‘மணிப்பூர் முதல்வர் பைரேன் சிங்கின் நோக்கம் நல்லதல்ல; இம்பால் கூட்டத்தை புறக்கணித்த எம்.எல்.ஏ.க்கள்

மணிப்பூர் முதல்வர் என். பைரேன் சிங் இம்பாலில் திங்கள்கிழமை கூட்டிய என்.டி.ஏ கூட்டணி எம்.எல்.ஏ-க்களின் கூட்டத்தை புறக்கணித்த 4 சட்டமன்ற உறுப்பினர்கள், மாநில அரசு நம்பிக்கை நெருக்கடியுடன் போராடும் நேரத்தில் இது ஒரு "பிம்பத்தை உருவாக்கும் நடைமுறை" என்று நிராகரித்ததன் பின்னணியில் உள்ள உள்நோக்கம் என்ன என்று கேள்வி எழுப்பியுள்ளனர்.

ஆங்கிலத்தில் படிக்க: ‘CM Biren’s intent not good,’ say MLAs who skipped Imphal meeting, ‘that is why crisis continuing’

இந்தக் கூட்டத்தில் கூறப்பட்ட நிகழ்ச்சி நிரல் “மாநிலத்தில் வளர்ந்து வரும் சட்டம் ஒழுங்கு நிலைமையை மறுபரிசீலனை செய்வது” என்று சுட்டிக்காட்டிய ஆளும் பா.ஜ.க மூத்த எம்.எல்.ஏ ஒருவர் கூறினார்: “டி.ஜி.பி, பாதுகாப்பு ஆலோசகர், சி.ஆர்.பி.எஃப் மற்றும் அசாம் ரைபிள்ஸ் ஐ.ஜி-க்கள் மற்றும் தலைமைச் செயலாளர் உட்பட அதிகாரிகள் அனைவரையும் ஒருங்கிணைத்து முதல்வர் ஒரு கூட்டத்தைக் கூட்டியிருக்க வேண்டும். இதில் எம்.எல்.ஏ-க்கள் கூட்டம் என்ன சாதிக்கப் போகிறது?” என்று கேள்வி எழுப்பினார்.

இந்த கூட்டத்தில் நிறைவேற்றப்பட்ட தீர்மானத்துக்கும், “சட்டம் மற்றும் ஒழுங்குக்கு எந்த தொடர்பும் இல்லை” என்று பா.ஜ.க மூத்த எம்.எல்.ஏ மேலும் கூறினார்.  “அமைதியை மீட்டெடுப்பதில் மட்டுமே கவனம் செலுத்த வேண்டும், இதற்கும் அதற்கும் எந்த தொடர்பும் இல்லை.” என்று கூறினார்.

நவம்பர் 11-ம் தேதி ஜிரிபாமில் இருந்து 6 மெய்தி இனப் பெண்கள் மற்றும் குழந்தைகள் கடத்தப்பட்டு கொல்லப்பட்டதற்கு பொறுப்பான குக்கி போராளிகளுக்கு எதிராக பெரிய அளவில் நடவடிக்கைகளை எடுக்க வேண்டும் என்று தீர்மானம் கோரியது. மேலும், பள்ளத்தாக்கின் 6 காவல் நிலையப் பகுதிகளில்  “ஆயுதப்படைகளுக்கு சிறப்பு அதிகாரங்கள் அளிக்கும் சட்டம் (AFSPA) விதித்ததை மறுபரிசீலனை செய்ய வேண்டும்” என்று மத்திய அரசை வலியுறுத்தியுள்ளது. மேலும், கோரிக்கைகள் குறிப்பிட்ட காலத்திற்குள் செயல்படுத்தப்படாவிட்டால், என்.டி.ஏ சட்டமன்ற உறுப்பினர்கள் எதிர்கால நடவடிக்கை குறித்து மக்களுடன் ஆலோசித்து முடிவெடுப்பார்கள்” என்றும் கூறினார்.

இந்த கூட்டத்தில் கலந்து கொள்ளாத மற்றொரு பா.ஜ.க எம்.எல்.ஏ பைரேன் சிங்கைத் தாக்கினார்: “அவரது எண்ணம் நல்லதல்ல. அதனால்தான், நெருக்கடி நீடிக்கிறது. இரு தரப்புக்கும் இடையே பேச்சுவார்த்தை மூலம் மட்டுமே தீர்வு காண முடியும்.” என்று கூறினார்.

