பெங்களூரு ராமேஸ்வரம் கஃபே குண்டுவெடிப்பு; துப்பு கொடுத்தால் ரூ.10 லட்சம்; என்.ஐ.ஏ அறிவிப்பு

பெங்களூரு ராமேஸ்வரம் கஃபே குண்டுவெடிப்பு தொடர்பாக தகவல் அளிப்பவர்களுக்கு 10 லட்சம் ரூபாய் ரொக்கப்பரிசு வழங்குவதாக தேசிய புலனாய்வு அமைப்பு (NIA) அறிவித்துள்ளது.

பெங்களூரு ஒயிட்ஃபீல்ட் தொழில்நுட்ப மையத்தில் உள்ள ராமேஸ்வரம் ஓட்டலில் மார்ச் 1 ஆம் தேதி நடந்த குண்டுவெடிப்பில் ஒன்பது பேர் காயமடைந்தனர். காலை 11.30 மணியளவில் தொப்பி, கண்ணாடி மற்றும் முகமூடி அணிந்து உணவகத்திற்கு வந்த ஒரு நபர் ஓட்டலின் ஒரு மூலையில் IED ஐ வைத்ததாக சந்தேகிக்கப்படுகிறது. அவரது படங்கள் சி.சி.டி.வி கேமராக்களில் பதிவாகியுள்ளன. மதியம் 12.56 மணியளவில் குண்டு வெடித்தது.

ராமேஸ்வரம் ஓட்டலில் குண்டுவெடிப்பு நடந்த உடனேயே எச்.ஏ.எல் காவல் நிலையத்தில் 1967 ஆம் ஆண்டின் சட்டவிரோத நடவடிக்கைகள் தடுப்புச் சட்டத்தின் (UAPA) பயங்கரவாதப் பிரிவுகளின் கீழ் பெங்களூரு காவல்துறை எஃப்.ஐ.ஆர் பதிவு செய்தது.

குண்டுவெடிப்பு வழக்கின் ஆரம்ப விசாரணைகள் தற்போது கர்நாடகாவில் NIA ஆல் விசாரிக்கப்படும் இரண்டு பயங்கரவாத வழக்குகளுடன் சாத்தியமான தொடர்புகளை சுட்டிக்காட்டியுள்ளன. இதனையடுத்து இந்த வழக்கை என்.ஐ.ஏ கையில் எடுத்தது.

மத்திய உள்துறை அமைச்சகத்தின் உத்தரவின் பேரில் பெங்களூருவில் உள்ள ராமேஸ்வரம் ஓட்டலில் மார்ச் 1 ஆம் தேதி நடந்த குண்டுவெடிப்பு தொடர்பாக தேசிய புலனாய்வு அமைப்பு (என்.ஐ.ஏ) திங்கள்கிழமை எஃப்.ஐ.ஆர் பதிவு செய்தது.

2008 ஆம் ஆண்டின் என்.ஐ.ஏ சட்டத்தில் உள்ள ஒரு விதியின் அடிப்படையில் மத்திய ஏஜென்சியின் எப்.ஐ.ஆர் திங்களன்று பதிவு செய்யப்பட்டது, இது மாநில அரசின் குறிப்பு அல்லது ரசீது இல்லாமல் கூட தானாக முன்வந்து வழக்கு பதிவு செய்ய ஏஜென்சிக்கு உத்தரவிட அனுமதிக்கிறது.

இந்தநிலையில், ராமேஸ்வரம் கஃபே குண்டுவெடிப்பு வழக்கில் வெடிகுண்டு வைத்தவர் குறித்து தகவல் அளிப்பவர்களுக்கு சன்மானம் வழங்கப்படும் என என்.ஐ.ஏ அறிவித்துள்ளது. குண்டுவெடிப்பு தொடர்பாக தகவல் அளிப்பவர்களுக்கு 10 லட்சம் ரூபாய் ரொக்கப்பரிசு வழங்குவதாக தேசிய புலனாய்வு அமைப்பு (NIA) அறிவித்துள்ளது. மேலும், ஏஜென்சிக்கு தகவல் தெரிவிக்கும் நபர் பற்றிய விவரங்கள் ரகசியமாக வைக்கப்படும் என்றும் தெரிவிக்கப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“