உலகின் மிகப்பெரிய கிரிக்கெட் மைதானம் - ஆமதாபாத்தில் மோடி முன்னிலையில், டிரம்ப் திறப்பு

உலகின் மிகப்பெரிய கிரிக்கெட் மைதானமான மொடேரா கிரிக்கெட் மைதானத்தின் ( சர்தார் வல்லபாய் கிரிக்கெட் மைதானம்), பருந்துப்பார்வை புகைப்படத்தை, இந்திய கிரிக்கெட் கட்டுப்பாட்டு வாரியம் ( BCCI) வெளியிட்டுள்ளது.

தி இந்தியன் எக்ஸ்பிரஸ் வீடியோ

குஜராத் மாநிலம் ஆமதாபாத்தில் ரூ.700 கோடி மதிப்பீட்டில் 1லட்சத்து 10 ஆயிரம் பேர் அமரக்கூடிய வகையிலான உலகின் மிகப்பெரிய கிரிக்கெட் மைதானம் கட்டப்பட்டுள்ளது. அமெரிக்க அதிபர் டிரம்பின் இந்திய பயணத்தின்போது, இந்த மைதானம் நாட்டிற்கு அர்ப்பணிக்கப்பட உள்ளது.

#MoteraStadium
Ahmedabad, India ????????
Seating capacity of more than 1,10,000
World's largest #Cricket stadium pic.twitter.com/FKUhhS0HK5

— BCCI (@BCCI) February 18, 2020

இந்த பிரமாண்ட கிரிக்கெட் மைதானத்தில், 2021ம் ஆண்டு ஜனவரி - பிப்ரவரி மாதங்களில் பகலிரவு டெஸ்ட் போட்டிகள் நடைபெற உள்ளன. இலட்சத்திற்கு மேற்பட்ட பார்வையாளர்கள், இங்கு அமர்ந்து அந்த போட்டியை ரசிக்க உள்ளதாக நெட்டிசன் அபிஷேக் ஜெயின் தெரிவித்துள்ளார். இந்த மைதானத்தை சமூகவலைதளங்களில் டிரென்டாக்கும் வண்ணம் #MoteraStadium #DayNightTest #NamasteTrump உள்ளிட்ட ஹேஷ்டேக்குகள் நெட்டிசன்களால் உருவாக்கப்பட்டுள்ளன.

இந்த மைதானத்தில் 3 வகை பிட்ச்கள் உள்ளிட்ட 11 பிட்ச்கள் உருவாக்கப்பட்டுள்ளன. ஸ்பின் பவுலிங் அல்லது பவுன்ஸ் மற்றும் இரண்டுக்கும் ஏற்றவகையில் இந்த பிட்ச்கள் உருவாக்கப்பட்டுள்ளதாக தெரிவிக்கப்பட்டுள்ளது.