எம்.எல்.ஏ மேலும் கூறியதாவது: “மோதல் தொடங்கியதில் இருந்து முதல்வர் கூட்டிய இதுபோன்ற பல கூட்டங்களில் நாங்கள் கலந்து கொண்டோம்... எங்களை அழைத்து, ஒன்றாக அமர்ந்து, புகைப்படங்கள் எடுக்கப்படுகின்றன, கையெழுத்து வாங்கப்படுகிறது, புகைப்படங்கள் டெல்லிக்கு எடுத்துச் செல்லப்படுகின்றன. ஆனால், எங்களிடம் ஒருபோதும் முன்மொழிவுகள் அல்லது பரிந்துரைகள் கேட்கப்படுவதில்லை. அதனால்தான், நாங்கள் கலந்து கொள்ளவில்லை. பேரவைத் தலைவர் என்ற முறையில் சபாநாயகர் சட்டமன்ற உறுப்பினர்கள் கூட்டத்தை கூட்டினால் நாங்கள் செல்வோம். நேற்று முன்தினம், அமைச்சரவை கூட்டம் நடந்தது. அதன் பிறகு, இதன் நோக்கம் என்ன?” என்று கேள்வி எழுப்பினார்.

சபாநாயகர் சத்யபிரதா சிங், தற்செயலாக கூட்டத்தில் கலந்து கொள்ளாதவர்களில் ஒருவராக இருந்தார், இருப்பினும், அவர் இது குறித்து முன்கூட்டியே தெரிவித்ததாக கூறப்படுகிறது.

இந்த கூட்டத்தில் கலந்து கொள்ளாத எம்.எல்.ஏ.க்களின் பட்டியலை வெளியிட்டதற்கும், தகவல் அளித்த பிறகு யார் அவ்வாறு செய்தார்கள், வராதவர்களைக் குறிப்பிடுவதற்கும் பின்னணியில் உள்ள யோசனை என்ன என்று கேள்வி எழுப்பினார்.

“அவரது (பைரேன் சிங்கின்) நிலை பாதுகாப்பற்றது என்பதையே காட்டுகிறது இது. கூட்டத் தீர்மானத்தைப் பகிர்வது ஒன்றுதான். ஆனால், எங்களை பள்ளிக்கூட குழந்தைகள் போல, யார் வந்தார்கள், யார் வரவில்லை, யார் விடுப்பு எடுத்தார்கள் என்று யாரிடம் விளக்குகிறார்” என்று கூட்டத்தில் கலந்துகொள்ளாத எம்.எல்.ஏ கேள்வி எழுப்பினார்.

மேலும், தகவல் தெரிவிக்காமல் கலந்துகொள்ளாமல் இருந்த சட்டமன்ற உறுப்பினர்களுக்கு நோட்டீஸ் அனுப்பப்பட்டதாகவும், அது தனக்கு வரவில்லை ஏன் என்றும் அவர் கேள்வி எழுப்பினார். "இந்தக் கருத்து... நமக்கு மணிப்பூரின் முதல்வர் தேவை என்று கூறி வரும் அதிருப்தியாளர்களுக்கு ஒருவித அச்சுறுத்தலாகும், மெய்திகளுடைது அல்ல" என்று அந்த எம்.எல்.ஏ கூறினார்.

திங்கள்கிழமை கூட்டம் முடிந்தவுடன், இந்த கூட்டத்தில் நிறைவேற்றப்பட்ட தீர்மானம் மற்றும் கூட்டத்தில் கலந்து கொண்டதாக கூறப்படும் பைரேன் சிங் உட்பட 26 எம்.எல்.ஏ-க்களின் பெயர்கள் மற்றும் கையெழுத்துகள் அடங்கிய கையேடு வெளியிடப்பட்டது. இந்த கூட்டத்தில் கலந்து கொள்ளாத 18 எம்.எல்.ஏ-க்களின் பெயர்கள் இரண்டு கூடுதல் பட்டியல்களில் இடம் பெற்றுள்ளன.

இதில், 7 எம்.எல்.ஏ.க்களின் பெயர்கள், "முறையான விண்ணப்பம்" அல்லது "மருத்துவ அடிப்படையில்" அவர்கள் கூட்டத்தில் கலந்து கொள்ள முடியாது என்று தெரிவிக்கப்பட்டதாக அறிவிக்கப்பட்டது. இந்தப் பட்டியலில் மணிப்பூர் சபாநாயகர் உட்பட 3 பா.ஜ.க எம்.எல்.ஏ-க்களும், நாகா மக்கள் முன்னணி (என்.பி.எஃப்) மற்றும் ஜே.டி(யு) ஆகிய கட்சிகளின் தலா ஒரு சட்டமன்ற உறுப்பினரும், தேசிய மக்கள் கட்சியை (என்.பி.பி) சேர்ந்த 2 எம்.எல்.ஏ-க்களும் இருந்தனர். இந்த வார தொடக்கத்தில், மணிப்பூரில் பா.ஜ.க அரசுக்கு அளித்து வந்த ஆதரவை வாபஸ் பெறுவதாக என்.பி.பி அறிவித்தது.

