தொற்றுநோயால் பாதிக்கப்பட்ட 9,000-க்கும் மேற்பட்ட குழந்தைகள்: என்.சி.பி.சி.ஆர் ரிப்போர்ட்

Over 9000 children affected by pandemic ncpcr submits data மத்தியப் பிரதேசத்தில் 318 எண்ணிக்கையில் அதிக ஆதரவற்ற குழந்தைகள் உள்ளனர். பீகார் 292, உ.பி. 270, தெலுங்கானா 123 என அடுத்தடுத்த நிலைகளில் உள்ளன.

Over 9000 children affected by pandemic ncpcr submits data Tamil News
Over 9000 children affected by pandemic ncpcr submits data Tamil News

Over 9000 children affected by pandemic ncpcr submits data Tamil News : மார்ச் 2020 முதல் கோவிட் -19 தொற்றுநோயால் மொத்தம் 1,742 குழந்தைகள் பெற்றோர்களை இழந்துள்ளனர். மேலும், 140 பேர் கைவிடப்பட்டும், 7,464 குழந்தைகள் ஒரு பெற்றோரை இழந்தும் இருக்கின்றனர் என்று தேசிய குழந்தைகள் உரிமை ஆணையம் (என்சிபிசிஆர்) உச்ச நீதிமன்றத்தில் தெரிவித்துள்ளது.

உயர்நீதிமன்றத்தில் தாக்கல் செய்யப்பட்ட பிரமாணப் பத்திரத்தில், பாதிக்கப்பட்ட மொத்தம் 9,346 குழந்தைகளுக்கு கவனிப்பு தேவை என்றும், 3,711 குழந்தைகள் 8-13 வயதுக்குட்பட்டவர்கள் என்றும் குறிப்பிடப்பட்டுள்ளது.

உத்தரப்பிரதேசத்தில் 2,110 குழந்தைகளுக்குப் பாதுகாப்பு மற்றும் அடைக்கலம் தேவை. அதில், 270 ஆதரவற்றோர், 10 பேர் பெற்றோர்களால் கைவிடப்பட்டவர்கள் மற்றும் 1,830 பேர் பெற்றோரை இழந்தவர்கள். பாதுகாப்பு தேவைப்படும் 1,327 குழந்தைகளுடன் பீகார் இரண்டாவது இடத்தில் உள்ளது. அவர்களில், 292  ஆதரவற்றோர், 1,035 பேர் ஒரு பெற்றோரை இழந்தவர்கள் அடங்கும். கேரளாவில் 952 குழந்தைகளுக்குப் பாதுகாப்பு தேவை. அவற்றில், 49 ஆதரவற்றோர், 8 கைவிடப்பட்டவர்கள் மற்றும் 895 பெற்றோரை இழந்தவர்கள்.

மத்தியப் பிரதேசத்தில் 318 எண்ணிக்கையில் அதிக ஆதரவற்ற குழந்தைகள் உள்ளனர். பீகார் 292, உ.பி. 270, தெலுங்கானா 123 என அடுத்தடுத்த நிலைகளில் உள்ளன.

கோவிட் -19 தொற்றுநோயை அடுத்துப் பாதுகாப்பு இல்லங்களில் உள்ள குழந்தைகளின் நலன் தொடர்பான ஒரு வழக்கு விசாரணையை விசாரித்த உச்ச நீதிமன்றம், மே 28 அன்று மாநிலங்கள் மற்றும் யூனியன் பிரதேசங்களில் பாதிக்கப்பட்ட குழந்தைகளின் எண்ணிக்கை குறித்த 2020 மார்ச் வரையிலான தரவுகளை மே 29 மாலைக்குள் என்.சி.பி.சி.ஆரால் அமைக்கப்பட்ட ‘பால் ஸ்வராஜ்’ போர்ட்டலில் பதிவேற்றுமாறு கேட்டுக் கொண்டது.

அதற்கேற்ப போர்ட்டலில் பெறப்பட்ட புள்ளிவிவரங்களை நீதிமன்றத்தில் சமர்ப்பித்த கமிஷன், பதிவேற்றம் “நடந்துகொண்டிருக்கும் செயல்முறையாக இருக்கும் என எதிர்பார்க்கப்படுவதால், தரவுகளை யாரும் தவறாகப் புரிந்து கொள்ளக்கூடாது என்பதைக் கருத்தில் கொண்டு, தரவுகளை சமர்ப்பிப்பதற்கான நேரத்தை 29.05.2021 வரை நீட்டிக்குமாறு ஆணையம் வலியுறுத்தியது”.

பி.எம் கேர்ஸ் நிதியத்தின் கீழ் ஆதரவற்ற குழந்தைகளுக்காக அறிவிக்கப்பட்ட பல்வேறு நிதிப் பேக்கேஜுகளை இந்த பிரமாணப் பத்திரம் சுட்டிக்காட்டியதுடன், குழந்தைகளுக்கு ஆதரவளிப்பதற்கான தனியார் நன்கொடையாளர்களிடமிருந்தும் திட்டங்களைப் பெறுகிறது.

