பஹல்காம் தீவிரவாத தாக்குதல்: ஆண்களை மட்டுமே குறிவைத்த பயங்கரவாதிகள்; கண்ணீர் மல்க சொல்லும் குடும்பத்தினர்கள்

பஹலாம் பயங்கரவாத தாக்குதலில் கர்நாடகாவைச் சேர்ந்த ஒரு ரியல் எஸ்டேட் தரகர், ஒடிசாவைச் சேர்ந்த கணக்காளர், கான்பூரைச் சேர்ந்த தொழிலதிபர் என இந்தியாவின் பல பகுதிகளில் இருந்து தெற்கு காஷ்மீரின் பஹல்காமிற்கு சுற்றுலா என்ற ஆண்கள் ஆவர். இந்த பயங்கரவாத தாக்குதலில் வெளிநாட்டினர் 2 பேர் உட்பட சுமார் 28 பேர் கொல்லப்பட்டத்தாக தகவல் வெளியாகி உள்ளது. 

கர்நாடக மாநிலம் ஷிவமொகாவைச் சேர்ந்த மஞ்சுநாத் ராவ் (47), அவரது மனைவி பல்லவி ராவ் மற்றும் அவர்களது மகன் அபிஜயா (18) ஆகியோர் சுற்றுலாப் பயணிகளால் 'மினி சுவிட்சர்லாந்து' என்று அழைக்கப்படும் பகுதிக்கு சென்றபோது பிற்பகலில் துப்பாக்கிச் சூடு நடந்தது. சிவமொக்காவில் உள்ள தனது உறவினரை அழைத்து பல்லவி என்பவர் தாக்குதல் குறித்து கூறியுள்ளார். அதன்படி பல்லவி ஆரம்பத்தில் இது ஆயுதப்படைகளின் பயிற்சி என்று நினைத்ததாகக் கூறினார். 10 நிமிடங்கள் கழித்து மஞ்சுநாத்தின் உடல் ரத்த வெள்ளத்தில் கிடப்பதை பார்த்தபின் தான் இது தீவிரவாத தாகுதல் என உணர்ந்ததாகவும் கூறினார். 

அவர்கள் ஒரு சுற்றுலா பேருந்தில் இருந்து இறங்கி புல்வெளியில் நுழைந்தவுடன் வழக்கமான உடையில் இருந்த ஒரு நபரால் தலையில் சுடப்பட்ட ஒரே ஒரு துப்பாக்கியால் தனது கணவர் இறந்துவிட்டதாக அவர் தனது உறவினரிடம் கூறினார். சுற்றுலா குழுவில் இருந்த ஆண்களை நோக்கி தான் துப்பாக்கிச் சூடு நடத்தப்பட்டதாக கூறப்படுகிறது. 

தனது கணவரை சுட்டுக் கொன்றதாக நம்பப்படும் தீவிரவாதியுடன் நடந்த வாக்குவாதத்தை அவர் நினைவு கூர்ந்தார். "நீ என் கணவனைக் கொன்றதால் என்னையும் கொன்றுவிடு என்று சொன்னேன். என் மகனும் அதையே சொன்னான்... அதற்கு அவர், 'நான் உன்னை கொல்ல மாட்டேன், மோடியிடம் சொல்லுங்கள்' என்று பதிலளித்தார்.

பாதிக்கப்பட்டவர்களில் மற்றொருவர் ஒடிசாவின் பாலசோரைச் சேர்ந்த பிரசாந்த் சத்பதி (43) ஆவார், அவரும் மனைவி மற்றும் ஒன்பது வயது மகனுடன் விடுமுறையில் இருந்தார். புவனேஸ்வரில் கணக்கராக பணியாற்றினார்.

இந்த செய்தியை ஆங்கிலத்தில் படிக்க க்ளிக் செய்யவும்.

அவரது மனைவி பிரியதர்ஷினி தி இந்தியன் எக்ஸ்பிரஸ்ஸிடம் கூறுகையில், அவர்கள் ஒரு ரோப்வேயில் இருந்து இறங்கியபோது அவர் தலையில் சுடப்பட்டார். "எனது கணவர் திடீரென துப்பாக்கி குண்டால் தாக்கப்பட்டதால் என்ன நடந்தது என்பதை எங்களால் புரிந்து கொள்ள முடியவில்லை. எங்கும் குழப்பம் நிலவியது" என்று அவர் கூறினார்.

கேரள மாநிலம் கொச்சியைச் சேர்ந்த 65 வயது முதியவர் தனது குடும்பத்துடன் வந்துள்ளார். ராமச்சந்திரன் தனது மனைவி ஷீலா, மகள் ஆர்த்தி மற்றும் அவரது இரண்டு குழந்தைகளுடன் விடுமுறையில் இருந்தார். "ராமச்சந்திரன் குதிரையில் சவாரி செய்யும் போது சுடப்பட்டார். பின்னர், உள்ளூர் மருத்துவமனையில் தனது தந்தையின் உடலை ஆர்த்தி அடையாளம் காட்டினார்" என்று கொச்சியின் எடப்பள்ளி பகுதியில் உள்ள குடும்பத்தின் பக்கத்து வீட்டுக்காரர் ஜெயலட்சுமி கூறினார்.

காஷ்மீருக்கு வருகை தந்த 11 பேர் கொண்ட குடும்பக் குழுவைச் சேர்ந்த கான்பூரைச் சேர்ந்த தொழிலதிபர் சுபம் திவேதி (31) என்பவரும் கொல்லப்பட்டார். இவர் கடந்த பிப்ரவரி 12-ம் தேதி ஐசன்யா திவேதி என்பவரை திருமணம் செய்து கொண்டார். "திருமணத்திற்குப் பிறகு இது அவர்களின் இரண்டாவது பயணம், இந்த முறை, அவர்கள் தங்கள் குடும்பத்தினருடன் பயணிக்க முடிவு செய்தனர்" என்று சுபத்தின் உறவினர் சவுரப் திவேதி கூறினார்.

சுபம் தனது குடும்பத்தின் சிமெண்ட் தொழிலை நிர்வகித்து வந்தார். "பயங்கரவாதிகள் துப்பாக்கிச் சூடு நடத்தியபோது சுபமும் அவரது மனைவியும் குதிரையில் மலைக்குச் செல்ல முடிவு செய்தனர். இதில் சுபம் சம்பவ இடத்திலேயே உயிரிழந்தார்.

சத்தீஸ்கர் மாநிலம் ராய்ப்பூரைச் சேர்ந்த தினேஷ் மிரானியா (42) என்பவர் தனது மனைவி நேஹா மற்றும் குழந்தைகளுடன் திருமண ஆண்டு விழாவிற்காக காஷ்மீர் சென்றிருந்தார். "ஒரு நாள் முன்னாடியே போன் பண்ணியிருந்தான். அவர்கள் வைஷ்ணவ தேவியை சந்தித்ததாக அவர் கூறினார். இன்று அவரது திருமண நாள். அவரது மகன் விடுமுறைக்கு குடும்பத்துடன் வந்திருந்தார்" என்று ஒரு நண்பர் கூறினார்.