கர்நாடகாவில் புதிய கட்சி தொடங்கிய பெல்லாரி ரெட்டி.. பாதிப்பு இல்லை எனக் கூறும் பா.ஜ.க.

சுரங்க தொழில் அதிபரும், கர்நாடக முன்னாள் அமைச்சருமான கலி ஜனார்தன் ரெட்டி புதிய அரசியல் கட்சியை ஞாயிற்றுக்கிழமை (டிச.25) அறிவித்து, வரும் சட்டமன்றத் தேர்தலில் கொப்பல் மாவட்டத்தில் உள்ள கங்காவதி தொகுதியில் போட்டியிடப் போவதாக தெரிவித்துள்ளார்.

2008 முதல் 2011 வரையிலான பாஜக தலைமையிலான கர்நாடக அரசாங்கத்தில் சுற்றுலா மற்றும் உள்கட்டமைப்பு மேம்பாட்டு அமைச்சராக இருந்த ரெட்டி, சட்டவிரோத பண பரிமாற்றம் மற்றும் பணமோசடி செய்ததாக எழுந்த குற்றச்சாட்டை மத்திய புலனாய்வு அமைப்பு (சிபிஐ) விசாரித்து வருகிறது.

இந்த நிலையில், தனது கட்சியான கல்யாண ராஜ்ய பிரகதி பக்ஷா, சமூக சீர்திருத்தவாதி பசவண்ணாவின் கொள்கைகளை பின்பற்றும் என்றும், மதம் மற்றும் சாதியின் பெயரால் நடத்தப்படும் பிளவுபடுத்தும் அரசியலுக்கு எதிராக நிற்கும் என்றும் ரெட்டி செய்தியாளர் கூட்டத்தில் கூறினார்.

இந்த மாத தொடக்கத்தில் ஆந்திரப் பிரதேச முதல்வர் ஜெகன் மோகன் ரெட்டியைச் சந்தித்த பிறகு, ரெட்டி புதிய அரசியல் அமைப்பைத் தொடங்குவார் என்று ஊகங்கள் பரவின.
அவருக்கும் கட்சிக்கும் எந்த தொடர்பும் இல்லை என்று பாஜக தலைவர்கள் கூறி வந்தாலும், அவர் இன்னும் பாஜகவுடன் தான் இருப்பதாக மாநிலம் முழுவதும் உள்ள மக்கள் நம்புவதாக ரெட்டி கூறினார்.
தொடர்ந்து,"அது பொய்யாகிவிட்டது," என்றும் பாஜகவை விட்டு வெளியேறுவது எனது கடினமான முடிவு என்றும் அவர் கூறினார்.

“சில ஆண்டுகளாக பாஜக தன்னைப் புறக்கணித்து வருவதால் ரெட்டி வருத்தமடைந்துள்ளார்," என்று பாஜக நிர்வாகி ஒருவர் கூறினார், புதிய அமைப்பு சில தொகுதிகளில், குறிப்பாக பெல்லாரி மாவட்டத்தில் ஆளும் கட்சியின் வாக்கு சதவீதத்தை குறைக்கக்கூடும் என்று கூறினார்.
மாவட்டத்தில் பா.ஜ.க.வை வலுப்படுத்துவதில் ரெட்டி முக்கியப் பங்காற்றினார், இன்னும் அங்கு கணிசமான செல்வாக்கு இருப்பதாகக் கூறப்படுகிறது” என்றார்.

ஆனால் ரெட்டியின் கட்சி பாஜகவுக்கு அச்சுறுத்தலை ஏற்படுத்தும் என்ற அச்சத்தை நிராகரித்த மத்திய அமைச்சர் பிரகலாத் ஜோஷி, “கர்நாடகாவில் எந்த பிராந்தியக் கட்சியும் வெற்றிபெறவில்லை” என்றார்.
பாஜக மூத்த தலைவரும், முன்னாள் முதல்வருமான ஜெகதீஷ் ஷெட்டர், “இதன் தாக்கம் என்ன என்பதை பொறுத்திருந்து பார்ப்போம். இதுபற்றி எங்கள் கட்சி தலைவர்களுடன் ஆலோசிப்பேன்”என்றார்.

