ப்ளான் B : நாள் ஒன்றுக்கு 6 லட்சம் பேருக்கு தேவையான ஆக்ஸிஜனை உருவாக்க திட்டம்

 Harikishan Sharma

Paul panel said explore Plan B : கடந்த 10 நாட்களுக்கு முன்பு நிதி ஆயோக்கின் உறுப்பினர் மருத்துவர் வி.கே. பால் தலைமையில் அமைந்திருக்கும் அதிகாரமளிக்கப்பட்ட உறுப்பினர்கள் குழு ( Empowered Group of Officers ), சுகாதாரத்துறை உள்ளிட்ட துறை அதிகாரிகளிடம், ஏப்ரல் 20ம் தேதிக்குள் 3 லட்சம் புதிய பாதிப்புகளுக்கு தேவையான ஆக்ஸிஜனையும், ஏப்ரல் இறுதிக்குள் 5 லட்சம் புதிய நோயாளிகளுக்கு தேவையான ஆக்ஸிஜனையும் உற்பத்தி செய்ய தேவையான நடவடிக்கைகள் எடுக்க வேண்டும் என்று கூறினார்.

கொரோனா தடுப்பு தொடர்பாக அரசு அமைக்கப்பட்டிருக்கும் குழுவின் உறுப்பினராகவும் இருக்கும் மருத்துவர் பால், அதிகாரமளிக்கப்பட்ட குழு ஒன்றின் மருத்துவ உள்கட்டமைப்பு கொரோனா மேலாண்மை திட்டம் குறித்து பேசிய போது, ஆக்ஸிஜன் விநியோகத்தை அதிகரிக்க தேவையான அனைத்து நடவடிக்கைகளையும் ப்ளான் - பிக்கு கீழே எடுக்க வேண்டும் என்று கூறினார். நாள் ஒன்றுக்கு 6 லட்சம் பேருக்கு புதிதாக கொரோனா பாதிப்பு ஏற்படும் பட்சத்தில் தேவையான ஆக்ஸிஜனை வழங்க தயார் நிலையில் இருக்க வேண்டும் என்பது தான் அது.

"ஆக்ஸிஜன் கிடைப்பதற்கான தாக்கத்துடன் மோசமான தொற்றுநோய்களின் அவசரத்தை EG-2 க்கு தெரிவிக்க வேண்டும்," என்று அது கூறியது. கைத்தொழில் மற்றும் உள்நாட்டு வர்த்தகத்தை மேம்பாட்டுத் துறை (டிபிஐஐடி) செயலாளர் மருத்துவர் குருபிரசாத் மொஹாபத்ராவின் கீழ் இந்த அதிகாரம் பெற்ற குழு இரண்டின் முதன்மை பொறுப்பு, பாதிக்கப்பட்ட மாநிலங்களுக்கு மருத்துவ ஆக்ஸிஜன் உள்ளிட்ட அத்தியாவசிய மருத்துவ உபகரணங்களை உறுதி செய்வதாகும்.

மேலும் படிக்க : நாட்டை அசைத்து பார்க்கும் கொரோனா; உதவிக்கரம் நீட்டும் அமெரிக்கா, இங்கிலாந்து, ஐரோப்பிய ஒன்றியம்

ஏப்ரல் முதல் இரண்டு வாரங்களில் நடைபெற்ற கூட்டத்திற்கு பிறகு மருத்துவர் பால் திட்டம் இரண்டை செயல்படுத்துவதற்கான சாத்திய கூறுகளை ஆராய வேண்டும் என்று அரசிடம் கேட்டுக் கொண்டார். ஒரு செய்திக்குறிப்பில், நிலைமையைக் கட்டுக்குள் கொண்டுவருவதற்கு மாநிலங்கள் கடுமையான கோவிட் மேலாண்மை மற்றும் தொற்று அதிகரிக்கும் பகுதிகளில் கட்டுப்பாட்டு நடவடிக்கைகளை பரிசீலிக்க வேண்டிய அவசியத்தை மத்திய அரசு அறிவித்துள்ளதாக மத்திய சுகாதாரத்துறை அமைச்சகத்தின் செய்திக்குறிப்பில் கூறப்பட்டுள்ளது. மேலும் தற்போதுள்ள மருத்துவ உள்கட்டமைப்பு இது போன்ற தொற்றை சமாளிக்க முடியாது என்றும் கூறியது.

ஆனால் கடந்த ஆண்டு செப்டம்பரில் முதல் அலையின் உச்சத்தின் போது மருத்துவ உள்கட்டமைப்பு குறித்து அரசாங்கத்திற்கு ஒரு யோசனை இருந்தது. ‘மருத்துவ உள்கட்டமைப்பு’ குறித்த EG-1 கடந்த செப்டம்பரில் நடத்திய கூட்டத்தில் ஒரு நாளைக்கு 3 லட்சம் புதிய வழக்குகள் பதிவானால், நாட்டிற்கு 1.6 லட்சம் ஐசியு படுக்கைகள் தேவை மற்றும் 3.6 லட்சம் ஐசியு அல்லாத படுக்கைகள் தேவை என்று கூறியிருந்தன. ஐசியு அல்லாத படுக்கைகளில் 75 சதவீதம் ஆக்ஸிஜன் விநியோகத்துடன் இயக்கப்பட வேண்டும் என்றும் அது கூறியுள்ளது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

செப்டம்பர்-நவம்பர் 2020க்கான ‘சுகாதார அமைப்பு தயாரிப்பு தேவைகள்’ குறித்த தனது மூன்றாவது அறிக்கையில், கட்டுப்பாட்டு உத்திகள் தீவிரப்படுத்தப்படாவிட்டால், நவம்பர் இரண்டாவது வாரத்தில் / டிசம்பர் தொடக்கத்தில் இந்தியாவில் நாள் ஒன்றுக்கு மூன்று லட்சத்திற்கும் அதிகமானோர் தொற்று நோய்க்கு ஆளாவார்கள் என்று கூறியது. ஒரு நாளைக்கு 2 லட்சத்துக்கும் அதிகமான வழக்குகளை இந்தியா கையாள முடியாது என்று கூறி, கோவிட் அல்லாத பராமரிப்பு மற்றும் பிற நடவடிக்கைகளை அளவிடுவதன் அவசியத்தையும் அது கோடிட்டுக் காட்டியது.