பெற்றோரில் ஒருவரை கோவிட் -19-க்கு இழந்து, எஞ்சியிருக்கும் ஒரு பெற்றோருடன் இருக்கும் குழந்தைகளுக்கும் நிதி உதவி தேவைப்படுகிறது. அவர்களுக்கும் செயல்படுத்தப்பட்ட அரசுத் திட்டங்களுக்கு உரிமை உண்டு எனவே, அரசாங்க திட்டங்களின் நன்மை மற்றும் நிதி உதவிகள் அவர்களுக்கும் வழங்கப்படும் என்று ஆணைக்குழு சமர்ப்பித்தது.

“பெற்றோரின் இழப்பைச் சமாளிக்க ஏற்கெனவே முயற்சி செய்யும் குழந்தையின் மன ஆரோக்கியத்திற்கு இன்றியமையாத அதே சூழலில் தொடர்ந்து வாழும்போது, குழந்தை தனது கல்வியைத் தொடர முடியும் என்பதை நிதி உதவி உறுதி செய்யும். ஒற்றை பெற்றோரின் அத்தகைய குடும்பத்திற்கு நிதி உதவி முக்கியத்துவம் வாய்ந்ததாக இருக்கும்” என்று பிரமாண பத்திரத்தில் தெரிவிக்கப்பட்டுள்ளது.

மேலும், எதிர்பார்க்கப்படும் மூன்றாவது கோவிட் -19 அலை மற்றும் அதற்கான உதவி மேற்கொள்வதில் எடுக்கப்பட்ட நடவடிக்கைகளையும் விவரித்தது. மேலும், இந்திய மருத்துவ ஆராய்ச்சி கவுன்சிலுக்கு (ஐ.சி.எம்.ஆர்) எழுதிய கடிதம், சிகிச்சை மற்றும் மருத்துவ முகாமைத்துவத்திற்கான கவுன்சில் உருவாக்கிய நெறிமுறைகள் / வழிகாட்டுதல்கள் பற்றிய தகவல்களைப் பெறக் கோரிக்கை வைத்துள்ளது. இந்த நெறிமுறைகள், மாநிலங்கள் யூனியன் பிரதேசங்களில் பரப்புவதற்காக, குழந்தைகள் உரிமைகளைப் பாதுகாப்பதற்கான மாநில ஆணையங்களுடன் (எஸ்.சி.பி.சி.ஆர்) மேலும் பகிரப்படும்.

குழந்தை பிறந்த மற்றும் அவசரக்கால சூழ்நிலைகளுக்குத் தயாராவதற்கு, அவசரக்கால போக்குவரத்து சேவைகள் / குழந்தைகள் மற்றும் பிறந்த குழந்தைகளுக்கு ஏற்ற ஆம்புலன்ஸ் ஆகியவற்றிற்குத் தேவையான வழிமுறைகளை வழங்குமாறு சுகாதார மற்றும் குடும்ப நல அமைச்சகத்திடம் கோரிக்கை விடுத்துள்ளதாக ஆணையம் தெரிவித்துள்ளது. குழந்தைகளுக்கான ஆபத்து காரணிகளைக் கண்காணிக்கவும் தணிக்கவும் மேற்கொள்ளப்பட வேண்டிய தடுப்பு அம்சங்கள் குறித்த தொழில்நுட்ப உதவியைக் கோரி இது இந்தியக் குழந்தை மருத்துவ அகாடமிக்கு எழுதியது.

மாவட்டங்களில் உள்ள குழந்தை பிறந்த தீவிர சிகிச்சை யூனிட் (என்.ஐ.சி.யு), சிறப்பு பிறந்த குழந்தை பராமரிப்பு யூனிட் (எஸ்.என்.சி.யு) மற்றும் குழந்தை தீவிர சிகிச்சை யூனிட் (பி.ஐ.சி.யு) ஆகியவற்றின் செயல்பாட்டைத் திறம்படக் கண்காணிக்க, பல்வேறு மாநிலங்களில் மற்றும் யூனியன் பிரதேசங்களிலிருந்து தகவல்களைத் தேடுவதற்கான ஆன்லைன் வழிமுறையை உருவாக்கியுள்ளது என்றும் அந்த வாக்குமூலத்தில் தெரிவிக்கப்பட்டுள்ளது.

“கோவிட் -19-ன் இரண்டாவது எழுச்சியின் போது வளர்ந்து வரும் சட்டவிரோத தத்தெடுப்பு பிரச்சினை குறித்துத் தெரிவிப்பதுடன், குழந்தைகள் நலக் குழுக்களுக்கு முன்பாக குழந்தைகளை உருவாக்க அறிவுறுத்துகிறது. இதனால் தேவையான நடவடிக்கை எடுக்க முடியும். அந்த குழந்தைகளின் சிறந்த நலனுக்காக எடுக்கப்பட வேண்டும்” என்று ஆணைக்குழு அனைத்து மாநிலங்கள் / யூனியன் பிரதேசங்களின் தலைமைச் செயலாளர்களுக்கும் ஆலோசனை வழங்கியுள்ளதாகக் கூறியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and India news here. You can also read all the India news by following us on Twitter, Facebook and Telegram.

Web Title: Over 9000 children affected by pandemic ncpcr submits data tamil news

Next Story
இரு நிபந்தனைகள் அடிப்படையில் ஊரடங்கு தளர்வுகளை அறிவிக்கலாம்: மத்திய அரசு பச்சைக் கொடிTerms of unlock, coronavirus, second wave,
The moderation of comments is automated and not cleared manually by tamil.indianexpress.com
Best of Express