2011இல் சிபிஐ முதன்முதலில் சட்ட விரோத சுரங்கத் தொழிலில் ஈடுபட்டதாகக் கூறி அவரைக் கைது செய்ததில் இருந்து அவர் பத்தாண்டுகளுக்கும் மேலாக தீவிர அரசியலில் இருந்து விலகி இருந்தார்.
எனினும், சித்ரதுர்கா மாவட்டத்தில் உள்ள மொளகல்முரு தொகுதியில் 2018ல் தற்போதைய போக்குவரத்து அமைச்சர் பி ஸ்ரீராமுலுவுக்காக ரெட்டி பிரச்சாரம் செய்தார்.
ஆனால் அந்த ஆண்டு தேர்தலுக்கு முன்னதாக, அப்போதைய பாஜக தேசியத் தலைவர் அமித் ஷா, “பாஜகவுக்கும் ஜனார்த்தன் ரெட்டிக்கும் எந்தத் தொடர்பும் இல்லை” என்று கூறி, சுரங்க முதலாளியிடம் இருந்து கட்சியை ஒதுக்கி வைத்தார்.

ரெட்டியின் சகோதரர்கள் ஜி கருணாகர ரெட்டி மற்றும் ஜி சோமசேகர் ரெட்டி ஆகியோர் தற்போது முறையே ஹரப்பனஹள்ளி மற்றும் பெல்லாரி சட்டமன்றத் தொகுதிகளில் பாஜக எம்எல்ஏக்களாக உள்ளனர்.

“ஸ்ரீராமுலுவையோ அல்லது அவரது சகோதரர்களையோ தனது கட்சியில் சேருமாறு வற்புறுத்துவதற்காக தனது நட்பை தவறாகப் பயன்படுத்த மாட்டோம் என்று சுரங்கத் தொழிலதிபர் ஞாயிற்றுக்கிழமை கூறினார்.
வரும் நாட்களில் புதிய கட்சியை அமைப்பதற்காக கர்நாடகம் முழுவதும் பயணம் செய்வேன். கட்சியின் சின்னம் மற்றும் கொடி இன்னும் 10 முதல் 15 நாட்களில் வெளியிடப்படும்” என்றார்.

ரெட்டியை "புத்திசாலி மற்றும் அனுபவம் வாய்ந்த" அரசியல்வாதி என்று அழைத்த ஸ்ரீராமுலு, "அவர் (ரெட்டி) பாஜகவுக்கு பலமாக இருந்தார், கட்சியும் அவருக்கு பலமாக இருந்தது.
அவர் நிறைய யோசித்து முடிவெடுக்கும் ஒருவர், அதனால் நான் அவருடைய முடிவை விவாதிக்கவோ பகுப்பாய்வு செய்யவோ விரும்பவில்லை” என்றார்.

தொடர்ந்து பேசிய அமைச்சர், “அரசியலுக்கு அப்பாற்பட்டு அவருடன் (ரெட்டி) எனக்கு நட்பு உள்ளது. நிறைய யோசித்து இந்த முடிவை எடுத்திருக்க வேண்டும். அவருக்கும் கட்சிக்கும் இடையே நடந்த பேச்சுவார்த்தையின் போது நான் அவருக்குப் பின்னால் நின்றேன்.

இப்போது அவர் புதிய கட்சியை அறிவிக்க முடிவு செய்துள்ளதால், எனது கட்சியின் சித்தாந்தத்தின்படி எனது அரசியலை செய்வேன்… இனி அவரை சமாதானப்படுத்துவது இப்போது முடிந்துவிட்டது” என்றார்.

