Passport online application: ஆன்லைனில் பாஸ்போர்ட் அப்ளை செய்வது எப்படி?

Passport online application: இந்திய வெளியுறவுத்துறை அமைச்சகம், இந்தியாவின் எந்த மூலையிலிருந்து வேண்டுமானாலும் பாஸ்போர்ட் அப்ளை செய்துக் கொள்ள அனுமதிக்கிறது.

இத்திட்டம் கடந்தாண்டு ஜூன் மாதம் அறிமுகப்படுத்தப்பட்டது. இதற்கு ஆதார் கார்டு, பிறப்பு சான்றிதழ், பான் கார்டு, பள்ளி/கல்லூரி சான்றிதழ் ஆகியவை அவசியம்.

சரி இவையனைத்தையும் தயார் நிலையில், வைத்துக் கொண்டு கீழே குறிப்பிட்டுள்ள முறையில் ஈஸியாக பாஸ்போர்ட்டுக்கு விண்ணப்பிக்கலாம்.

ஆன்லைனில் எப்படி அப்ளை செய்வது? 

ஸ்டெப் 1 - passportindia.gov.in என்ற தளத்தில் நுழைந்து ஆர்டினரி ஆப்ஷன் என்பதை க்ளிக் செய்யவும்.

ஸ்டெப் 2 - அதில் ‘Register Now’ என்பதை க்ளிக் செய்தால், அடுத்து என்னென்ன செய்ய வேண்டும் என்பது வரிசையாக வரும்.

ஸ்டெப் 3 - அடுத்தப் பக்கம் திறந்து, அதில் விண்ணப்பதாரர்கள் விண்ணப்பிக்க வேண்டிய விஷயங்கள் வரிசையாக வரும். அனைத்தையும் பூர்த்தி செய்து, பதிவு செய்து விட்டு, லாக் இன் ஐடி, பாஸ்வேர்டு கொண்டு உள் நுழையவும்.

ஸ்டெப் 4 - உள்ளே நுழைந்ததும், ’Apply for New Passport என்பதைக் க்ளிக் செய்யவும்.

ஸ்டெப் 5 - அதில் கேட்கப்பட்டிருக்கும் அனைத்துத் தகவல்களையும் பூர்த்தி செய்து, சப்மிட் கொடுக்கவும்.

ஸ்டெப் 6 - பின்னர் ’Pay and Schedule Appointment’ என்பதைக் க்ளிக் செய்யவும். அப்போது புதிய பக்கம் திறக்கும், அதில் பணம் செலுத்திக் கொள்ளவும். அதோடு அப்பாயின்மெண்டையும் உறுதி செய்துக் கொள்ளவும்.

ஸ்டெப் 7 - பிரிண்ட் அல்லது உங்கள் எண்ணுக்கு வரும் எஸ்.எம்.எஸ் என எதை வேண்டுமானாலும் நீங்கள் பாஸ்போர்ட் அலுவலகத்துக்கு எடுத்துச் செல்லலாம்.

ஸ்டெப் 8 - இறுதியாக அசல் ஆவணங்களுடன் பாஸ்போர்ட் அலுவலகத்தை அணுகவும்.