ்பிரஸ்ஸிடம் பேசுகையில், "அதிகாலை 2.30 மணியளவில், குற்றம் சாட்டப்பட்ட நபர்களால் தாக்கப்பட்டபோது வீரர்கள் ராணுவ துப்பாக்கிச் சூடு எல்லைக்கு அருகில் இந்த தனிமைப்படுத்தப்பட்ட பகுதியில் இருந்தனர். அவர்கள் மீது கொள்ளை, கற்பழிப்பு மற்றும் ஆயுதச் சட்டத்தின் கீழ் பி.என்.எஸ் பிரிவுகளின் கீழ் வழக்குப் பதிவு செய்யப்பட்டுள்ளது. 

இரண்டு பேரைக் கைது செய்தோம். அவர்களில் ஒருவர் மீது 2016ல் கொள்ளை வழக்கு பதிவு செய்யப்பட்டுள்ளது. இது ஒரு ஒழுங்கமைக்கப்பட்ட கும்பல் அல்ல. அவர்கள் இரவு இடத்தில் கூடியிருந்த இந்த இளைஞர்களைப் பார்த்து அவர்களைத் தாக்க முடிவு செய்துள்ளனர். ஒருவரிடம் கைத்துப்பாக்கியும் இருந்துள்ளது. 

ராணுவ வீரர்கள் ஒருவரிடமும், ஒரு பெண்ணிடமும் பணம் கேட்டுள்ளனர். அவர்கள் சென்றதும், பாலியல் வன்கொடுமை சம்பவம் நடந்துள்ளது. தனது தலைமை அதிகாரியை அணுகினார், உள்ளூர் காவல் நிலையத்திற்கு தகவல் தெரிவிக்கப்பட்டது. 10 நிமிடத்தில் அந்த இடத்தை அடைந்தோம். போலீஸ் வாகனத்தை பார்த்ததும், குற்றவாளி தப்பியோடிவிட்டார். 

குறைந்தது 10 ஸ்டேஷன் ஹவுஸ் அதிகாரிகளை தனிப்படை அமைக்கப்பட்டுள்ளது. மற்ற குற்றம் சாட்டப்பட்டவர்களின் அடையாளம் மற்றும் இருப்பிடத்தைக் கண்டறிய முயற்சி செய்து வருகிறார்கள்" என்று அவர் கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“