மற்ற பட்டியலில் 11 எம்.எல்.ஏ.க்கள் எந்த காரணமும் இல்லாமல் கூட்டத்தை புறக்கணித்ததாக கூறப்படுகிறது. மேலும், அவர்களுக்கு நோட்டீஸ் அனுப்பியதாக அரசு கூறுகிறது. அவர்கள் அனைவரும் பா.ஜ.க-வின் 9 சட்டமன்ற உறுப்பினர்கள் (அவர்களில் ஒருவர் அமைச்சர் யும்னம் கேம்சந்த்), ஒரு சுயேட்சை மற்றும் என்.பி.பி கட்சியைச் சேர்ந்த ஒருவர் உட்பட மணிப்பூரின் மெய்தி ஆதிக்கம் நிறைந்த பள்ளத்தாக்கு பகுதிகளைச் சேர்ந்த எம்.எல்.ஏ-க்கள் ஆவர்.

தி இந்தியன் எக்ஸ்பிரஸிடம் தங்களுக்கு நோட்டீஸ் வரவில்லை என்று கூறிய நால்வரும் இந்த 11 பேர் கொண்ட பட்டியலில் உள்ளனர். 26 எம்.எல்.ஏ-க்கள் கூட்டத்தில் கலந்து கொண்டார்களா என்ற கேள்வியும் உள்ளது. அவர்களின் பெயர்கள் மற்றும் கையெழுத்துடன் வெளியிடப்பட்ட பட்டியலில் கூறப்பட்டுள்ளது. 26 பேரில் குறைந்தது இருவரின் அலுவலகங்கள் அவர்கள் இல்லை என்று இந்தியன் எக்ஸ்பிரஸ்ஸுக்கு தெரிவித்தன.

இது குறித்து எம்.எல்.ஏ ஒருவர் கூறியதாவது: நவம்பர் 17-ம் தேதி கூட்டம் நடத்துவது தொடர்பான அறிவிப்பு வந்ததும், நான் அங்கு வருவேன் என வாய்மொழியாக தெரிவித்தேன். ஆனால், தனிப்பட்ட பிரச்னைகளால் என்னால் கலந்து கொள்ள முடியவில்லை” என்றார்.

ஆனால், கூட்டத்தில் கலந்துகொண்டவர்களின் பட்டியலில் அவரது கையெழுத்து எப்படி இருந்தது என்பதை எம்.எல்.ஏ-வால் கூற முடியவில்லை. முதலமைச்சர் அலுவலகத்திற்கு நெருக்கமான ஒரு வட்டாரம் இதை குறைத்து மதிப்பிட்டது, எம்.எல்.ஏக்கள் "தங்கள் கையெழுத்தைப் பயன்படுத்துவதில்" எதிர்க்கவில்லை என்று சுட்டிக்காட்டினர். இந்த வட்டாரம் மேலும் கூறியது: “தலைமைச் செயலாளர் நிலையத்திற்கு வெளியே இருந்தாலும், அவரது ஒப்புதலுடன் அவரது கையெழுத்தின் ஸ்கேன் செய்யப்பட்ட நகல் பயன்படுத்தப்படுகிறது.” என்று கூறியது.

மணிப்பூர் நெருக்கடியைத் தீர்ப்பதில் "தோல்வியுற்றதால்" அவரது அரசாங்கத்திற்கு ஆதரவை வாபஸ் பெறுவதாக என்.பி.பி கூறிய ஒரு நாளுக்குப் பிறகு, திங்கள்கிழமை நடந்த இந்த கூட்டம் பைரேன் சிங்கின் வலிமையைக் காட்டுவதாகக் காணப்பட்டது. என்.பி.பி-யை எண்ணி பார்த்தால், 45 என்.டி.ஏ கூட்டணி எம்.எல்.ஏ-க்கள் கலந்து கொள்வார்கள் - பா.ஜ.க-வின் 30 எம்.எல்.ஏ, என்.பி.எஃப்-ன் 5 எம்.எல்.ஏ, ஜே.டி(யு)-வில் ஒருவர் என என்.டி.ஏ-வை ஆதரிக்கும் 2 சுயேட்சைகள் மற்றும் 7 என்.பி.பி கட்சி எம்.எல்.ஏ-க்கள் கலந்து கொள்வார்கள்.

பா.ஜ.க-வுக்கு மேலும் 7 எம்.எல்.ஏ.க்கள் உள்ளனர். ஆனால், அவர்கள் குக்கி - ஜோமிகள் மற்றும் பைரேன் சிங் கூட்டத்துக்கு வரவில்லை. வெறும் 26 பேர் மட்டுமே வந்திருந்தாலும், அவர்கள் விலகி இருப்பதற்கான காரணங்களைக் கூறிய 8 பேரைக் கணக்கிட்டால், 60 உறுப்பினர்களைக் கொண்ட சட்டசபையில் பைரேன் சிங் அரசாங்கத்திற்கு பெரும்பான்மை உள்ளது.