அங்குல் தொகுதியில் தர்மேந்திர பிரதான் போட்டி? ஒடிசா துணை சபாநாயகர் திடீர் ராஜினாமா

5 மாதங்களில் நடைபெறவுள்ள மக்களவை மற்றும் மாநில சட்டமன்றத் தேர்தல்களுக்கு முன்னதாக, ஒடிசா சட்டமன்ற துணை சபாநாயகர் ரஜனி காந்த் சிங் தனது கட்சியான பி.ஜே.டி-ல்  பணியாற்ற அதிக நேரத்தை ஒதுக்குவதற்காக தனது பதவியை ராஜினாமா செய்துள்ளார். 

அங்குல் தொகுதியின் 4 முறை எம்.எல்.ஏ.வான சிங் நேற்று (புதன்கிழமை) புவனேஸ்வரில் சபாநாயகர் பிரமிளா மல்லிக்கிடம் ராஜினாமா கடிதத்தை வழங்கினார். 

அங்குல் மாவட்டத்தைச் சேர்ந்த மத்திய அமைச்சரும் ராஜ்யசபா உறுப்பினருமான தர்மேந்திர பிரதான் 2024 மக்களவைத் தேர்தலில் தேன்கனல் அல்லது சம்பல்பூரில் போட்டியிடலாம் என்ற செய்திகளுக்கு மத்தியில் அங்குலில் பி.ஜே.டி அரசியலுக்கு திரும்பும் நடவடிக்கையாக சிங்கின் ராஜினாமா முக்கியத்துவம் பெறுகிறது.

தொழில் துறை மற்றும் நிலக்கரி சுரங்க மையமாக அறியப்படும், அங்குல் மாவட்டத்தில் 5 சட்டமன்ற தொகுதிகள் உள்ளன. அதன் அங்குல், தல்சர், செண்டிபாடா மற்றும் பல்லஹாரா பகுதிகள் தேன்கனல் மக்களவைத் தொகுதியின் ஒரு பகுதியாக இருந்தாலும், அத்தமல்லிக் சம்பல்பூர் நாடாளுமன்றத் தொகுதியின் கீழ் வருகிறது.

“துணை சபாநாயகர் பதவி என்பது அரசியல் சாசனப்பதவி என்பதால், என்னால் அரசியல் நடவடிக்கைகளில் ஈடுபட முடியவில்லை. கடந்த சில மாதங்களாக பதவியை ராஜினாமா செய்ய எண்ணி வந்த நிலையில் இது திடீரென எடுக்கப்பட்ட முடிவு அல்ல. தேர்தல் நெருங்கி வருவதால், கட்சிக்கு அதிக நேரம் ஒதுக்கவும், முழுமையான மக்கள் சேவை செய்யவும் நான் ராஜினாமா செய்துள்ளேன்,” என்று சிங் செய்தியாளர்களிடம் கூறினார்.

2004 முதல் அங்குல் தொகுதியில் தொடர்ந்து வெற்றி பெற்று வரும் சிங், 2019-ல் துணை சபாநாயகராக தேர்ந்தெடுக்கப்பட்டார்.

முதலமைச்சரும், பி.ஜே.டி தலைவருமான நவீன் பட்நாயக்கின் விசுவாசியான சிங், ஆகஸ்ட் 2012 முதல் மே 2014 வரை ஸ்டீல் மற்றும் சுரங்கத் துறை அமைச்சராகப் பணியாற்றினார்.

பி.ஜே.டி தலைமை சிங்குக்கு அங்குலில் குறிப்பிடத்தக்க நிறுவனப் பங்கை வழங்க வாய்ப்புள்ளது என்று கட்சி வட்டாரங்கள் தெரிவித்தன. இது தொடர்பான ஊகங்கள் குறித்து சிங் கூறுகையில், “கட்சித் தலைமை தான் முடிவு செய்ய வேண்டும்“ என்றார்.

சிங் இதற்கு முன்பு பி.ஜே.டியின் அங்குல் மாவட்டத் தலைவராக பல ஆண்டுகள் பணியாற்றினார், மேலும் அங்குள்ள ஒவ்வொரு தொகுதியிலும் தனது ஆதரவாளர்களைக் கொண்டிருப்பதற்காக அறியப்படுகிறார். அவரது தந்தை மறைந்த அத்வைத் பிரசாத் சிங்கும் ஒரு பிரபலமான தலைவர் மற்றும் அவரும் அங்குல் தொகுதியில்  இருந்து 4 முறை எம்.எல்.ஏ-வாக தேர்ந்தெடுக்கப்பட்டார்.  

“சமீப மாதங்களில் தர்மேந்திர பிரதான் தேன்கனல் மற்றும் அங்குல் பகுதிகளுக்கு அடிக்கடி வருகை தந்தது, அப்பகுதியில் பாஜக தனது தளத்தை பலப்படுத்த உதவியது. தேன்கனல் லோக்சபா தொகுதியில் பிரதான் போட்டியிடும் பட்சத்தில் பாஜகவுக்கு லாபம் கிடைக்கும். மாவட்டத்தில் எதிர் வியூகத்தைத் தயாரிக்க பி.ஜே.டிக்கு ஒரு மூத்த தலைவர் தேவை” என்று பிஜேடி மூத்த தலைவர் ஒருவர் கூறினார்.

ஆங்கிலத்தில் படிக்க: https://indianexpress.com/article/political-pulse/odisha-deputy-speaker-resignation-bjd-dharmendra-pradhan-9019652/

சிங் பிரதானின் அரசியல் பலத்துடன் பொருந்தவில்லை என்றாலும், பிஜேடி தலைவர், 2024 தேர்தலுக்கு முன்னதாக அங்குலில் தனது தொகுதியை கட்டமைக்க கட்சிக்கு மூத்த தலைவர் தேவை என்றார்.

“ரஜனி காந்த் சிங் அங்குலில் கட்சி அமைப்பை வழிநடத்தும் போது, ​​அவர் அனைவரையும் அழைத்துச் சென்றார். தற்போது, ​​மாவட்டத்தில் உள்ள அனைத்து சட்டமன்ற தொகுதிகளிலும் கட்சியில் கோஷ்டி பூசல் ஏற்பட்டுள்ளது. இந்த விஷயங்கள் கவனிக்கப்பட வேண்டும், இதற்கு சிங் ஒரு நல்ல தேர்வு. அங்குள்ள 5 தொகுதிகளிலும் அவர் தனது ஆட்களை வைத்திருக்கிறார்” என்று பிஜேடி தலைவர் கூறினார்.

லோக்சபா தேர்தலில் போட்டியிடும் பிரதானின் முயற்சியை எதிர்பார்த்து, பிஜேடி இந்த ஆண்டு மார்ச் மாதம் கட்சியின் அமைப்புச் செயலாளரும், பாபி என்று அழைக்கப்படும் ஜாஜ்பூர் எம்.எல்.ஏ.வுமான பிரணாப் பிரகாஷ் தாஸை, தேன்கனல், அங்குல், கியோன்ஜார் மற்றும் சம்பல்பூர் மாவட்டங்களின் பார்வையாளராக நியமிக்கப்பட்டார்.

ஒடிசா பா.ஜ.கவின் முகமாக கருதப்படும் பிரதான், மாநிலத்தில் இருந்து மக்களவைத் தேர்தலில் போட்டியிட விருப்பம் தெரிவித்துள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“