பி.எச்டி முன்மொழிவில் நோம் சாம்ஸ்கியின் மோடி பற்றிய விமர்சனம்: மாணவருக்கு நோட்டீஸ் அனுப்பிய பல்கலைக்கழகம்

அமெரிக்க மொழியியலாளர் நோம் சாம்ஸ்கி தேசிய ஜனநாயக அரசாங்கத்தை விமர்சித்ததை மேற்கோள் காட்டி, காஷ்மீரின் இனவியல் மற்றும் அரசியல் பற்றிய பி.எச்டி புரொபசல் (Doctoral research proposal), புதுதில்லியில் உள்ள தெற்காசிய பல்கலைக்கழகத்தில் (SAU) ஒரு PhD அறிஞருக்கு ஷோகாஸ் நோட்டீஸ் மற்றும் அவரது மேற்பார்வையாளருக்கு எதிராக ஒழுக்காற்று விசாரணைக்கு வழிவகுத்தது.

தற்செயலாக, மேற்பார்வையாளருக்கு எதிராக ஒழுக்காற்று விசாரணை ஆரம்பிக்கப்பட்ட பின்னர், சமூகவியல் துறையின் பேராசிரியரும், டீனும் ஆன சசங்க பெரேரா பல்கலைக்கழக பதவியில் இருந்து விலகினார்.

இதற்கிடையில், கருத்துகளை புண்படுத்தியதற்காக பல்கலைக்கழக நிர்வாகத்திடம் PhD அறிஞர் மன்னிப்பு கோரியுள்ளார். ஒழுக்காற்று விசாரணை மற்றும் அதைத் தொடர்ந்து ராஜினாமா குறித்து கருத்து தெரிவிக்க சசங்க பெரேரா மறுத்துவிட்டார்.

கலாச்சார மானுடவியலாளரான (cultural anthropologist) பெரேரா சாண்டா பார்பராவில் உள்ள கலிபோர்னியா பல்கலைக்கழகத்தில் முதுகலை மற்றும் முனைவர் பட்டம் பெற்றவர். 2011-2014 வரை,சமூகவியல் துறையின் தலைவராக இருந்தார். 2011-2018 வரை சமூக அறிவியல் துறையி டீன் ஆகவும், 2016-2019 வரை தெற்காசிய பல்கலைக்கழகத்தில் துணைத் தலைவராகவும் இருந்தார்.

அதற்கு முன், இலங்கை கொழும்பு பல்கலைக்கழகத்தில் சமூகவியல் துறையில் 20 ஆண்டுகள் பணியாற்றினார். பெரேரா சமூகம் மற்றும் கலாச்சாரத்தின் மேம்பட்ட ஆய்வுக்கான கொழும்பு நிறுவனத்தின் (Colombo Institute for the Advanced Study of Society and Culture) ஃபவுண்டிங் சேர்மேன் ஆகவும் இருந்தார் (2003-2010).

இதுகுறித்து கேட்பதற்காக தொடர்பு கொண்ட போது, விசாரணை தொடங்கப்பட்டதை பல்கலைக்கழகம் ஒப்புக்கொண்டது, ஆனால் அதற்கு  பி.எச்டி புரொபசல் காரணம் இல்லை, என்றது.

கடந்த ஆண்டு நவம்பரில் பிஎச்.டி அறிஞரால் பி.எச்டி புரொபசல் சமர்ப்பிக்கப்பட்டதாகவும், சமூக அறிவியல் டீனுக்கு அனுப்பப்படுவதற்கு முன்பு மேற்பார்வையாளரால் அங்கீகரிக்கப்பட்டதாகவும் இந்தியன் எக்ஸ்பிரஸ் கண்டறிந்தது.

பல்கலை, அதிகாரப்பூர்வ இணையதளத்தில் உள்ள PhD வழிகாட்டுதல்களின்படி, PhD கேண்டிடேட் ஃபீல்ட் வொர்க் தொடங்குவதற்கு முன் அவரது மேற்பார்வையாளர், டீன் மற்றும்/அல்லது ஆய்வுத் துறை வாரியத்தின் அனுமதி தேவை.

