PM Modi 68 Birthday : பிரதமர் நரேந்திர மோடி இன்று (17.9.18) தனது 68 வயது பிறந்தநாளை வாரணாசியில் பள்ளிக் குழந்தைகளுடன் கொண்டாடுகிறார்.
PM Modi 68 Birthday : பள்ளிக் குழந்தைகளுடன் பிறந்த நாள் கொண்டாட்டம்!
இந்தியாவின் பிரதமர் நரேந்திர மோடி இன்று தனது 68 ஆவது பிறந்த நாளை கொண்டாடுகிறார். அவருக்கு அரசியல் தலைவர்கள், கட்சி நிர்வாகிகள், பிரபலங்கள், தொண்டர்கள் என பலரும் தங்களது வாழ்த்துக்களை சமூகவலைத்தளங்களில் பதிவிட்டு வருகின்றனர்.
இந்தியாவின் பிரதமராக பொறுப்பேற்ற பிறகு ஒவ்வொரு ஆண்டும் தனது பிறந்தநாளன்று புதிய திட்டங்களைமோடி தொடங்கி வைப்பது வழக்கம். கடந்தாண்டில் குஜராத்தில் உள்ள சர்தார் சரோவர் அணையை திறந்து வைத்து நாட்டுக்காக அர்பணித்தார். அந்த வகையில் பிரதமர் பதவியில் இருந்தவாறே அவர் கொண்டாடும் 5வது பிறந்தாள் இதுவாகும்.
இன்று தனது 68 வது பிறந்தாளில் 2 நாள் பயணமாக அவர் உத்தர பிரதேச மாநிலத்திற்கு புறப்பட்டுச் செல்கிறார். வாரணாசி செல்லும் அவர், பாரா லால்பூர் பகுதியில் 5 ஆயிரம் பள்ளி குழந்தைகளுடன் பிறந்தநாள் கொண்டாடுகிறார்.
அதை தொடர்ந்து நாளை 18ம் தேதி, வாரணாசியில் சுமார் 500 கோடி ரூபாய் மதிப்பிலான பல்வேறு திட்டங்களுக்கு பிரதமர் நரேந்திர மோடி அடிக்கல் நாட்டுகிறார். அதேபோல நிறைவடைந்த சில நலத்திட்டங்களையும் அவர் தொடங்கி வைக்கிறார்.