மணிப்பூர் நிலவரம்: அனைத்துக் கட்சிக் கூட்டத்திற்கு அமித்ஷா அழைப்பு

மே 3 முதல் இன மோதல்களால் பாதிக்கப்பட்டுள்ள மணிப்பூர் மாநிலத்தில்  நிலைமை குறித்து விவாதிக்க மத்திய உள்துறை அமைச்சர் அமித் ஷா, புதுடெல்லியில் ஜூன் 24ஆம் தேதி அனைத்துக் கட்சிக் கூட்டத்துக்கு அழைப்பு விடுத்துள்ளார்.

புதன்கிழமை மாலை ஒரு ட்விட்டர் பதிவில், உள்துறை அமைச்சகத்தின் செய்தித் தொடர்பாளர் கூறியதாவது: மணிப்பூரின் நிலைமை குறித்து விவாதிக்க மத்திய உள்துறை அமைச்சர் அமித்ஷா அனைத்துக் கட்சிக் கூட்டத்தை ஜூன் 24ஆம் தேதி பிற்பகல் 3 மணிக்கு டெல்லியில் கூட்டியுள்ளார்.

அசாம் முதல்வர் ஹிமந்தா பிஸ்வா சர்மா டெல்லியில் ஷாவை சந்தித்த உடனேயே இந்த அறிவிப்பு வெளியானது.

மே 3 முதல் மணிப்பூரில் இனக்கலவரங்கள் வெடித்தன. (PTI)

தேசிய ஜனநாயகக் கூட்டணியின் (NDA) வடகிழக்கு பிரிவான, வடகிழக்கு ஜனநாயகக் கூட்டணி (NEDA) கன்வீனராகவும் இருக்கும் ஹிமந்தா பிஸ்வா சர்மா, ஜூன் 10 அன்று இம்பாலுக்குச் சென்று மணிப்பூர் முதல்வர் என் பிரேன் சிங் மற்றும் பல அரசியல் தலைவர்களைச் சந்தித்தார்.

இந்த விவகாரத்தில் பிரதமரின் மவுனம் குறித்து எதிர்க்கட்சிகள் கேள்வி எழுப்பியுள்ளன, வன்முறை மாநிலத்தில் "ஆழமான காயத்தை" ஏற்படுத்தியதாக, சோனியா காந்தி புதன்கிழமை கூறினார்.

தற்செயலாக, இன்று (ஜூன் 23) 2024-ல் பாஜகவை எதிர்ப்பதற்கான வியூகத்தை வகுப்பதற்காக 20 எதிர்க்கட்சிகளின் தலைவர்கள் பாட்னாவில் கூடினர்.

அமித்ஷா அனைத்து அரசியல் கட்சிகளுக்கும் அழைப்பு விடுத்துள்ளதாகவும், முட்டுக்கட்டையை உடைப்பதற்கான வழி பற்றி விவாதிக்க அவர்கள் பாராளுமன்ற நூலக கட்டிடத்தில் கூடுவார்கள்.

எதிர்க்கட்சித் தலைவர்கள் மற்றும் கூட்டாளிகளுக்கு தற்போதைய நிலைமை குறித்தும், எடுக்கப்பட்ட மற்றும் எடுக்க வேண்டிய நடவடிக்கைகள் குறித்தும்  அமித்ஷா விளக்குவார் என்று அதிகாரி ஒருவர் தெரிவித்தார்.

மற்றொரு அதிகாரி, சிஆர்பிஎஃப் டிஜி சுஜோய் லால் தாசனும் சில நாட்களுக்கு முன்பு மணிப்பூருக்குச் சென்று பாதுகாப்புப் பணியாளர்களை சந்தித்தார். நிலைமையை கட்டுக்குள் கொண்டு வருவதற்கான நடவடிக்கைகள் குறித்தும் அவர் ஆலோசனை நடத்தினார்.

கடந்த மாதம், அமித் ஷா மணிப்பூருக்கு நான்கு நாட்கள் பயணம் செய்து, அமைதியை மீட்டெடுப்பதற்கான முயற்சிகளின் ஒரு பகுதியாக, பலதரப்பட்ட மக்களைச் சந்தித்தார்.

நிவாரண முகாம்களில் உள்ள மெய்தி மற்றும் குகி ஆகிய இரு சமூகங்களைச் சேர்ந்த பாதிக்கப்பட்டவர்களை அவர் சந்தித்து, அவர்களுக்கு போதுமான பாதுகாப்பு குறித்து உறுதியளித்தார். அவர்கள் பாதுகாப்பாக வீடு திரும்புவதை உறுதி செய்வதே அரசின் கவனம் என்றார்.

அமித் ஷா மே 29 முதல் மாநிலத்திற்கு நான்கு நாள் பயணத்தை மேற்கொண்டார், மெய்தி மற்றும் குகி தலைவர்களை சந்தித்து பல வாக்குறுதிகளை அளித்தார்.

இருப்பினும், மே 3 முதல் 5 வரையிலான ஆரம்ப பெரிய அளவிலான மோதல்களுக்குப் பிறகு, மணிப்பூர் வன்முறையின் இரண்டாவது அலையைக் கண்டது, முதன்மையாக குக்கி ஆதிக்கம் செலுத்தும் மலைகள் மற்றும் மெய்தி ஆதிக்கம் செலுத்தும் பள்ளத்தாக்குக்கு இடைப்பட்ட பகுதிகளில் தீ வைப்பு மற்றும் துப்பாக்கிச் சூடு போன்ற வன்முறைகள் நிகழ்ந்தன.

ஜூன் 13 இரவு, மணிப்பூரின் காங்போக்பி மாவட்டத்தில் உள்ள ஐகேஜாங் கிராமத்தில் துப்பாக்கிச் சூடு மற்றும் தீவைப்பு சம்பவங்களில் ஒன்பது பேர் கொல்லப்பட்ட பிறகு வன்முறை மிகவும் மோசமானது.

இந்த புதிய வன்முறை சம்பவங்களில் ஆளும் பாஜகவைச் சேர்ந்த பலர் உட்பட தேர்ந்தெடுக்கப்பட்ட பிரதிநிதிகளின் வீடுகள் மீதான தாக்குதல்களும் அடங்கும். இந்த வார தொடக்கத்தில் பிரதமருக்கு அளித்த குறிப்பில், மணிப்பூரைச் சேர்ந்த 8 பாஜக எம்.எல்.ஏக்கள், மாநில அரசின் மீது பொதுமக்கள் நம்பிக்கை இழந்துவிட்டதாகக் கூறியுள்ளனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“