ரெட்டிக்கு மாநில காங்கிரஸ் தலைவர் டிகே சிவக்குமார் வாழ்த்து தெரிவித்துள்ளார். அவர் மக்களுக்கும் மாநிலத்துக்கும் சேவை செய்யட்டும், யாராவது மக்களுக்கு சேவை செய்ய விரும்பினால் எங்களுக்கு ஆட்சேபனை இல்லை” என்றார்.
இதற்கிடையில், ரெட்டியின் நடவடிக்கை எதிர்பார்த்ததுதான் என்று ஜனதா தளம் (மதச்சார்பற்ற) தலைவர் எச்.டி.குமாரசாமி கூறினார். "எதிர்காலத்தில் என்ன முன்னேற்றங்கள் இருக்கும் என்று பார்ப்போம்." என்றார்.

2011 ஆம் ஆண்டு தனது நிறுவனமான ஓபுலாபுரம் சுரங்க நிறுவனம் சட்டவிரோத சுரங்கம் தோண்டியதாக குற்றம் சாட்டப்பட்டதையடுத்து, சுரங்கப் பெருமுதலாளி மாநில சுற்றுலா அமைச்சர் பதவியில் இருந்து விலக வேண்டிய கட்டாயம் ஏற்பட்டது.

கர்நாடக லோக்ஆயுக்தாவின் அறிக்கையின் அடிப்படையில் சிபிஐ அவரை 2011 செப்டம்பரில் கைது செய்தது. ரெட்டிக்கு சொந்தமான மற்றொரு நிறுவனமான அசோசியேட்டட் மைனிங் கம்பெனி சட்டவிரோத செயல்களில் ஈடுபட்டது கண்டறியப்பட்டதை அடுத்து, உச்ச நீதிமன்றத்தின் உத்தரவுகளின் அடிப்படையில் மார்ச் 2012 இல் ரெட்டி இரண்டாவது முறையாக கைது செய்யப்பட்டார்.

நவம்பர் 2015 இல், மாநில லோக்ஆயுக்தாவின் சிறப்புப் புலனாய்வுக் குழு, பெலேகேரி துறைமுகத்தில் இருந்து சட்டவிரோதமாக இரும்புத் தாது ஏற்றுமதியில் ஈடுபட்டதற்காக ரெட்டியை கைது செய்தது.

2015-ல் அவருக்கு நிவாரணம் அளித்து, சுரங்க ஊழல் நடந்ததாகக் கூறப்படும் பெல்லாரிக்குள் ரெட்டி நுழைய உச்ச நீதிமன்றம் தடை விதித்தது. ஆனால், அப்போது அவருக்கு பெண் குழந்தை பிறந்த மகளை சந்திக்க உச்ச நீதிமன்றம் அனுமதி அளித்தது. நவம்பர் 2018 இல் பல கோடி ரூபாய் போன்சி ஊழல் தொடர்பாக ரெட்டி நான்காவது முறையாக கைது செய்யப்பட்டார், ஆனால் மாஜிஸ்திரேட் நீதிமன்றம் அவருக்கு ஜாமீன் வழங்கியது,

ஓபுலாபுரம் சுரங்க நிறுவனம், பல்லாரி காப்புக் காட்டில் மீண்டும் இரும்புத் தாது தோண்டும் பணியைத் தொடங்க ஆட்சேபனை இல்லை என்று ஆந்திர அரசு உச்ச நீதிமன்றத்தில் ஆகஸ்ட் மாதம் தெரிவித்தது.

சுரங்கத் தொழிலை நிறுத்துவதற்குக் காரணமான ஆந்திரப் பிரதேசம் மற்றும் கர்நாடகா இடையேயான எல்லைப் தகராறு தீர்க்கப்பட்டதால், இந்த வழக்கில் "இனி எதுவும் பிழைக்கவில்லை" எனக் கூறி, நிறுவனம் சுரங்க நடவடிக்கைகளை மீண்டும் தொடங்க உச்ச நீதிமன்றத்தின் அனுமதியைக் கோரியதை அடுத்து, அரசு சமர்ப்பித்தது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/