இந்த குறிப்பிட்ட வழக்கில், பிஎச்டி அறிஞரின் புரோபசல் மேற்பார்வையாளரால் அங்கீகரிக்கப்பட்டது மற்றும் ஃபீல்ட் வொர்க் தொடங்க அனுமதிக்காக டீனுக்கு அனுப்பப்பட்டது. ஆனால், மே 9-ம் தேதி அந்த மாணவருக்குக் ஷோகாஸ் நோட்டீஸ் அனுப்பப்பட்டது…

அந்த நோட்டீஸ் நோம் சாம்ஸ்கி நேர்காணலின் தனிப்பட்ட யூடியூப் வீடியோவைக் குறிப்பிட்டது, அதை அறிஞர் 2021 இல் பதிவுசெய்து 2022 இல் பதிவேற்றினார்.

அறிஞரின் பிஎச்டி புரொபசலில் மேற்கோள் காட்டப்பட்ட இந்த வீடியோவில் சாம்ஸ்கி, ’பிரதமர் நரேந்திர மோடி, தீவிர இந்துத்துவா பாரம்பரியத்தில் இருந்து வந்தவர் என்றும், இந்திய மதச்சார்பற்ற ஜனநாயகத்தை தகர்க்க மற்றும் இந்து தொழில்நுட்பத்தை திணிக்க முயற்சிக்கிறார், என்று கூறுகிறார்…

இந்த தலைப்பைத் தேர்ந்தெடுப்பது குறித்து பிஎச்டி கேண்டிடேட் மற்றும் மேற்பார்வையாளரிடம் விளக்கம் கோரப்பட்டது. அதைத் தொடர்ந்து கூறப்பட்ட வீடியோ அகற்றப்பட்டது..

மேற்பார்வையாளரின் பங்கு மற்றும் கேள்விக்குரிய புரொபசலின் பின்னணியில் உள்ள காரணம் ஆகியவற்றை மையமாகக் கொண்ட ஒரு விசாரணைக் குழுவையும் பல்கலைக்கழகம் நிறுவியது.

இதற்கிடையில், பெரேரா தனது ராஜினாமா கடிதத்தை பல்கலைக்கழகத்தில் கொடுத்தார்.

தெற்காசிய பல்கலைக்கழகம், என்பது எட்டு சார்க் நாடுகளால் நிதியுதவி செய்யப்படும் ஒரு சர்வதேச பல்கலைக்கழகம் மற்றும் வெளிவிவகார அமைச்சின் கீழ் வருகிறது.

நான்கு ஆண்டுகள் வழக்கமான தலைவர் இல்லாமல் செயல்பட்ட தெற்காசிய பல்கலைக்கழகத்தின் ஆட்சிக் குழு, டெல்லியின் குரு கோவிந்த் சிங் இந்திரபிரஸ்தா பல்கலைக்கழகத்தின் நிறுவனர் துணைவேந்தரான கே கே அகர்வாலை கடந்த டிசம்பரில் அந்தப் பதவிக்கு நியமித்தது.

கவிதா ஏ ஷர்மா 2019 இல் ஓய்வு பெற்றதிலிருந்து பல்கலைக்கழகத்திற்கு தலைமை இல்லை. கடந்த 13 ஆண்டுகளில் பல்கலைக்கழகத்திற்கு இரண்டு தலைவர்கள் மட்டுமே உள்ளனர்.

தி இந்தியன் எக்ஸ்பிரஸின் கேள்வித்தாளுக்கு பதிலளிக்கும் விதமாக, சார்க் அரசுகளுக்கிடையேயான ஒப்பந்தம், விதிகள், ஒழுங்குமுறைகள் மற்றும் துணைச் சட்டங்களை மேற்கோள் காட்டி பெரேராவுக்கு எதிரான விசாரணை மற்றும் ஷோ-காஸ் நோட்டீஸ் வழங்கப்பட்டதாக பல்கலைக்கழகம் கூறியது. விசாரணை இன்னும் முடிவடையவில்லை என்றும் அதில் குறிப்பிடப்பட்டுள்ளது

Read in English: Noam Chomsky’s criticism of PM in a PhD proposal: SAU notice to student, Lankan scholar resigns

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“