மணிப்பூர் சி.ஆர்.பி.எப் முகாம் மீது தாக்குதல்: துப்பாக்கி, வேனை விட்டுச் சென்ற மர்ம கும்பல்

மணிப்பூரின் ஜிரிபாம் மாவட்டத்தில் உள்ள சிஆர்பிஎஃப் முகாம் மீது நவம்பர் 11 ஆம் தேதி நடந்த தாக்குதலில் ஆயுதமேந்திய 10 பேர் கொல்லப்பட்டனர். 

முகாமை குறிவைத்த குழு, முகாமுக்கு வெளியே சிஆர்பிஎஃப் குண்டு துளைக்காத பல்நோக்கு வாகனத்தை (எம்பிவி) கவனிக்கவில்லை என்று அதிகாரிகள் தெரிவித்தனர். எம்பிவியில் பொருத்தப்பட்ட லைட் மெஷின் கன் (எல்எம்ஜி) முதலில் வெடித்ததில் 10 பெரும்பாலானோர் இறந்ததாகக் கூறப்படுகிறது.

ஆங்கிலத்தில் படிக்க:

Manipur: CRPF camp attackers missed vehicle with light machine gun, died in hail of gunfire

ஜகுராதோரில் உள்ள சிஆர்பிஎஃப் முகாம் மற்றும் அருகிலுள்ள போரோபெக்ரா காவல் நிலையத்தின் மீது ஆயுதமேந்திய மர்மநபர்கள் அப்பகுதியில் உள்ள வீடுகள் மற்றும் கடைகளைத் தாக்கிய சிறிது நேரத்திலேயே துப்பாக்கிச் சூடு நடத்தப்பட்டது என்று போலீசார் தெரிவித்தனர்.

மணிப்பூர் காவல்துறை மற்றும் மத்திய பாதுகாப்பு குழுவினர் நவம்பர் 11 பிற்பகல் 2.30 மணியளவில், போரோபெக்ரா காவல் நிலையம், அதன்  வரம்பிற்குட்பட்ட நிவாரண முகாம் மற்றும் அதன் அருகிலுள்ள சில கிராமங்கள் மீது 40-50 ஆயுதமேந்திய குழுவால் தாக்குதல் நடத்தப்பட்டதாக கூறப்படுகிறது. மற்றொரு குழு காவல் நிலையம் அருகே உள்ள சிஆர்பிஎஃப் முகாம் மீது தாக்குதல் நடத்தியது.

“சிஆர்பிஎஃப் வீரர்கள் முகாமைப் பாதுகாப்பதில் கவனமாக இருந்த நிலையில்  மற்ற குழுக்கள் நிவாரண முகாம் மற்றும் அதை ஒட்டிய கிராமங்களை குறிவைத்தன. முகாமுக்கு வெளியே ஆயுதம் ஏந்திய பணியாளர்களுடன் நிறுத்தப்பட்டிருந்த MPV மற்றும் வாகனத்தின் மீது எல்எம்ஜி பொருத்தப்பட்டிருந்தது,” என்று ஒரு அதிகாரி கூறினார்.

முகாம் மீது துப்பாக்கிச் சூடு நடந்தவுடன், எம்பிவியில் இருந்த பணியாளர்கள் எல்எம்ஜி மூலம் துப்பாக்கிச் சூடு நடத்தியதாக தெரிவித்தன. இரு தரப்பினரும் சுமார் அரை மணி நேரம் துப்பாக்கிச் சூடு நடத்தியதாக, ” மற்றொரு அதிகாரி கூறினார்.

சி.ஆர்.பி.எஃப் உடனான மோதலில் கொல்லப்பட்ட 10 பேரில் ஒன்பது பேர் சுராசந்த்பூரைச் சேர்ந்தவர்கள் என்றும் அவர்களிடம் இருந்து ஏகே 47 ரக துப்பாக்கிகள், எஸ்எல்ஆர் மற்றும் ஆர்பிஜி ஆகியவற்றை மீட்டுள்ளதாகவும் அதிகாரி ஒருவருக்கு காயம் ஏற்பட்டதாகவும் மூத்த சிஆர்பிஎஃப் அதிகாரி ஒருவர் தெரிவித்தார்.

சம்பவம் நடந்த ஒரு நாளுக்குப் பிறகு, ஜகுராத்தூரில் உள்ள வீடுகளில் இருந்து இரண்டு ஆண்களின் உடல்கள் காவல்துறையினரால் மீட்கப்பட்டன. போலீசாரின் கூற்றுப்படி, நவம்பர் 11 வன்முறைக்குப் பிறகு போரோபெக்ரா காவல் நிலையத்தின் கீழ் உள்ள நிவாரண முகாமில் இருந்து காணாமல் போன 10 பேரில் இருவராக இருக்குமோ என்றும் மேலும் காணாமல் போனவர்களில் 3 குழந்தைகள் உட்பட ஒரே குடும்பத்தைச் சேர்ந்த 6 பேர் அடங்குவர் என்றும் கூறினர்.

மொய்ராங், கோட்ரூக் பகுதிகளில் குண்டுவெடிப்பு மற்றும் ராக்கெட் தாக்குதலைத் தொடர்ந்து சிறிது அமைதி நிலவுவதாக வட்டாரங்கள் தெரிவித்தன. ஜிரிபாம் மாவட்டத் தலைமையகத்திற்கு அருகிலுள்ள ஒரு கிராமத்தைச் சேர்ந்த 31 வயது பெண் ஒருவர் கொல்லப்பட்டதில் இருந்து புதிய வன்முறை தொடங்கியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“